Kwidika 27
27
Kameŋa kakulambwila mulambu wakushita
(Kwi 38:1-7)
1Wakatuŋi kameŋa kakulambwila kanyitondu yanyizenzi, mukuleha jimita 2.3, mukutoha jimita 2.3; mbaŋu mwajiwana jakesekani; mukuleha kwiwulu mwakekali jimita 1.4.
2Wakeli nseŋu hamawombu mwawana; nseŋu jakekali jakutuŋila namutondu wowumu, chuma chochimu hohu; wakabutuhu wuneŋu.
3Wakatuŋi jinúŋu mwakukombela mawuti, nimafwosholu, niyeŋa, ninyisomu, niyifwoyu yakesi; niyuma yejima wakayili nawuneŋu hohu.
4Wakatuŋilumu chikuŋu chamapwata chawuneŋu, hachikuŋochu wakatuŋiluhu tuzeya twawuneŋu tuwana twakushila kumawombu awana.
5Wakachishi mukachi kakameŋa kakulambwila hakachi nakachi
6Wakeli ninyikambu yakameŋa kakulambwila yanyitondu yanyizenzi, wakabutuhu wuneŋu.
7Nyikambu yaku wakayishi mutuzeya, nyikambu yakekali hambavu jejima jiyedi jakameŋa kakulambwila, kulonda kutembeka nachu.
8Wakatuŋi kameŋa kakulambwila nampaku mukachi namapulaŋa; mwomwakulejeluwu hampidi dimu mwakatuŋila.
Chipaŋu chaTabanaka
(Kwi 38:9-20)
9Wakatuŋi nichipaŋu chakuTabanaka; kukabeta kakuchidiilu kwakekali mahina akukudika kuchipaŋu, awanda wawuwahi wakushinta, kuleha kwamutamba wumu, jimita 46;
10niyishimi yachu makumi ayedi (20), nimayanda akwimikila yishimi makumi ayedi (20), awuneŋu; nimbwambu jakuyishimi jakukudikila nimakozayu asiliva.
11Chochimu nawa nikukabeta kakuchimunswa, mukuleha mwakekali mahina akukudika jimita 46, niyishimi yachu makumi ayedi (20), nimayanda akwimikila yishimi makumi ayedi (20), yawuneŋu, nimbwambu jakuyishimi jakukudikila nimakozayu asiliva.
12Mukutoha kwachipaŋu kumutamba wakumujika mwakekali mahina akukudika akweseka jimita 23, yishimi yawu ikumi, nimayanda akwimikila yishimi ikumi.
13Mukutoha kwachipaŋu mutamba wakumusela, kwokumusela, mwakekali jimita 23.
14Mahina akukudika kumbadi yachisu yimu akekali mukuleha jimita 7; yishimi yawu yisatu, nimayandayu akwimikila yishimi asatu.
15Kumbadi yikwawu kwakekali mahina akukudika ajimita 7, yishimi yawu yisatu, nimayandayu asatu akwimikila yishimi.
16Kuchisu chakuchipaŋu kwakekali ihina dakujikaku dajimita 9, dawuzeeli, niwusombu, niwanda wuchinana nge-e, niwanda wawuwahi wakushinta, dakutuŋa kudi mukwakuchima nakusowashana, yishimi yadu yiwana, nimayandayu awana akwimikila.
17Yishimi yejima yakuchipaŋu muchahitila kwi-ndo akayishi makoza asiliva, nimbwambu jayu jakukudikila jasiliva, nimayandayu akwimikila awuneŋu.
18Mukuleha kwachipaŋu mwakekali jimita 46, mukutoha jimita 23 kwejima, mukuleha kwiwulu wanda wawuwahi wakushinta wakweseka jimita 2.3, nimayandayu awuneŋu akwimikila yishimi.
19Yuma yakuTabanaka yejima yanyidimu yayu yejima, nimpopu jayu jejima, nimpopu jakuchipaŋu, jakekali jawuneŋu.
Manji enoŋu
(Lev 24:1-4)
20Wakaleji anyana kaIsarela akakuleteli #35:8, 28manji anyikabu yamaolivi atooka to-o akusohola, achejeji, kulonda inoŋu dibutukaŋa mafuku ejima.
21Mwitenti dakubulakena, hanzi yehina dakujika hakachi, dekala kumesu aWunsahu, Aroni nawanyanindi amayala akadiloŋeshi kufumisha kumelela nakushika kubudidi kumesu aYehova; chakekala chidika chamakiŋu ejima awaIsarela.
Currently Selected:
Kwidika 27: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
