लुका 7
7
कप्तानके बिस्बास
(मती ८:५-१३)
1तकरबाद येसु सब लोकसबके अरती उपदेस द्यादेलाकेबाद येसु कफरनहुम दिसन गेलै। 2ओते रोमी कप्तानके एक गोरे पिरिय नोकर बिमारसे मरे लागल छेलै। 3जब येसुके बारेमे कप्तान सुनल्कै तब ओकर नोकरके आइबके निक कैरदियौ कैहके यहुदी अगुवासबके बिन्ती करे पठाइल्कै। 4उसब येसु लग आइबके बिन्ती करैत कहल्कै, “कप्तान साँचोके अहाँके किरपा पाबैके योग्यके चियै, 5कथिलेत उ अपनासबके जातीके परेम करैछै आ अपनासबके खातिर एकटा यहुदी सभाघर बन्यादेनेछै।” 6तकरबाद येसु ओइसबसङे गेलै। जब येसु कप्तानके घर लगमे रहै तब कप्तान सङीसबके एहेन कैहके येसु लग पठाइल्कै, “गुरु जी, दुख नै उठाबु कथिलेत हमर घरमे अहाँके स्वागत करैके हैसियतके नै चियै, 7तैहनङे हम आपनेसे अहाँ लग आबैके हैसियतके नै चियै। महज अहाँ आग्या करैचियै त हमर नोकर निक भ्याजेतै। 8कथिलेत हम्हु बरका हाकिमके निचामे बैठल लोक चियै। हमरो निचामे सिपाहीसब छै। हम एकटा सिपाहीके, ‘जो’ कहैचियै त, उ जाइछै आ दोसरके, ‘या’ कहैचियै त, उ आबैछै। तैहनङे नोकरके हम, ‘यि कर’ कहैचियै त, उ ओहिनङ करैछै।”
9यि बातसब सुइनके येसु आस्चरजमे परलै आ घुइमके आपन पछा लागल भिरके कहल्कै, “हम तोरासबके कहैचियौ, एहेन बिस्बास करैबला लोक त पुरे इजराएलमे नै देखलियै!” 10जब कप्तानके सङि-साथीसब घुइमके ओकर घर एलै, उसब ओइ नोकरके निक भेल देखल्कै।
येसु मरलहाके जियाइल्कै
11कुछ दिनके बाद येसु नाइन गाममे गेलै। ओकर चेलासब आ बहौतरा लोकसब ओकर पछा लाग्लै। 12जब येसु गामके दुवारमे पुग्लै, तब बिधुवाके एकलौता बेटाके लहास बोइकके कठियारी जाइ छेलै। ओइ बिधुवासङे गामके बहुतरा लोकसब छेलै। 13जब परभु येसु ओइ बिधुवाके देखल्कै तब ओकर हिरदय दयासे भैरगेलै आ कहल्कै, “नै कान!” 14लगमे ज्याके लहासबला खटिया छुबल्कै, तब बोकैबलासब ठार भ्यागेलै। येसु कहल्कै, “ए जबान, हम तोरा कहैचियौ, उठ!” 15मरलहा जबान लोक उठके बैठलै आ बोले लाग्लै। येसु ओकर माँके जिमा लग्या देल्कै।
16तब सबकोइ डेरागेलै आ परमेस्वरके परसन्सा करैत कहल्कै, “अपनासबके बिचमे एकटा बहुत बरका अगमबक्ता एलछै। परमेस्वर आपन लोकसबके बचाइले एलछै।” 17यि घटनाके खबर सारा यहुदिया आ आसपासके इलाकामे फैलगेलै।
युहन्नाके सबाल आ येसुके जबाफ
(मती ११:२-१९)
18बप्तिस्मा दैबला युहन्नाके चेलासब सब समाचार ओकरा सुनेल्कै। तब युहन्ना आपन मातर दुइ गोरा चेलासबके बोलाइल्कै 19यि पुछैले परभु लग पठाइल्कै, “जे आबैबला कि अहाँ उहे चियै? कि हमसब दोसरके आस करु?” 20येसु लग एलै आ कहल्कै, “बप्तिस्मा दैबला युहन्ना हमरासबके यि पुछैले पठाइने छै, ‘जे आबैबला छै, कि अहाँ योहे चियै? कि हमसब दोसरके आस करु?’”
