Yohana 12
12
ILYA LYA BETANIYA. — YEZU NATAHA YERUZALEMU. — YEZU N’ABASENZI. — ILAKA MW’IGULU.
1Mbe ka hasigereyo naku mukaga kuhika Paska, Yezu naiza Betaniya, eyo Lazari yaliga afwerere, owe Yezu yazokwere. 2Okwo nibamutekerayo ebilyo; Marta nakebengana, kai Lazari ali omo wo mu baliga bekere nage h’eliro. 3Mbe Maria natwara endengo y’ebintu ebikununka kuzima bya nardi nzima by’obuguzi bwingi, nasiga amaguru ga Yezu, nakubuza isoke lye; enzu nechumura yona omwaya gw’ebikununka kuzima. 4Omo wo mu bahemba be, niwe Yuda Iskaryota, alamutunda, nagira ati: 5Ebikununka kuzima binu byakuguzirwe denari magana asatu zo kugabira abahabi! 6Ebyo tiyabigambisibwe kusaswa abahabi, nawe n’obwo yaliga ali musuma, kai ali n’ensaho, yatwaraga ebyo batamoga. 7Mbe Yezu nagira ati: Mumuleke, abikolere ha bw’olunaku lwo kuzikwa kwange. 8Kuba abahabi muli nabo bucha bucha, nawe ine timuli n’ene naku zona. 9Mbe embaga ningi y’Abayahudi nemanya okwo aliyo; nibeza, tibaletwaga Yezu wenka, nawe no kulora Lazari, owe yazokwere mu bafu. 10Abakuru b’abasaserdoti nibatekateka no kwita Lazari, 11kuba bengi barugaga Buyahudi kubera wenene, nibekiriza Yezu.
12Bwire kucha, embaga ningi eyaliga eizile ha lunaku lukuru, ka bahulire okwo Yezu akwiza Yeruzalemu, 13nibatwara amatabi g’amakinda, nibarobekana kuza kumwesungana, nibahamuka bati: Hozana! ali n’omugisa Omukama wa Israeli, akwizira mw’izina ly’Omukama! 14Yezu nasanga omwana gw’ensikiri, nagihanamaho, nk’okwo chaliga chandikirwe kiti: 15Noleke kutina, muhara wa Sioni#12, 15 Lora Matayo 21, 5., ngugwo Omukama wawe akwiza ahanamire ha mwana gw’ensikiri. 16Ebyo abahemba be tibabimanyire ahw’aho; nawe Yezu ka yakuzibwe, niho nibezuka okwo byaliga bimwandikirweho, nibyo nibamugirira. 17Embaga eyaliga eliho, olwo yayeta Lazari mu kituro akamuzora mu bafu, nemumanyisya. 18Nicho n’embaga yezire kumwesungana, obwo yaliga yahulire okwo yakozire ihano elyo. 19Mbe Abafarizayo nibagambirana bati: Mukubona okwo tutakuhicha kintu? Lora okwo akurubwa abantu bona.
