Yoa 16

Lk 6:22-23

1Me maneya kate mia mam ma mi za kolé ôbak. 2Ba ye titane mia e meba me Zambe. Yaa, awolo da ye bo, éyoñ môt ase a wôé mia a ye simesane na a ve Zambe ékaña'a ja yian. 3Ba ye bo mam mete amu na be nji yeme to'o Tate, to'o ma. 4Ve me maneya kate mia mam mete, ajô te, éyoñ awolo ya été da ye kpwaan, mia ye yeme na mamien me nga mane kate mia me.

Esaé Nsisim

(Yôa 14:16-17, 26; Mm 13:1-3; Yôa ôsu 2:27)

5E nde, éyoñe ji, ma ke e be Môt a nga lôme ma, a teke môt éziñe ya be mia a sili me na: Wo ke vé' 6Ve mbôl me maneya kobô mia mam ma, e *nlem ô jaéya mia a ôlun. 7Ma kate fo'o mia bebela na, e ne mia beta mfi na me ke. Amu nge ma bo te ke, Mvolô minlem aa ye ke zu be mia. Ve nge ma ke ki, ma ye ke lôme mia nye. 8Eyoñ a ye so, émien a ye kpwé *si nyô ajô *abé, ajô *zôsôô, a ajô ntyi'ane mejô. 9Mfa'a ajô *abé, amu na be nji buni ma. 10Mfa'a ajô *zôsôô, amu ma ke e be Tate, mi teke fe beta yene ma. 11Mfa'a ajô ntyi'ane mejô, amu na ajô njôô ya si ndône nyô e maneya tyi'i. 12Me ngenane me bili mam abui ya kate mia, ve mi nji bi ngule ya jibi be'e adite te éyoñe ji. 13Eyoñe ñhe, Nsisim bebela nye a ye so, a ye li'itane mia zene ya bebela ase ngumba. Amu a ye bo te kobô mam mé, ve mam mese a ye wôk, e me a ye kobô, a kate fe mia mam ma zu. 14E nye a ye ve me duma, amu e jam a ye nyoñe be ma, e nde a ye kate mia. 15E mam mese Tate a bili me ne émam. Ajô te nde ma te jô na, a nyoñ e be ma a kate mia.

Olun wo ye veñesane mevak

(Yôa 14:18-19; Ezé 39:29)

16Ane mon étun a lôté mia ye bo, teke beta yene ma, mon étun a beta lôt mi beta fe yene ma. 17E nsamba beyé'é été bôte b'éziñ be nga ke ba jô ba bevo'o na, za aka'ajôô a kate bia di na, ane mon étun a lôté, mia ye bo te beta yene ma, mon étun a beta lôt, mi beta fe yene ma, amu ma ke e be Tate' 18E nde be nga jô na: Jé nje a jô na, mon étun? Bi nji yem e jam a kobô. 19Eyoñe Yésus a nga yeme na ba kômbô sili nye ajô te, ane a nga jô be na: Mia ke mia silane minsili zañe jenan a ajô ma jô mia na, ane mon étun a lôté, mia ye bo teke beta yene ma, mon étun a beta lôt, mi beta fe yene ma' 20Ma bele fo'o ane ma jô mia na, mia ye yôn a tat, ve si ndône ki ja ye vak. Mia mia ye fo'o wô'ô ôlun, ve ôlune wônan wo ye kôñelan a veñesane mevak. 21Eyoñe minga a kô'ôlô mmie, a tabe éyôé, amu éyoñe jé ya mintaé é soya. Ve ane mon a bialé, teke fe beta simesane mintaé, amu meva'a ya na ngumba môt ô bialéya e si ndôn. 22Mfa'a wônan, mi bili fo'o ôlun éyoñe ji. Ve ma ye beta zu yene mia. A nleme wônan wo ye fôn a mevak, a meva'a menan mete, teke môt a ye vaa mia me. 23Môs ôte, mia ye bo te sili ma nsili éziñ. Bebela, bebela émien fo'o ma kate mia na, e jôm ése mia ye sili Tate a jôé dam, a ye ve mia je. 24Azukui éyoñe ji, mi nji ja'é jam éziñ a jôé dam. Jaka'ane ñhe, mia ye nyoñ, éyoñe te ava'a denan da ye bo njalan ne lut.

Me dañeya si nyô

25Me maneya zu ma kobô mia mam ma a minkana. Ve éyoñ ja zu, ma ye bo te beta kobôô mia a minkana, ma ye kate mia ajô Esaa wom ne ngeññ. 26Môs ôte, mia ye ja'é Tate mam a jôé dam, a me nji kôsa jô mia na ma ye ye'elane Tate ajô denan. 27Amu Tate émien *a nye'e mia, amu mi nga nye'e ma, mi buni fe na mamien me nga so e be Zambe. 28Me nga so be Tate, ane me nga zu e *si nyô. E nde ma beta li'i si ndôn nyô a ke be Tate. 29Ane beyé'é bé be nga jô na: Ke bia yene fo'o éyoñe ji na wo kobô ne ngeññ, teke ku *nkana éziñ. 30Eyoñe ji, bia yeme na wo yeme mam mese, a teke mfi éziñe na môt a sili wo nsili. E ne bia buni valé na ô nga so be Zambe. 31Ane Yésus a nga jô be na: Ye mi buniya éyoñe ji' 32Ke awolo da zu, e soya fe so, mia ye mane tyamelan, môt ase a kele mfa'a wé, mi li'i ma étam. Ve da me nji bo étam, amu bia Tate bi ne. 33Me nga mane kate mia mame ma na, mi tabe *mvo'é ne mieññ amu ma. Mia ye fo'o bi bitibela'a; ve da, bo'one ngul minlem, mamien me dañeya si ndôn.

Currently Selected:

Yoa 16: BDCB

Highlight

Copy