21तहै बखत येसु बहुत लोकसबके बहुत परकारके रोगबिमार आ भुतसब निकालल्कै आ बहौतरा अन्हरासबके दिरिस्टी देल्कै। 22तब येसु युहन्नाके चेलासबके कहल्कै, “जो, तुसब जे जे देखलिही आ सुनलिही, ज्याके युहन्नाके कैह दैहिए- अन्हरासब देखैछै, नेङरासब लरैछै, कोढि-कुस्टी लागलसब निक हैछै, बैहरासब सुनैछै, मरलसब जि जाइछै, दुखी गरिबसबके सुसमाचार सुनाइछै। 23उ धैनके छै जे हमर उपर सङका नै करैछै।”
24जब युहन्नाके चेलासब घुइमके एलाकेबाद, येसु भिरके युहन्नाके बारेमे कहेलाग्लै, “तुसब उजार जगहमे कथी देखे गेल्छेली? कि हबासे हिलैबला नरकटके? 25तुसब कथी देखे गेल्छेली? कि सफा उजर जमा पिन्हल लोकसबके देखैले? नै, सफा उजर जमा आ ऐसमोजके जिन्गी बिताइबलासब त राज दरबारमे रहैछै। 26कथी देखैले गेल्ही? कि अगमबक्ता के? हँ, हम, साच्चेके कहैचियौ, तुसब अगमबक्तोसे बरका के देखबिही। 27यि ओहे चियै, जकर बारेमे पबितर धरमसास्तरमे लिखल छै,
‘देख, हमर दुतके तोहर अगा-अगा
पठाइबौ जे तोहर खातिर रस्ता
तयार करतौ।’ #
मलाकी ३:१
28 “हम तोरासबके कहैचियौ, अखुनतक कोइ नै जलमलछै जे युहन्नासे बरका छै। तैयो जे परमेस्वरके राजमे सबसे छोट छै, उ युहन्नासे बहुत बरका छै।” 29तब सब लोकसब आ करो उठाइबलासब यि बातसब सुइनके परमेस्वरके सुइकार करल्कै, कथिलेत उसब युहन्नासे बप्तिस्मा लेने छेलै। 30महज फरिसीसब आ धरमगुरुसब युहन्नासे बप्तिस्मा नै लैके कारन उसब परमेस्वरके योजनाके इन्कार करल्कै। 31येसु कहल्कै, “अइ पुस्ताके लोकसबके हम कथिसे नाप्बै? उसब केहन छै? 32उसब बजारमे बैठल धियापुता जखाछै, जे एक दोसरके कहैछै,
‘हमसब तोरासबके खातिर बौसली बजेलियौ तैयो तुसब नै नाचलिही,
हमसब सोक मनेलियौ महज तुसब नै कानली।’
33 “बप्तिस्मा दैबला युहन्ना उपासे आ अङगुरके मध नै पिके एलै। ‘ओकरा भुत लागल छै कहलिही।’ 34मानबके बेटा उ खाइत पियैत एलौ तब तुसब कहबिही, ‘देख, एकटा खाधुस, पियक्कर, बटी उठाइबलासबके आ पापीसबके सङी!’ 35परमेस्वरके बुइध जकरसङे छै स्याहा ओकर बुइधके ठिक कहैछै।”
जनिजाइतके पाप माफ
36एक गोरे फरिसी येसुके खाइके लेल नौता देल्कै तब उ ओइ फरिसीके घरमे गेलै आ खाइले बैठलै। 37ओइ सहरमे एकटा पापी जनी छेलै। फरिसीके घरमे येसु खाइले एलछै से बात सुइनके एकटा संगमरमरके सिसीमे अतर#७:३७अतर- महङ गमकौवा तेल ल्याके एलै। 38उ पछासे आइबके येसुके टाङ लग ठार भ्याके काने लाग्लै आ आपन लोरसे टाङके भिजाबे लाग्लै। उ आपन केससे टाङ पोइछके चुम्मा लेल्कै आ अतर घोसे लाग्लै।
39येसुके नौता दैबला फरिसी यि देखके मनेमन कहेलाग्लै, “अगर येसु साच्चेके अगमबक्ता चियै त छुबैबाली जनिजाइत केहन पापी चियै से जाइनजेतियै।” 40ओहै बखत येसु ओइ फरिसीके कहल्कै, “सिमोन, हमे तोरा कुछ बात कहेके छौ।” उ कहल्कै, “जी गुरु जी, कहु।” 41येसु कहल्कै, “ओइ जगहमे दुइटा लोकसब छेलै। उसब महाजन से एक गोटे पाँच सय चानीके टका आ दोसर पचास चानीके टका करजा लेने छेलै। 42महज ओइसबसङे कुछो नै भेलाके कारन महाजन माफी देल्कै। आब कह त के ओकरा बेसी परेम करतै?”
