Kutachika 49
49
Yakoba hakukiswila anyanindi nkisu
1Yakoba wayitambikili anyanindi, nindi, Pompenu dinu kulonda niyileji yimwamba kamona #Kuch 24:14hanyaka yakukuminina.
2Nindi,
Pompenu mutiyi, enu anyana kaYakoba,
Tiyililenu kudi tata yenu Isarela.
3Eyi Rubeni, yeyi wedi wami,
Yeyi wuswa wami, yeyi tachi yaŋovu jami.
Yeyi kulema kwakubadika, yeyi ŋovu yakubadika.
4Wafulokaŋa neyi menji, hiwakabadikaku,
Nachina chiwayili kukadidi katata yeyi, nakushimana;
Mwalala wayili kukadidi kami.
5ASimeyona naLevi ivumu dawu dimu;
Mpoku jawu jakabali hiyuma yakuzuŋa nachu madombu.
6Eyi muchima wami, bayi wuya #Mas 1:1; Efw 5:11kumpúŋa yawuku;
Oku kwakupompelawu, eyi kulema kwami, bayi wudibomba nawuku.
Muloŋa wena nakuzuwa kwawu ajahili muntu,
Nakudikaŋa kwawu amuketwili ŋombi mujila wawimenu.
7Kuzuwa kwawu kushiŋewi tu-u, muloŋa kwaswejeli;
Nindombu yawu, muloŋa yadiŋi yawukátu;
#
Yosh 19:1-9; 21:1-19 Nakayambula muYakoba,
Nakayipalaŋesha muIsarela.
8Eyi Yuda, yeyi akahamekawu anakweyi;
Chikasa cheyi chakekala hanshiŋu yawayilumbu jeyi;
Anyana katata yeyi akakubandamina.
9Yuda himwana #Mika 5:8; Chim 5:5kamutupa;
Eyi mwanami, wunafumi hezaŋa;
Hakunána, hakubulamana neyi mutupa,
Neyi mukaji wamutupa kwaamu;
Wukumuvuloka hinyi?
10Hela #Kuch 24:17; 1 Kush 5:2; 28:4; Mas 60:7nkùunyi yawanta hiyakafuma kudi Yudaku,
Hela mukombu wamukwakuyuula hiwakafuma mukachi kanyendu yinduku
Nichakenzayi Shilo;
Yenowu diyi yamba #Isa 2:4; Heb 1:8-13kovwahilawu antu amumatuŋa.
11Hakukasila mwana kachimbulu chindi kumuvinyu, nimwana kachimbulu chindi wamukaji kumuvinyu wasweja kuwaha; mahinindi akuvwala nayikosi muvinyu, niyikowelu yindi nayikosi mumashi anyikabu yavinyu.
12Mesu indi akakekema neyi vinyu, nimaji indi akatooka to-o neyi mayeli.
13Zebuluni wakashakama kuchikumu chakaluŋalwiji; wakekala chikumu chakukuŋikila maatu; ŋinza yindi yakahita kuSidoni.
14Isakari hichimbulu chakola, nabulamani hakachi kamayinda anyikoku;
15wamweni kwakunookela nindi kwakuwahi, niituŋa nindi dadiwahi; wafukamini kuchifwiji kulonda asendi yisenda, hakwikala nduŋu wakukalakesha kudi akwawu.
16Dani wakasompesha antu indi, neyi muchidi wumu wamuIsarela.
17 #
Ansomp 18:1-31
Dani wakela kapela munjila, wakekala chihidi mwakuhitila antu, nakusuma tututu twakawalu, nimuntu wakandamahu wakahinukila hanyima.
18Ami natalilili wamwinu weyi, eyi #Mas 40:1-3Yehova.
19Gadi, chendu chawatupondu chakamulamakesha; ilaŋa yena wakalamakesha katutu kawu.
20MuAsheri mwakafuma yakudya yindi yikweti manji; wakaleta tuyakudya twatuwahi twakudya anyanta.
21Nafwatali hinkayi yanombuwu, wahoshaŋa mazu aweni amawahi.
22Yosefu himwana kachikabu chasoŋaŋa, hichikabu chekala kukaseloki, nyitayi yindi yatandaŋa nakumotoka ikoli.
23Akwakwasola namata anyikunji anamumweshi kalula, anamwasoli, anamukabishi.
24Kwinza yena wuta windi saŋa wakolela, nimakasindi ayikolesheli namakasa aMukwaŋovu waYakoba, nejina daKabiŋa, #Kuhit 32:4, 18, 30, 31; 2 Sam 22:2, 32; Mas 18:2; Isa 44:8Ilola daIsarela.
25Ayikolesheli naNzambi yatata yeyi, diyi #Mas 27:9; Heb 13:6wakakukwashaku, #17:1naChinyaweji, diyi wakakukoolekesha, nakukooleka kwakufuma muluzwizu, nakukooleka kwakufuma mwinyiŋi mwishina, nakukooleka kwamayeli nalusemu.
26Nkisu jatata yeyi jinasweji ŋovu jinabadiki janawa anvwalili, jashika nikwakumina mapidi ahayanyaka; jakekala hamutu waYosefu, mwomumbimbamutu kachi kanona wadiŋi waambuka nawanakwindi.
27 #
Ansomp 20:12-13
Benjamini hikaŋwidi wavunyaŋa chakuvunya; hantetemena wakadya yanakwatiyi, hamelela wakaanjaŋana yanapuupiyi.
28Yeniyi yejima diyi nyichidi yaIsarela ikumi nayiyedi (12); mwenimu dimu mwayiteneneniyi tata yawu hakuyikiswila nkisu; wejima wawu wayikiswilili nkisu yawu, iwu nankisu yindi, iwu nankisu yindi.
Kufwa kwaYakoba
29Wayikanini, wayilili nindi, Ami hiyakuntwala kwaya antaŋa jami; mwakanjiiki nawatata jami mwiyeŋu dekala mwiha dakaHiti Efweroni,
30mwomwiyeŋu dekala mwiha daMakapela, dekala kwakwihi naMamiri, mwituŋa daKenani, dalandiliyi Abarahama hamu neha dakaHiti Efweroni kulonda kwikali kwetu kwakujiikila.
31Diku kwajiikiluwu niAbarahama naŋodindi Sara; diku kwajiikiluwu niIsaka naŋodindi Rebeka; diku najiikili Leya.
32Niiha niiyeŋu dekalamu yoyalandiluwu nawanyana kaHiti.
33Yakoba chakumishiliyi kukana anyanindi, wanyamwini nyendu yindi nakuyisha hakadidi, hakufwa, amutwalili kwaya antaŋa jindi.
Currently Selected:
Kutachika 49: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