20Mu bantu abaliga banegere kwiza kulembereza, haliga halimo n’abasenzi bandi ha lunaku lukuru 21Mbe abo niberirira Filipo, ayaliga ali wa Betsaisa ya Galilaya, nibamusaba nibagira bati: Yego, tukwenda kulora Yezu. 22Filipo naza kugambira Andrea; Andrea na Filipo nibagambira Yezu. 23Yezu nabasubiramo nagira ati: Olunaku lukwiza olw’Omwana w’omuntu alikulizibwamo. 24Koto koto nkubagambira nti: Enzuma y’engano etagwire mw’itaka ekazunda, 25ekwikara yonka etyo; nawe k’ekuzunda, ekutunga nzuma ningi. Akwenda omwoyo gwe, akugunaga; nawe akuhata omwoyo gwe mu nsi munu, akugubikira obulame obutahwaho. 26Omuntu akunkolera, akunduba; kandi eyo ndi, niyo n’omukozi wange aliba ali. Omuntu alinkolera, Tata alimukuza. 27Hati omwoyo gwange gwahaha. Mbe nfumore ki? Tata, nonchungule mu katungu kanu. Nawe niby’ebyo byampika ha katungu ako. 28Tata, nokuze izina lyawe. Ilaka niliruga mw’igulu niligira liti: Namukulize, kandi nkusuba kumukuza. 29Mbe embaga eyaliga eliho nehulira yagiraga eti: Hamo embaragazi niyo yagamba. Abandi nibagira bati: Ni mumalaika, niwe yamufumorere. 30Yezu nasubamo nagira ati: Ilaka linu tilyezira ine, nawe lyezira imwe. 31Hati ni lamu y’ensi; hati omukuru w’ensi akuhurukibwa hanza. 32Ine ka ndyerezibwa ha nsi, ndikwesera byona hal’ine#12, 32 Yezu k’alamara kulegwa ha musalaba, niho abantu bengi balamwikiriza.. 33(Nawe ebyo akabigamba nasusanisya olufu olulimwita.) 34Embaga nemusubiramo eti: Itwe tukahulira mu Kilagiro okwo Kristu alikaliraho emyaka ezitahwaho; kai iwe okutugambira ki oti: Omwana w’omuntu ali no kusungwa? Omwana w’omuntu ogwo n’oha? 35Mbe Yezu nabagambira ati: Olumuli luchaliho mwanya muke mul’imwe. Nimulibate mukili n’olumuli, niho omwirima gutabapampukiza; akutura mu mwirima takumanya eyo akuza. 36Mukili n’olumuli, nimwikirize olumuli, niho mube bana b’olumuli. Yezu ka yagambire ebyo, nagenda, nabeserekera.
OBUHUME BW’ABAYAHUDI. — BENGI NIBAMWIKIRIZA.
37Naho yakozire amahano mengi gatyo baliho, hona tibamwikirize, 38niho ekigambo ch’omulagi Izaiya kihike echo yagambire ati: Mukama wange, ayekirize ebyo yatuhulireho n’oha? n’omukono gw’Omukama gukasururirwa ga? 39Nicho batahikirize kwikiriza, kuba Izaiya akasuba kugamba ati: 40Akahumya ameso gabo nagumya emitima zabo, niho ameso gabo galeke kubona n’emitima zabo zileke kusombokerwa, batahinduka nkabakiza#12, 40 Ebigambo ebyo bikumanyisya echemo n’obwekuza bw’Abayahudi.. 41Izaiya akagamba ebyo olwo yabona ikuzo lye, nagamba ebye. 42Nawe bengi na mu bakuru bakamwikiriza; nawe tibayesokoraga ha bw’Abafarizayo, baterukibwa mw’isomero. 43Bayendaga muno ikuzo ly’abantu kukira elya Mungu. 44Yezu nahamuka nagira ati: Akunikiriza takwikiriza ine, nawe ayantumire. 45Akumbona akubona ayantumire. 46Ine nkeza nk’olumuli mu nsi, niho buli muntu akunikiriza naleke kwikalira mu mwirima. 47Omuntu aliba yahulire ebigambo byange, akabura kubihicha, ine tindimulamula; kuba tinezire kulamula ensi, nawe nkeza kuchungula ensi. 48Akungaya akabura kwanankula ebigambo byange, ali n’alimulamula. Ekigambo echo nafumora nicho kilimulamula ha lunaku olulihereruka. 49Kuba ine tinkufumora ha bwange nenka, nawe Tata ayantumire niwe yandagirire ebyo ndafumora n’ebyo ndagamba. 50Kai nkumanya okw’ekilagiro che buli bulame obutahwaho. Mbe ebyo nkufumora, nkubifumora nk’okwo Tata yangambire.
Currently Selected:
Yohana 12: KED1946
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.