43सिमोन जबाफ देल्कै “हमर बिचारमे जे कोइ बेसी माफ पाबल्कै।” येसु कहल्कै, “तोहे ठिक कहलिही।” 44तब ओइ जनिजाइत दिसन घुइमके येसु सिमोनके कहल्कै, “सिमोन हम तोहर घरमे एलियौ हमरा टाङ धुवाइले पानीयो नै देल्ही, महज यि त हमर टाङ लोरसे धुवाइल्कै आ केससे पोछल्कै। 45तु हमरा चुम्मा ल्याके आदर नै करलिही महज यि त हम जखनीसे एलचियै तखनिसे टाङमे चुम्मा ल्यारहल छै। 46तु हमर केसमे तेल नै लगाइलिही महज यि त हमर टाङमे अतरके तेल लग्या देल्कै। 47अइ खातिर हम तोरा कहैचियौ, अकर बहौतरा पापसब माफ भ्यागेल्छै। तहैसे यि हमरा बेसी परेम देखेल्कै। महज जकरा कम माफ हैछै उ कमे परेम करैछै।” 48तब येसु ओइ जनिके कहल्कै, “तोहर पाप माफ भ्यागेल्छौ।” 49खाइले बैठलहा लोकसब आपसमे कहेलाग्लै, “पाप छमा करैबला यि के चियै?” 50महज येसु जनिजाइतके कहल्कै, “तोहर बिस्बाससे तोरा बचाइनेछौ, सान्तीसाथ जो।”
Currently Selected:
लुका 7: MTH
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
लुका 7
7
कप्तानके बिस्बास
(मती ८:५-१३)
1तकरबाद येसु सब लोकसबके अरती उपदेस द्यादेलाकेबाद येसु कफरनहुम दिसन गेलै। 2ओते रोमी कप्तानके एक गोरे पिरिय नोकर बिमारसे मरे लागल छेलै। 3जब येसुके बारेमे कप्तान सुनल्कै तब ओकर नोकरके आइबके निक कैरदियौ कैहके यहुदी अगुवासबके बिन्ती करे पठाइल्कै। 4उसब येसु लग आइबके बिन्ती करैत कहल्कै, “कप्तान साँचोके अहाँके किरपा पाबैके योग्यके चियै, 5कथिलेत उ अपनासबके जातीके परेम करैछै आ अपनासबके खातिर एकटा यहुदी सभाघर बन्यादेनेछै।” 6तकरबाद येसु ओइसबसङे गेलै। जब येसु कप्तानके घर लगमे रहै तब कप्तान सङीसबके एहेन कैहके येसु लग पठाइल्कै, “गुरु जी, दुख नै उठाबु कथिलेत हमर घरमे अहाँके स्वागत करैके हैसियतके नै चियै, 7तैहनङे हम आपनेसे अहाँ लग आबैके हैसियतके नै चियै। महज अहाँ आग्या करैचियै त हमर नोकर निक भ्याजेतै। 8कथिलेत हम्हु बरका हाकिमके निचामे बैठल लोक चियै। हमरो निचामे सिपाहीसब छै। हम एकटा सिपाहीके, ‘जो’ कहैचियै त, उ जाइछै आ दोसरके, ‘या’ कहैचियै त, उ आबैछै। तैहनङे नोकरके हम, ‘यि कर’ कहैचियै त, उ ओहिनङ करैछै।”
9यि बातसब सुइनके येसु आस्चरजमे परलै आ घुइमके आपन पछा लागल भिरके कहल्कै, “हम तोरासबके कहैचियौ, एहेन बिस्बास करैबला लोक त पुरे इजराएलमे नै देखलियै!” 10जब कप्तानके सङि-साथीसब घुइमके ओकर घर एलै, उसब ओइ नोकरके निक भेल देखल्कै।
येसु मरलहाके जियाइल्कै
