Kwidika 16
16
Manina natuleŋami
1Endeli munjila yawu, afumini kuElimi, chipompelu chawanyana kaIsarela chejima chashikili kuchinkalampata chaSini, chekala Elimi iku Sinayi iku, chinkalampata hakachi, ashikiluku hefuku dekumi namuchitanu (15) dakakweji kamuchiyedi nahafuminuwu mwituŋa daEjipitu.
2Chipompelu chejima chawanyana kaIsarela #15:24; Mas 106:25; 1 Kor 10:10chayitobeleli aMosi naAroni muna muchinkalampata.
3Anyana kaIsarela ayilili nawu, Mutenowu neyi chikasa chaNzambi chakuminini dakutujaha tuhu muna muEjipitu, hitwashakaminaŋa #Kuch 11:4kunuŋu jambiji, hitwadiilaŋa yakudya nakwikuta; munatuleti munu muchinkalampata kulonda mujahi chipompelu ichi chejima nanzala.
4Yehova hakumwila Mosi, nindi, Tiya, #Mas 78:23-25; 105:40; Yow 6:31; 1 Kor 10:3hinukuyinokeshela yakudya mwiwulu, antu akayi nakukuŋula kudya kwawu kwefuku dimu hefuku hefuku, kulonda niyeseki, nitali neyi akenda munshimbi yami tahindi nehi.
5Chakela ifuku damuchitanu nadimu, akaloŋeshi yakaletawu, yakavuli kweseka neyi kayedi namuyakuŋulaŋawu hefuku hefuku.
6Mosi naAroni ayilili anyana kaIsarela ejima nawu, Hamelela mukwiluka nenu Yehova diyi wayiidishili mwituŋa daEjipitu;
7habudidi mwakamona lubanji lwakulema kwaYehova, muloŋa yena wudi nakutiya chimukutobatoba nakumutobela Yehova. Ochu etu yetu anyi mwaka mututobeletu?
8Mosi welili nindi, Chakamwekana chakelayi hamelela Yehova hakuyinka mbiji mudyi, habudidi wakayinka yakudya mwakekuti; muloŋa wudi nakutiya chimukutobatoba nakumutobela yena. Ochu etu yetu anyi? Chimwatobatobaŋa ochu himwatutobelaŋa etuku, #1 Sam 8:7; Luk 10:16; 1 Tes 4:8mwamutobelaŋa Yehova.
9Mosi wamwilili Aroni, nindi, Hoshaku nachipompelu chejima chawanyana kaIsarela, neyi, Inzenu kwakwihi kumesu aYehova, muloŋa yena natiyi chimwatobatobaŋa.
10Chelili chahosheliyi Aroni nachipompelu chejima chawanyana kaIsarela, atalili kuchinkalampata, amweni komana lubanji lwakulema kwaYehova hilukumwekana mwivu.
11Yehova wahosheli naMosi,
12nindi, Natiyi chakutobatobawu anyana kaIsarela. Hoshaku nawu neyi, Hamelela mukudya mbiji, habudidi mwakekuta mankendi, mwakeluka nenu ami yami Yehova Nzambi yenu.
13Chelili #Mas 78:25; 105:40hamelela atuleŋami enjili, ajikili chiimba chejima wi-i; habudidi wùumi wadiŋi heseki kwakwihi nachiimba kwi-ndo.
14Chiwomini wùumi, amweni hewulu damaseki muchinkalampata tuyuma twanyanya twamabuji, kukeha neyi wùumi wadikwata dehi nachishika, hamaseki.
15Anyana kaIsarela chachimwenuwu, ahosheli wumu namukwawu, nawu, Hichumanyi? Muloŋa hiyachilukili kwawuku. Mosi wayilili nindi, Diyi yakudya #Kuch 11:7; Kuhit 8:3; Neh 9:15yanayinkiyi Yehova mudyi.
16Tiya mwanashimuniyi Yehova, nindi, Chiŋa mukuŋuli enu antu ejima mumwadiilaŋa; enu antu ejima mwakayinonenaŋa antu ekala mumatenti enu, ihebi hamuntu, ihebi hamuntu mwomukuchindila antu enu.
