Yoa 17
17
Beta meye'elan me Yésus
(Berôm 8:34; Héb 7:24-28)
1Eyoñe Yésus a maneya kobô mejô mete, ane a nga bete mis e yôp a jô na: A Tat, awolo e kpwaneya. Wumulu'u Mone wôé, Nyômone ki a wumulu wo; 2aval ô nga ve nye ngule ya jôô bôte, e nde te bôte bese, ô nga ve nye a ve be ényiñ ya melu mese. 3Enyiñe ya melu mese ki é ne na bôt be yeme wo na wo étam ô ne nya Zambee, be yeme fe nyôô nga lôm, nye a ne Yésus Krist. 4Me nga ve wo duma e *si nyô, amu me maneya sondô ésaé ô nga ve me na me bo. 5Ve éyoñe jina ki, a Tat, womien wumulu'u ma a duma me nga tame bi be wo valé *si nyô é ngenan te bo. 6Me nga bo na e bôte ô nga ve ma e si ndône mu be yeme jôé dôé. Be mbe émbôé, e nde ô nga ve me be, ane be nga ba'ale ajô dôé. 7Eyoñe ji be yemeya na mam mese ô nga ve ma ma so fo'o be wo. 8Amu na mejô ô nga kalane ma me nga kalane be me, ane be fe be nga nyoñe me a yeme bebela na mamien me nga so be wo, a be nga buni fe na wo fo'o ô nga lôme ma. 9Ma ye'elan asu dap, me nji ye'elan asu si ndôn, fo'o ve asu bôt ô nga ve ma, amu be ne émbôé, 10a biôme biam bi ne émbiôé, a émbiôé bi ne émbiam, a ma nyoñe duma e be bôte bete. 11Mfa'a wom, me nji fe bo e si ndône mu, ve be be ne e si ndôn, amu ma zu be wo. A Tate ô ne Mfufup, ba'ale'e be a jôé dôé, di ô nga ve ma, nde be bo jôme jia aval ane bia wo bi né. 12Eyoñe me nga too bia be be, me nga ba'ale be a jôé dôé, di ô nga ve ma, a me nga kamane be, a wua éziñe ya be be a nji jañ, sesale ve mone ya njañ, ane jam e ne ntilan da ye tôéban. 13Eyoñe ji ma zu be wo, a ma kobô mam ma e si ndône mu ane be ne bi ava'a dam njalane e be be ne lut. 14Me nga mane ve be mejô môé, ane *si nyô é nga wô'ô be biko, amu be nji bo bôte ya si mu, aval fe mamien me nji bo môte ya si ndôn. 15Me nji ye'elane wo na ô vaa be e si ndôn, ve na ô ba'ale be, amu Mbia Môt a ne. 16Be nji bo bôte ya si ndôn, aval fe mamien me nji bo môte ya si ndôn. 17Tune be a benya mejôô. Mejô môé me ne bebela. 18Aval ane ô nga lôme ma e *si nyô, nalé ate fe me nga lôme be e *si nyô. 19A ma ve mamien ane metuna'a asu dap, na be fe be ve bebien ane metuna'a e bebela été. 20Me nji ye'elane wo ve asu bana étam, ma ye'elane fe asu ba bese ba ye buni ma amu mejô map, 21ane be bese be ne bo jôm jijia, aval ane wo, a Tat, ô nee be ma, a ma fe e be wo, e nde be fe be bo jôm jia e be bia éyoñe te si ndôn ja ye buni na wo fo'o ô nga lôme ma. 22E duma ô nga ve ma, ma fe ma ve be de na be bo jôme jia aval ane bia wo bi ne jôme jia. 23Ma e be be, a wo fe e be ma, nalé ba ye tu'a bo jôme jia, ajô te si ndôn ja ye yeme na wo fo'o ô nga lôme ma, a ô nga nye'e be avale fe ô nga nye'e ma. 24A Tat, ba ô nga ve ma, ma yi na e vôm me too be fe be tabe valé bia be be, ane ba ye yen étôto'o jam mamien, nje ô nga ve ma amu ô nga nye'e ma *si nyô é ngenan te boban. 25A Tate ô ne *zôsôô, *si nyô é nji yeme wo, ve ma me nga yeme wo, a bana fe be nga yeme na wo fo'o ô nga lôme ma. 26Me nga mane bo na be yeme jôé dôé, a ma ye ke ôsu a bo na be yeme de, nalé ate nye'an ô nga nye'e ma wo ye tabe be be a mamiene fe e be be.
Currently Selected:
Yoa 17: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
