Kwidika 26
26
Tabanaka
(Kwi 36:8-38)
1Wakatuŋi Tabanaka namahina ikumi akutuŋa nawanda wawuwahi wakushinta, niwawuzeeli, niwawusombu, niwuchinana nge-e, niakerubi akuchiminamu kudi akwawukalawenu.
2Kuleha kwehina dimu kwakekali jimita 13, mukukuluka kwehina dimu kwakekali jimita 2; mahinawa ejima akesekani hohamu.
3Mahina atanu #1 Kor 12:4, 5, 6, 12akayinuŋili hamu dimu nadikwawu, mahina atanu akayinuŋili hamu dimu nadikwawu.
4Wakeli maswa awuzeeli hansa yehina dakuma kunsa yamahina mwayinuŋilawu, dichi wakeli nawa nihansa yehina dakuma kunsa yamahina amakwawu mwayinuŋilawu.
5Wakeli maswa makumi atanu (50) kwihina dimu, wakeli nimaswa makumi atanu (50) hansa yehina didi kumahina amakwawu mwayinuŋilawu; maswa akatalaŋani dimu nadikwawu.
6Wakeli ninkobu jawuru makumi atanu (50), mahina wakayinuŋili hamu nankobu, niTabanaka #Efw 4:13; Kol 2:2, 19yakekali yimu.
7Wakatuŋi mahina amavuji ampembi akekali itenti dakubuta haTabanaka; wakeli mahina ikumi nadimu (11).
8Kuleha kwehina dimu kwakekali jimita 14, kukuluka kwehina dimu kwakeli jimita 2; mahina ejima ikumi nadimu (11) akesekani hohamu.
9Wakanuŋi mahina atanu nahawu, mahina atanu nadimu nahawu, ihina damuchitanu nadimu wakadivuŋili oku kumesu aTabanaka.
10Wakeli maswa makumi atanu (50) hansa yehina dimu dakuma kunsa yamahina mwayinuŋilawu, nimaswa makumi atanu (50) hansa yehina dakuma kunsa yamahina amakwawu mwayinuŋilawu.
11Wakeli ninkobu jawuneŋu makumi atanu (50), nkobu wakajishi mumaswa, wakanuŋi niitenti hamu, kulonda chakekali chuma chimu.
12Chibeli chasompokaku kumahina etenti, chochibalu chehina chashalaku, chakasompoki kunyima yaTabanaka.
13Odu dinasompokuku kumahina etenti, mita 0.5 ishinadi dimu, mita 0.5 ishinadi dikwawu, dakasompokuku hambadi jaTabanaka niishinadi idi niishinadi dikwawu, kulonda kuyibuta.
14Wakeli chibutishi chetenti chayitembi yayizamba yanyikoku yakuloomba wulombu wuchinana, nichibutishi chayitembi yayikayi hewulu.
15Wakatuŋi mapulaŋa akwimika nachu Tabanaka anyitondu yanyizenzi.
16Kuleha kwepulaŋa dimu jimita 4.5, kutoha kwepulaŋa dimu mita 0.7.
17Kwakekali nyishika yiyedi kwipulaŋa kwipulaŋa yakunuŋila hamu wumu nawukwawu, dichi wakeli namapulaŋa ejima aTabanaka.
18Wakatuŋi mapulaŋa aTabanaka, mapulaŋa makumi ayedi (20) akumutamba wakabeta kakuchidiilu.
19Wakeli kwishina damapulaŋa tuyanda twasiliva makumi awana (40) twakwimena mapulaŋa makumi ayedi (20), tuyanda tuyedi mwishina depulaŋa dimu nanyishika yadu yiyedi, tuyanda tuyedi mwishina depulaŋa dikwawu nanyishika yadu yiyedi.
20Hamutamba wukwawu waTabanaka, hamutamba wakabeta kakuchimunswa mapulaŋa makumi ayedi (20),
21nituyanda twawu twasiliva makumi awana (40), tuyanda tuyedi mwishina depulaŋa dimu nanyishika yadu yiyedi, tuyanda tuyedi mwishina depulaŋa dikwawu.
22Wakasoŋi mapulaŋa atanu nadimu amutamba wakunyima yaTabanaka kumujika.
23Kunyima yaTabanaka wakasoŋi mapulaŋa ayedi amumawombu.
24Akekali akubombela hamu ayedi kwishina, chochimu nawa nikwiwulu akekali akubomba ayedi kunyitu yawu nakazeya kamu; ejima ayedi akekali chochina; akekali akumawombu ayedi.
25Kwakekali mapulaŋa atanu nasatu natuyanda twawu twasiliva, tuyanda ikumi natutanu nakamu (16); tuyanda tuyedi mwishina depulaŋa dimu, tuyanda tuyedi mwishina depulaŋa dikwawu.
26Wakeli nkaŋalu janyitondu yanyizenzi, jitanu jakumapulaŋa ambaŋu yimu yaTabanaka;
27nkaŋalu jitanu jakumapulaŋa ambaŋu yikwawu yaTabanaka, nkaŋalu jitanu jakumapulaŋa ambaŋu yaTabanaka, jakumutamba wakunyima wakumujika.
28Nkaŋalu yahakachi yakahitili hakachi kamapulaŋa yakahanuki nzwa-a yifuma kunsa yimu nakushika kunsa yikwawu.
29Hamapulaŋa wakalamikuhu wuru, nituzeya twawu twakusha nkaŋalu wakatutuŋi nawuru; nihankaŋalu wakalamikuhu wuru.
30Wakalemi Tabanaka mwomwesekela chifwikija chakumwekesheleluwu hampidi.
31Wakatuŋi ihina #2 Kush 3:14; Mat 27:51; Mak 15:38; Luk 23:45; Heb 9:3dakujika nachu, dawuzeeli, nawusombu, nawanda wuchinana nge-e, niwanda wawuwahi wakushinta, akadituŋi nawakerubi akuchiminamu kudi akwawukalawenu.
32Wakadikudiki hayishimi yiwana yanyitondu yanyizenzi yakulamikahu wuru, nkobu jayu jakukudikila jakekali jawuru, tuyanda twakuyimikila twasiliva.
33Ihina dakujika nachu wakadikudiki mwishina dankobu, mwenomu mukachi kehina dakujika nachu wakeŋijumu chimbaŋu chaWunsahu; ihina dakujika nachu dakayambwili mwajila naMwamweni Mwajila.
34Wakashi itanda daluwi hewulu dachimbaŋu chaWunsahu muna Mwamweni Mwajila.
35Mesa wakayishi hanzi yehina dakujika nachu, niinoŋu wakadishi kukabeta kaTabanaka kakuchidiilu dakatalaŋani namesa, mesa wakayishi kumutamba wakukabeta kakuchimunswa.
36Wakatuŋi ihina dakukudika muchisu chetenti, dawuzeeli, nawusombu, nawanda wuchinana nge-e, nawanda wawuwahi wakushinta, mudimu wamukwakuchima nakusowashana.
37Ihina dina mwakadituŋili yishimi yitanu yanyitondu yanyizenzi, mwakalamikuhu wuru, nkobu jayu jakukudikila jakekali jawuru; mwakayiwumbili tuyanda twawuneŋu twakuyimikila.
Currently Selected:
Kwidika 26: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
