ڢِتُواْوَ 17
17
يَهْوٜىٰهْ يَسَ ضُوَ يَڢِتَ دَغَ دُوڟٜىٰ
﴿لِـ ڧِدْ 20.1-13﴾
1دُكَنْ جَمَعَرْ إِسْرَٰٓءِيلَ سُكَتَاشِ دَغَ دَاجِنْ سِنْ سُكَيِ تَتَڢِيَ دَغَ ذَنْغُواْ ذُوَا ذَنْغُواْ، بِسَغَ عُمَرْنِنْ يَهْوٜىٰهْ؞ عَڧَرْشٜىٰ سُكَيِ ذَنْغُواْ أَ رٜىٰڢِدِمْ، عَمَّا بَا ضُوً دَ جَمَعَ ذَاسُ شَا؞ 2سَيْ مُتَنٜىٰ سُكَيِ وَ مُوسَٰى غُنَغُنِ سُكَثٜىٰ «بَامُ ضُوَ مُشَا؞»
مُوسَٰى يَأَمْسَ مُسُ يَثٜىٰ «دُوانْمٜىٰ كُكٜىٰيِ مِنِ غُنَغُنِ؟ دُوانْمٜىