Kutachika 45
45
Yosefu hakudimwekesha
1Yosefu hatwesheli kuduŋumika kumesu awantu ejima emenuku, hakubilela nindi, Yilenu antu ejima edikumu. Chadishimwiniyi Yosefu kudi anakwindi hikwemeni muntuku.
2Yosefu hakudila ikumbu dadeni. AEjipitu achitiyili, niantu akwitala daFwaro achitiyili.
3Yosefu hakuyila anakwindi, nindi, Yami Yosefu, tata yami wudi kwoku? Anakwindi hiyatwesheli kumwakulaku, muloŋa amutiyili woma kumesu indi.
4Yosefu wayilili anakwindi, nindi, Swilenu mwani kwakwihi. Hiyakuswila kwakwihi. Nindi, Yami manakwenu Yosefu mwalandishili muEjipitu.
5Ichi dinu bayi mutiya chikelaku, bayi mudizuwila nachina chimwanlandishili ninzi munuku; muloŋa #50:20; Mas 105:17; Rom 8:28Nzambi diyi wantemeshelaŋahu dehi kulonda nihembi wumi wawantu.
6Muloŋa nzala yinaholoki dehi mwituŋa nyaka yiyedi iyi, kunashali nawa nyaka yikwawu yitanu yakabula kudimawu antu hela kumuna.
7Nzambi wantemeshelaŋahu dehi kulonda kuyihemba #2 Anya 19:4, 30; Ezera 9:8, 13mushaluhu hamaseki, kulonda kuyihandisha namwini antu amavulu nankashi.
8Dichi dinu hiyenu mwantemesheli ninzi kunuku, Nzambi diyi wantemesheli, naŋilishi dehi tata yaFwaro, nimulopu wamukala windi wejima, ninyuuli yetuŋa daEjipitu dejima.
9Nyakalenu muyi kudi tata, mwakamuleji nenu, Mwaneyi Yosefu nahoshi nindi, Nzambi naŋilishi dehi mwanta waEjipitu yejima; inzaku kunu kunidami, bayi wakalabaku.
10Wakashakama mwituŋa daGosheni, wakekali kwakwihi nanami, nineyi, nianyaneyi, niezukulweyi, nimpembi jeyi ninyikoku yeyi, niŋombi jeyi, niyuma yeyi yejima;
11nakakudiishila kwenoku, muloŋa kunashali nyaka yanzala yikwawu yitanu; kulonda wakabuli kumona wuzweŋi, nineyi, niantaŋa jeyi, niantu eyi ejima.
12Ichi dinu mesu enu anamoni, nimesu amwanyikami Benjamini, yami aweni nidi nakuhosha nenu nakanwa kami.
13Kamushimwinenu tata yami mpuhu yami yamunu muEjipitu yejima, niyuma yimunamoni yejima. Mwakanyakali kumuleta tata yami kunu.
14Wamunoŋaminini mwanyikindi Benjamini kunshiŋu, hakudila; niyena Benjamini hakudilila hanshiŋu yindi.
15Hakupwepujola anakwindi ejima nakudilila hadi wena. Chanakumishuwu, anakwindi hiyakuhanjika nindi.
16Mpuhu yitiyakana nikutiyakana mwitala daFwaro, nawu, AnakwaYosefu anenzi. Fwaro watiyili kuwaha, niaŋamba jindi.
17Fwaro wamwilili Yosefu, nindi, Kayileji anakweyi, neyi, Tiyenu chimukwila; twikenu anyama jenu yisenda yenu, yenu, funtenu kwituŋa daKenani;
18mwakatambuli nitata yenu niantaŋa jenu, mwakenzi kunu kunidami; nakayinka yuma yamwituŋa daEjipitu yayiwahi, mwakadya jamanji jidi mwituŋa.
19Nakuleji dehi kwami, ilenu mwenimu; tambulenu matemba amwituŋa daEjipitu, mwakasendelumu anyanenu anyanya, nawaŋodijenu, mwakasendi tata yenu, mwakenzi.
20Bayi mwakama yuma yenuku; yuma yayiwahi yamwituŋa daEjipitu dejima yenu hohu.
21Anyana kaIsarela elili mwenomu. Yosefu wayinkeli matemba mwomwahosheliyi Fwaro, wayinkeli niyakudya yakudiila munjila.
22Wejima wawu wayinkeli hamuntu hamuntu mahina akuvwala; ilaŋa Benjamini wamwinkeli mali asiliva amuwayawaya nkulakaji jisatu (300), nimahina akuvwala atanu.
23Tiyenu yamutemesheleliyi tata yindi; ikumi dayimbulu asenda yuma yakuEjipitu yayiwahi, niikumi dayimbulu yanyikaji asenda nitidiku, nimankendi, niyakudya yakudiila tata yindi munjila.
24Wayitemesheli anakwindi, nindi, Yenuŋa. Hiyakuya nikuya. Hakuyila nindi, Bayi mwakazuŋa munjilaku.
25Wena afumini kuEjipitu, ashikili kwituŋa daKenani kudi tata yawu Yakoba.
26Amushimwinini nawu, Yosefu wuchidi mumi, diyi nyuuli yetuŋa daEjipitu dejima. Ilaŋa yena wafwili chishishi, muloŋa #1 Anya 10:7hayiitejeluku.
27Amulejeli mazu ahosheliyi Yosefu ejima; chamweniyi matemba amutemesheleliyi Yosefu kulonda akamusendelumu, tata yawu Yakoba wahizumukili muspiritu yindi.
28Isarela hakuhosha nindi, Kunamani dehi; komana mwanami Yosefu wuchidi mumi, nukuya nakamumoni hohanu nichidi kanda nifwi.
Currently Selected:
Kutachika 45: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