17Dimu mweliluwu anyana kaIsarela, amakwawu akuŋwili yayivulu, amakwawu akuŋwili yantesha.
18Chayesekeluwu nehebi dawákuŋwili yayivulu hiyaswejeli kuvulaku, yawákuŋwili yantesha hiyakeheluku; antu ejima akuŋwili #2 Kor 8:15mwomwadiililaŋawu.
19Mosi wayilili nindi, Bayi hamwekana muntu wakashiyahu yakudya yishika nikubudiduku.
20Hela chochu, hiyamutiyilili Mosuku, ilaŋa amakwawu ashiyiluhu yakudya kushika nikubudidi, yasemeneni mavunu, yanunkili chatama; Mosi wayizuwilili.
21Akuŋwilaŋa habudidi, habudidi, wejima wawu mwomwadiililaŋawu; chikwatachikili nkanza hiyikunowa nikunowa.
22Chelili hefuku damuchitanu nadimu akuŋwili yakudya yayivulu, mahebi ayedi hamuntu, mahebi ayedi hamuntu; atulamba ejima amuchipompelu ayili nakumuleja Mosi.
23Yena wayilili nindi, Tiya mwanahoshiyi Yehova, nindi, Ifuku dakumadiki dakunooka kwakuduŋumika, #20:8; 23:12hiSabata yajila yaYehova; yimukukeŋa kwocha ochenu, yimukukeŋa kuteleka telekenu; yejima yikushalahu mukuyisweka nakuyitenteka yabudidi.
24Ayishiyili kwawu nikubudidi, mwomwahosheliyi Mosi; hiyanunkili chatamaku, hela mavunu mwadiŋi mwosi.
25Mosi wayilili nindi, Yenoyu yidyenuŋa lelu, muloŋa lelu hiSabata yaYehova; lelu himukuyiwana muchinkalampataku.
26Mwakayikuŋulaŋa mafuku atanu nadimu, ilaŋa ifuku damuchitanu nachiyedi hiSabata, denodu ifuku hiyakekala kwokuku.
27Chelili hefuku damuchitanu nachiyedi, antu amakwawu ayili nawu akakuŋuli, ilaŋa hiyayimwenuku.
28Yehova wamwilili Mosi, nindi, Mafuku aŋahi mukudikaŋaŋa tuhu nakuleka nimazu ami inayilejaŋa, ninshimbi jami?
29Talenu, Yehova nayinki dehi Sabata, dichi chakuyinkelayi hefuku damuchitanu nachimu yakudya yamafuku ayedi; shakamenu wejima wenu iwu kwindi, iwu kwindi, bayi hamwekana muntu kufuma kwindi hetaŋwa damuchitanu nachiyeduku.
30Nochu antu anookeli hetaŋwa damuchitanu nachiyedi.
31Antu akwivumu daIsarela ateneni ijina dayu nawu Manina; yadiŋi neyi mbutu yamasa, yitooka; kuyitompa mukanwa yadiŋi neyi makamba akudya nawuchi.
32Mosi welili nindi, Dichi chanayilejiyi Yehova, nindi, Mwakenzeshi ihebi dimu dato-o, nakuyiswekela anyanenu amba kavwalikaŋa, kulonda akamoni yakudya yinayidiishili muchinkalampata, hinayifumishili mwituŋa daEjipitu.
33Mosi wamwilili Aroni, nindi, Tambulaku #Heb 9:4inuŋu, wushumu manina ihebi dimu dato-o, wuyitenteki kumesu aYehova, kulonda kuyiswekela anyanenu amba kavwalikaŋa.
34Nochu Aroni wayitentekeli kumesu #25:16; 27:21aMalola aWunsahu, kulonda kuyisweka mwalejeluwu Mosi kudi Yehova.
35Anyana kaIsarela #Yosh 5:12adiili maninowu nyaka makumi awana (40) nichashikiluwu kwituŋa datuŋawu antu; adiili maninowu nichashikiluwu kuŋinza jetuŋa daKenani.
36Neyi wukwambula chimpaya chimu maseka ikumi, ihebi dikweseka mwiseka dimu.
Currently Selected:
Kwidika 16: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