Yohana 12
12
ILYA LYA BETANIYA. — YEZU NATAHA YERUZALEMU. — YEZU N’ABASENZI. — ILAKA MW’IGULU.
1Mbe ka hasigereyo naku mukaga kuhika Paska, Yezu naiza Betaniya, eyo Lazari yaliga afwerere, owe Yezu yazokwere. 2Okwo nibamutekerayo ebilyo; Marta nakebengana, kai Lazari ali omo wo mu baliga bekere nage h’eliro. 3Mbe Maria natwara endengo y’ebintu ebikununka kuzima bya nardi nzima by’obuguzi bwingi, nasiga amaguru ga Yezu, nakubuza isoke lye; enzu nechumura yona omwaya gw’ebikununka kuzima. 4Omo wo mu bahemba be, niwe Yuda Iskaryota, alamutunda, nagira ati: 5Ebikununka kuzima binu byakuguzirwe denari magana asatu zo kugabira abahabi! 6Ebyo tiyabigambisibwe kusaswa abahabi, nawe n’obwo yaliga ali musuma, kai ali n’ensaho, yatwaraga ebyo batamoga. 7Mbe Yezu nagira ati: Mumuleke, abikolere ha bw’olunaku lwo kuzikwa kwange. 8Kuba abahabi muli nabo bucha bucha, nawe ine timuli n’ene naku zona. 9Mbe embaga ningi y’Abayahudi nemanya okwo aliyo; nibeza, tibaletwaga Yezu wenka, nawe no kulora Lazari, owe yazokwere mu bafu. 10Abakuru b’abasaserdoti nibatekateka no kwita Lazari, 11kuba bengi barugaga Buyahudi kubera wenene, nibekiriza Yezu.
12Bwire kucha, embaga ningi eyaliga eizile ha lunaku lukuru, ka bahulire okwo Yezu akwiza Yeruzalemu, 13nibatwara amatabi g’amakinda, nibarobekana kuza kumwesungana, nibahamuka bati: Hozana! ali n’omugisa Omukama wa Israeli, akwizira mw’izina ly’Omukama! 14Yezu nasanga omwana gw’ensikiri, nagihanamaho, nk’okwo chaliga chandikirwe kiti: 15Noleke kutina, muhara wa Sioni#12, 15 Lora Matayo 21, 5., ngugwo Omukama wawe akwiza ahanamire ha mwana gw’ensikiri. 16Ebyo abahemba be tibabimanyire ahw’aho; nawe Yezu ka yakuzibwe, niho nibezuka okwo byaliga bimwandikirweho, nibyo nibamugirira. 17Embaga eyaliga eliho, olwo yayeta Lazari mu kituro akamuzora mu bafu, nemumanyisya. 18Nicho n’embaga yezire kumwesungana, obwo yaliga yahulire okwo yakozire ihano elyo. 19Mbe Abafarizayo nibagambirana bati: Mukubona okwo tutakuhicha kintu? Lora okwo akurubwa abantu bona.
