Kutachika 50
50
1Yosefu wadinatoleli hamesu atata yindi, hakudilila hadi yena, hakumupwepujola.
2Yosefu walejeli ambuŋindi aŋaŋa, nindi, Muumishenu tata yami; aŋaŋa amuumishili Isarela.
3Amuwanishilili mafuku makumi awana (40), muloŋa dimu yawanishilaŋawu mafuku akuumisha nachu. AEjipitu amudilili mafuku makumi atanu nayedi (70).
4Cheliluwu mafuku akudila anahiti dehi, Yosefu hakuhosha nawantaŋa jaFwaro, nindi, Neyi munantoŋuhu, hoshenu mwani naFwaro, nenu,
5nami, Tata yami wansanyikishili chakunsanyikisha, nindi, Yami nukufwa onu, wakanjiika mwomwijamu dami dinadipundilili mwituŋa daKenani. Dichi dinu aŋiteji mwani, niyi nakajiiki tata yami, nakenza cheŋi.
6Fwaro nindi, Yaŋa, kajiiki tata yeyi, mwomwakusanyikishiliyi.
7Yosefu wayili akajiiki tata yindi; ambuŋaFwaro ejima ayili nindi, niakulumpi ahamukala windi, niakulumpi amwituŋa daEjipitu,
8niantaŋa jaYosefu ejima, nianakwindi, niantaŋa jatata yindi, ashiyili mwituŋa daGosheni anyanawu anyanya hohu, nimpembi jawu, ninyikoku yawu, niŋombi jawu.
9Ayili hamu nindi nimakálu, niakwakwendela hatuwalu, hadiŋi chendu chacheni cheneni nankashi.
10Chashikiluwu kwakuhulila tidiku kuAtadi, kwishinadi daYodana, hiyakudililaku makumbu aweni asweja nankashi, wamudilili tata yindi mafuku atanu nayedi.
11Awenawu ashakama mwituŋa, wowu aKenani, chamwenuwu chadililuwu mwakuhulila tidiku muAtadi, elili nawu, Kudila kwakudilawu aEjipitu O kukala! Dichi atumbiluku ijina, nawu KuAbeli Mizirayimi, kwishinadi daYodana.
12Anyanindi amwilili mwomwayilejeliyi;
13anyanindi amusendeli nakumutwala mwituŋa daKenani, amujiikili mwiyeŋu damwiha daMakapela, dalandiliyi Abarahama hamu neha dakaHiti Efweroni kulonda kwikali kwawu kwakujiikila kwakwihi naMamiri.
14Yosefu chajiikiliyi tata yindi wafuntili cheŋi kuEjipitu, niyena nianakwindi, niantu ejima ayiliyi nawu nakujiika tata yindi.
Yosefu hakuwundisha anakwindi
15AnakwaYosefu chamwenuwu tata yawu nafwi dehi, hiyakwila nawu, Kwiji Yosefu wukutuhela #Rom 12:17; 1 Tes 5:15nakutukoŋa chatama nachina chitwamutamishili.
16Atemesheli ntemesha kudi Yosefu, nawu, Tata yeyi hadiŋiyi wuchidi mumi, watulejeli nindi,
17Mwakamwila Yosefu, nenu, Anakenaku mwani, muloŋa wawanakweyi, ninshidi yawu, muloŋa akukoŋeli chatama; ichi dinu mwani, anakeni muloŋa wawambuŋaNzambi yatata yeyi. Chahosheluwu nindi Yosefu hakudila.
18Anakwindi ayili nakudinata hamaseki kumesu indi; nawu, Yetu ambuŋeyi.
19Yosefu wayilili nindi, Bayi mutiyaŋa womaku, ochu ami yami Nzambi?
20Ilaŋa enu mwatoŋojokeli kuŋila chatama, hakwinza #Mika 4:11-12; Rom 8:28Nzambi watoŋojokeli kwila chachiwahi, nindi ahandishi antu amavulu neyi chitunamoni lelu.
21Dichi dinu bayi mutiyaŋa womaku, nukuyidiishaŋa ninenu nianyanenu anyanya. Wayikundejeli nakuhosha nawu chachiwahi.
Kufwa kwaYosefu
22Yosefu washakamini muEjipitu niyena niantaŋa jatata yindi; Yosefu wahandili nyaka nkulakaji nanyaka ikumi (110).
23Yosefu wamweni anyana kaEfweremi, nianyana kamwizukulwindi, nianyana kaMakiri mwana kaManase niwena ayileleli kudi Yosefu hanyendu yindi.
24Yosefu wayilili anakwindi, nindi, Ami #Heb 11:22hinukufwa; ilaŋa Nzambi chalala wakenza nakuyitala, wamba kayifumisha mwituŋidi nakuyitwala mwituŋa dakanininiyi Abarahama naIsaka naYakoba nakusanyika chakusanyika.
25Yosefu wayilili anyana kaIsarela, nindi, Sanyikenu. Nindi, Nzambi chalala wakenza nakuyitala, ninenu mwakasenda #Kwi 13:19mafwahami nakuyifumisha kunu.
26Nochu Yosefu wafwili, washikili munyaka nkulakaji nanyaka ikumi (110). Amuumishili, amushili muchimbaŋu chakujiikila mufu muEjipitu.
Currently Selected:
Kutachika 50: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