11कुछ दिनके बाद येसु नाइन गाममे गेलै। ओकर चेलासब आ बहौतरा लोकसब ओकर पछा लाग्लै। 12जब येसु गामके दुवारमे पुग्लै, तब बिधुवाके एकलौता बेटाके लहास बोइकके कठियारी जाइ छेलै। ओइ बिधुवासङे गामके बहुतरा लोकसब छेलै। 13जब परभु येसु ओइ बिधुवाके देखल्कै तब ओकर हिरदय दयासे भैरगेलै आ कहल्कै, “नै कान!” 14लगमे ज्याके लहासबला खटिया छुबल्कै, तब बोकैबलासब ठार भ्यागेलै। येसु कहल्कै, “ए जबान, हम तोरा कहैचियौ, उठ!” 15मरलहा जबान लोक उठके बैठलै आ बोले लाग्लै। येसु ओकर माँके जिमा लग्या देल्कै।
16तब सबकोइ डेरागेलै आ परमेस्वरके परसन्सा करैत कहल्कै, “अपनासबके बिचमे एकटा बहुत बरका अगमबक्ता एलछै। परमेस्वर आपन लोकसबके बचाइले एलछै।” 17यि घटनाके खबर सारा यहुदिया आ आसपासके इलाकामे फैलगेलै।
युहन्नाके सबाल आ येसुके जबाफ
(मती ११:२-१९)
18बप्तिस्मा दैबला युहन्नाके चेलासब सब समाचार ओकरा सुनेल्कै। तब युहन्ना आपन मातर दुइ गोरा चेलासबके बोलाइल्कै 19यि पुछैले परभु लग पठाइल्कै, “जे आबैबला कि अहाँ उहे चियै? कि हमसब दोसरके आस करु?” 20येसु लग एलै आ कहल्कै, “बप्तिस्मा दैबला युहन्ना हमरासबके यि पुछैले पठाइने छै, ‘जे आबैबला छै, कि अहाँ योहे चियै? कि हमसब दोसरके आस करु?’”
21तहै बखत येसु बहुत लोकसबके बहुत परकारके रोगबिमार आ भुतसब निकालल्कै आ बहौतरा अन्हरासबके दिरिस्टी देल्कै। 22तब येसु युहन्नाके चेलासबके कहल्कै, “जो, तुसब जे जे देखलिही आ सुनलिही, ज्याके युहन्नाके कैह दैहिए- अन्हरासब देखैछै, नेङरासब लरैछै, कोढि-कुस्टी लागलसब निक हैछै, बैहरासब सुनैछै, मरलसब जि जाइछै, दुखी गरिबसबके सुसमाचार सुनाइछै। 23उ धैनके छै जे हमर उपर सङका नै करैछै।”
24जब युहन्नाके चेलासब घुइमके एलाकेबाद, येसु भिरके युहन्नाके बारेमे कहेलाग्लै, “तुसब उजार जगहमे कथी देखे गेल्छेली? कि हबासे हिलैबला नरकटके? 25तुसब कथी देखे गेल्छेली? कि सफा उजर जमा पिन्हल लोकसबके देखैले? नै, सफा उजर जमा आ ऐसमोजके जिन्गी बिताइबलासब त राज दरबारमे रहैछै। 26कथी देखैले गेल्ही? कि अगमबक्ता के? हँ, हम, साच्चेके कहैचियौ, तुसब अगमबक्तोसे बरका के देखबिही। 27यि ओहे चियै, जकर बारेमे पबितर धरमसास्तरमे लिखल छै,
‘देख, हमर दुतके तोहर अगा-अगा
पठाइबौ जे तोहर खातिर रस्ता
तयार करतौ।’ #
मलाकी ३:१
28 “हम तोरासबके कहैचियौ, अखुनतक कोइ नै जलमलछै जे युहन्नासे बरका छै। तैयो जे परमेस्वरके राजमे सबसे छोट छै, उ युहन्नासे बहुत बरका छै।” 29तब सब लोकसब आ करो उठाइबलासब यि बातसब सुइनके परमेस्वरके सुइकार करल्कै, कथिलेत उसब युहन्नासे बप्तिस्मा लेने छेलै। 30महज फरिसीसब आ धरमगुरुसब युहन्नासे बप्तिस्मा नै लैके कारन उसब परमेस्वरके योजनाके इन्कार करल्कै। 31येसु कहल्कै, “अइ पुस्ताके लोकसबके हम कथिसे नाप्बै? उसब केहन छै? 32उसब बजारमे बैठल धियापुता जखाछै, जे एक दोसरके कहैछै,