20Mu bantu abaliga banegere kwiza kulembereza, haliga halimo n’abasenzi bandi ha lunaku lukuru 21Mbe abo niberirira Filipo, ayaliga ali wa Betsaisa ya Galilaya, nibamusaba nibagira bati: Yego, tukwenda kulora Yezu. 22Filipo naza kugambira Andrea; Andrea na Filipo nibagambira Yezu. 23Yezu nabasubiramo nagira ati: Olunaku lukwiza olw’Omwana w’omuntu alikulizibwamo. 24Koto koto nkubagambira nti: Enzuma y’engano etagwire mw’itaka ekazunda, 25ekwikara yonka etyo; nawe k’ekuzunda, ekutunga nzuma ningi. Akwenda omwoyo gwe, akugunaga; nawe akuhata omwoyo gwe mu nsi munu, akugubikira obulame obutahwaho. 26Omuntu akunkolera, akunduba; kandi eyo ndi, niyo n’omukozi wange aliba ali. Omuntu alinkolera, Tata alimukuza. 27Hati omwoyo gwange gwahaha. Mbe nfumore ki? Tata, nonchungule mu katungu kanu. Nawe niby’ebyo byampika ha katungu ako. 28Tata, nokuze izina lyawe. Ilaka niliruga mw’igulu niligira liti: Namukulize, kandi nkusuba kumukuza. 29Mbe embaga eyaliga eliho nehulira yagiraga eti: Hamo embaragazi niyo yagamba. Abandi nibagira bati: Ni mumalaika, niwe yamufumorere. 30Yezu nasubamo nagira ati: Ilaka linu tilyezira ine, nawe lyezira imwe. 31Hati ni lamu y’ensi; hati omukuru w’ensi akuhurukibwa hanza. 32Ine ka ndyerezibwa ha nsi, ndikwesera byona hal’ine#12, 32 Yezu k’alamara kulegwa ha musalaba, niho abantu bengi balamwikiriza.. 33(Nawe ebyo akabigamba nasusanisya olufu olulimwita.) 34Embaga nemusubiramo eti: Itwe tukahulira mu Kilagiro okwo Kristu alikaliraho emyaka ezitahwaho; kai iwe okutugambira ki oti: Omwana w’omuntu ali no kusungwa? Omwana w’omuntu ogwo n’oha? 35Mbe Yezu nabagambira ati: Olumuli luchaliho mwanya muke mul’imwe. Nimulibate mukili n’olumuli, niho omwirima gutabapampukiza; akutura mu mwirima takumanya eyo akuza. 36Mukili n’olumuli, nimwikirize olumuli, niho mube bana b’olumuli. Yezu ka yagambire ebyo, nagenda, nabeserekera.
OBUHUME BW’ABAYAHUDI. — BENGI NIBAMWIKIRIZA.
37Naho yakozire amahano mengi gatyo baliho, hona tibamwikirize, 38niho ekigambo ch’omulagi Izaiya kihike echo yagambire ati: Mukama wange, ayekirize ebyo yatuhulireho n’oha? n’omukono gw’Omukama gukasururirwa ga? 39Nicho batahikirize kwikiriza, kuba Izaiya akasuba kugamba ati: 40Akahumya ameso gabo nagumya emitima zabo, niho ameso gabo galeke kubona n’emitima zabo zileke kusombokerwa, batahinduka nkabakiza#12, 40 Ebigambo ebyo bikumanyisya echemo n’obwekuza bw’Abayahudi.. 41Izaiya akagamba ebyo olwo yabona ikuzo lye, nagamba ebye. 42Nawe bengi na mu bakuru bakamwikiriza; nawe tibayesokoraga ha bw’Abafarizayo, baterukibwa mw’isomero. 43Bayendaga muno ikuzo ly’abantu kukira elya Mungu. 44Yezu nahamuka nagira ati: Akunikiriza takwikiriza ine, nawe ayantumire. 45Akumbona akubona ayantumire. 46Ine nkeza nk’olumuli mu nsi, niho buli muntu akunikiriza naleke kwikalira mu mwirima. 47Omuntu aliba yahulire ebigambo byange, akabura kubihicha, ine tindimulamula; kuba tinezire kulamula ensi, nawe nkeza kuchungula ensi. 48Akungaya akabura kwanankula ebigambo byange, ali n’alimulamula. Ekigambo echo nafumora nicho kilimulamula ha lunaku olulihereruka. 49Kuba ine tinkufumora ha bwange nenka, nawe Tata ayantumire niwe yandagirire ebyo ndafumora n’ebyo ndagamba. 50Kai nkumanya okw’ekilagiro che buli bulame obutahwaho. Mbe ebyo nkufumora, nkubifumora nk’okwo Tata yangambire.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published in 1946 by the White Fathers. Published online with the permission of the White Fathers.