GENESIS 13
13
Abram le Lot An I Ṭhen
1Abram cu Izipt ram khan a chuak i chaklei ah Negeb ram leiah khan a hung kal, a sinah cun a nupi le a ngeihmi vialte le Lot zong kha an kal ve. 2Abram cu mi rum ngaingai a si, tuu tampi a ngei, meheh tampi a ngei, caw tampi a ngei i sui le ngun zong tampi a ngei. 3Cun riahhmun pakhat hnu pakhat in Negeb ram in Bethel khua leiah khan aa thawn, hmasa i Bethel khua le Ai khua karlak i a rak riahnak hmun kha a hei fuh. 4Biakṭheng a rak sernak hmun ah khan a hung kal ṭhan i cuka ah cun Bawipa kha a biak.
5Abram he a kal ṭimi Lot zong nih khan tuu le meheh le caw le a sin i a um vemi minung kha a ngeih ve hna. 6An pahnih in hmunkhat i um awkah saṭil tlonnak ram nih a zaat hna lo, saṭil tam tuk an ngei veve. 7Cucaah Abram saṭil cawng hna le Lot saṭil cawng hna kha an i si lengmang. (Cu lioah cun Kanaan mi hna le Periz mi hna kha cu ram chungah cun an um ko rih).
8Cun Abram nih Lot cu a thawh i, “Kannih cu rualchan kan si, na mi hna le ka mi hna hi an i sik lengmang awk a si lo. 9I ṭhen u sih. Ram hi na duhnak kaa zawn i thim law ka kaltak ko. Nang kehlei i na kal ahcun kei orhlei ah ka kal lai, orhlei i na kal ah cun kehlei ah ka kal lai,” a ti. 10Cucaah Lot cu khua a cuan i Jordan tiva nelrawnpi kha Zoar khua tiangin ti tampi a um i Bawipa dum bantuk le Izipt ram bantuk a si kha a hmuh. (Cucu Bawipa nih Sodom le Gomorrah khua a hrawh hna hlan kha a si.) #Gen 2.10 11Lot nih cun Jordan nelrawn cu a ningpi in aa thim i nichuahlei ah khan a kal. Abram le Lot an i ṭhenning cu, cuticun a si. 12Abram cu Kanaan ram chungah khan khua a sa i Lot cu nelrawn i a ummi khualipi hna lakah khan a um i Sodom khua pawngah khan riahhmun a ser. 13Sodom khuami cu miṭhalo, Bawipa cung i ṭhat lonak a tuahmi misual an si.
Abram Cu Hebron Ah Aa Ṭhial
14Lot aa ṭhial hnuah Bawipa nih Abram cu a thawh i, “Na umnak hmun khan, nichuah nitlak chaklei thlanglei vialte cuan tuah hna; 15na hmuhmi ram vialte kha nangmah le na tefa cu kan pek hna lai i a zungzal in nan ta a si lai. #Lam 7.5 16Tefa tampi kan pek lai i an tam tuk ah ahohmanh nih an rel kho hna lai lo, leidip cu ahohmanh nih an rel khawh hna lo bantuk khi an si lai. 17Cucaah i tim law ram hi a pumpi in ṭol tuah, zeicahtiah a dihlak in nangmah cu kan pek lai,” a ti. 18Cucaah Abram nih a riahhmun cu a ṭhial i Hebron khua i Mamre thingzarh an umnak ah khan a va um, cuka ah cun Bawipa caah biakṭheng pakhat a va ser.
Currently Selected:
GENESIS 13: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
