Kwidika 15
15
Kamina kaMosi naMiriyami
1Henohu Mosi nianyana kaIsarela #Mas 106:12; Chim 15:3amwimbilili Yehova kamina, nawu,
Nukumwimbila Yehova kamina,
Muloŋa yena nemiki mushindu wakubadika;
Nituwalu niakwakwendelahu nayumbili mukaluŋalwiji.
2Yehova diyi ŋovu yami,
Diyi kamina kami,
Neli dehi #Mas 27:1wamwinu wami;
Diyi Nzambi yami, nukumuhameka;
Diyi Nzambi yatata yami, nukumutúumbakesha.
3Yehova himukwanjita, ijina dindi diyi Yehova.
4Makálu aFwaro niakwanjita yindi nayumbili mukaluŋalwiji;
Akulumpi indi akutonda anajimini muKaluŋalwiji Kachinana.
5Manyiŋi anayibuti wi-i;
Anekamini nikwishina neyi ilola.
6 #
Mas 118:15-16
Chikasa cheyi chachidiilu, eyi Yehova,
Chinabadiki ŋovu, chinayi nimpuhu;
Chikasa cheyi chachidiilu, eyi Yehova,
Chinamuchiki chilumbu puchi puchi.
7Chiwasweja kulema wunayidimbwishi hamaseki ana akudikaŋa naneyi;
Hiwukutemeshaku ndombu yeyi,
Hiyikuya nakuyocha bwi-i neyi matahu amumulala.
8Nampepela yamumazulu eyi menji #Mas 78:13alumbama nihamu vwi,
Tuloŋa twimana nikwimana kwiwulu vwi,
Nimanyiŋi adikwata nikudikwata mbe mukachi kakaluŋalwiji.
9Chilumbu welili nindi, Nukuyihaŋa, nukuyikwata,
Tukwanjaŋana yuma yakupuupa kunjita;
Hadi wena nakekutilahu mbe;
Nukuhola mpoku yami yakabali,
Chikasa chami chikuyijilisha.
10Eyi wapepeli nampepela yeyi,
Kaluŋalwiji kayibuta nikuyibuta,
Ajimina nikujimina neyi nsumbu mumenji amaneni.
11Eyi Yehova, hadi #8:10; 9:14; Kuhit 3:24; Mas 71:19amaneni hadinyi wadifwana naneyi?
Hadi wakweseka naneyi tahindi?
Eyi waya #Mas 77:15, 20mpuhu nakujila kweyi,
Eyi azaalaŋawu woma nakukushimeka,
Eyi welaŋa yuma yakuhayamisha.
12Wolweli chikasa cheyi chachidiilu,
Niiseki diyiminya nikuyiminya.
13Wunayilomboli antu iwakuulili naluwi lweyi;
Wunayilomboli naŋovu yeyi nakuyitwala kweyi kwakushakama kwajila.
14Nyunza yawantu anachitiyi,
Hiyakuzaala niwoma,
Chinayikatishi kumuchima áshakama muFwilistiya.
15Atulamba amuEdomi ahayamini;
Ayilobu amuMowabi azaala nikuzaala;
Antu ejima ashakama muKenani nyichima yawu #Yosh 2:9, 11, 24mumavumu puchi.
16Hiyakutiya woma, hiyakwakama nankashi;
Chikasa cheyi chinasweji,
Dichi chanamwenenuwu neyi chikwelola nzo-o,
Niantu ambala hiyakuzambuka nikuzambuka, eyi Yehova,
Antu eyi walandili hiyakuzambuka nikuzambuka.
17Wakayishikijamu, #Mas 44:2; 80:8, 15wakayitumba mumpidi yeyi yawuswana,
Mwomuwelili, eyi Yehova mwakushakama eyi,
Mwomumalala eyi muwaloŋesheli namakaseyi, eyi Yehova.
18Yehova wakekalaŋa mwanta #Mas 10:16; 29:10hayanyaka nanyaka.
19Muloŋa atuwalu twaFwaro, namakálu indi, nawantu indi akwendela hatuwalu akunkumukili mukaluŋalwiji, niYehova wafuntishili cheŋi menji akaluŋalwiji hadi wena, hakwinza anyana kaIsarela kwawu endeli hamaseki awuma hakachi kakaluŋalwiji.
20Kaprofwetu wamumbanda Miriyami, diyi muhelaAroni, watambwili kaŋoma muchikasa chindi, niambanda ejima amulondeleli munyima natuŋoma nakuhaŋana.
21Miriyami wayitumbwilili nindi,
Mwimbilenu Yehova,
Nemiki mushindu wakubadika;
Nituwalu niakwakwendelahu nayumbili mukaluŋalwiji.
Menji aMara naElimi
22Mosi wayendesheli aIsarela munjila yawu, afumini kuKaluŋalwiji Kachinana, ayili muchinkalampata chaShuri, endeli mafuku asatu muchinkalampata, hiyamweni menjuku.
23Chashikiluwu kuMara akaŋenyi kunwa menji akuMara, muloŋa adiŋi alula. Kwenoku atumbiluku ijina nawu kuMara.
24Antu amutobeleli Mosi, nawu, Tukunwadi?
25Yena hakubilela kudi Yehova, Yehova wamulejeli mutondu, wawuumbilili mumenji, menji abalumukili amawahi.
Kwenoku wayililili nichidika nichijila, oku nawa #16:4; Kuhit 8:2, 16; Ansomp 2:22; 3:1, 4; Mas 66:10; 81:7wayesekeli,
26nindi, Neyi wukutiyilila chalala izu daYehova Nzambi yeyi, neyi wukwila chaloŋa kumesu indi, nakutiya mazu akakulejayi, nakuhemba yidika yindi yejima, hinakakushila #Kuhit 7:15; 28:60nyisoŋu yinashilili aEjipituku, muloŋa ami nidi Yehova #Kuhit 32:39; Mas 30:2; 103:3Mukwakukuuka.
27Ashikili kuElimi kwadiŋi tuseloki ikumi natuyedi (12) ninyikoma makumi atanu nayedi (70). Atuŋiluku chiimba chawu kumenji ana.
Currently Selected:
Kwidika 15: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