‘हमसब तोरासबके खातिर बौसली बजेलियौ तैयो तुसब नै नाचलिही,
हमसब सोक मनेलियौ महज तुसब नै कानली।’
33 “बप्तिस्मा दैबला युहन्ना उपासे आ अङगुरके मध नै पिके एलै। ‘ओकरा भुत लागल छै कहलिही।’ 34मानबके बेटा उ खाइत पियैत एलौ तब तुसब कहबिही, ‘देख, एकटा खाधुस, पियक्कर, बटी उठाइबलासबके आ पापीसबके सङी!’ 35परमेस्वरके बुइध जकरसङे छै स्याहा ओकर बुइधके ठिक कहैछै।”
जनिजाइतके पाप माफ
36एक गोरे फरिसी येसुके खाइके लेल नौता देल्कै तब उ ओइ फरिसीके घरमे गेलै आ खाइले बैठलै। 37ओइ सहरमे एकटा पापी जनी छेलै। फरिसीके घरमे येसु खाइले एलछै से बात सुइनके एकटा संगमरमरके सिसीमे अतर#७:३७अतर- महङ गमकौवा तेल ल्याके एलै। 38उ पछासे आइबके येसुके टाङ लग ठार भ्याके काने लाग्लै आ आपन लोरसे टाङके भिजाबे लाग्लै। उ आपन केससे टाङ पोइछके चुम्मा लेल्कै आ अतर घोसे लाग्लै।
39येसुके नौता दैबला फरिसी यि देखके मनेमन कहेलाग्लै, “अगर येसु साच्चेके अगमबक्ता चियै त छुबैबाली जनिजाइत केहन पापी चियै से जाइनजेतियै।” 40ओहै बखत येसु ओइ फरिसीके कहल्कै, “सिमोन, हमे तोरा कुछ बात कहेके छौ।” उ कहल्कै, “जी गुरु जी, कहु।” 41येसु कहल्कै, “ओइ जगहमे दुइटा लोकसब छेलै। उसब महाजन से एक गोटे पाँच सय चानीके टका आ दोसर पचास चानीके टका करजा लेने छेलै। 42महज ओइसबसङे कुछो नै भेलाके कारन महाजन माफी देल्कै। आब कह त के ओकरा बेसी परेम करतै?”
43सिमोन जबाफ देल्कै “हमर बिचारमे जे कोइ बेसी माफ पाबल्कै।” येसु कहल्कै, “तोहे ठिक कहलिही।” 44तब ओइ जनिजाइत दिसन घुइमके येसु सिमोनके कहल्कै, “सिमोन हम तोहर घरमे एलियौ हमरा टाङ धुवाइले पानीयो नै देल्ही, महज यि त हमर टाङ लोरसे धुवाइल्कै आ केससे पोछल्कै। 45तु हमरा चुम्मा ल्याके आदर नै करलिही महज यि त हम जखनीसे एलचियै तखनिसे टाङमे चुम्मा ल्यारहल छै। 46तु हमर केसमे तेल नै लगाइलिही महज यि त हमर टाङमे अतरके तेल लग्या देल्कै। 47अइ खातिर हम तोरा कहैचियौ, अकर बहौतरा पापसब माफ भ्यागेल्छै। तहैसे यि हमरा बेसी परेम देखेल्कै। महज जकरा कम माफ हैछै उ कमे परेम करैछै।” 48तब येसु ओइ जनिके कहल्कै, “तोहर पाप माफ भ्यागेल्छौ।” 49खाइले बैठलहा लोकसब आपसमे कहेलाग्लै, “पाप छमा करैबला यि के चियै?” 50महज येसु जनिजाइतके कहल्कै, “तोहर बिस्बाससे तोरा बचाइनेछौ, सान्तीसाथ जो।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.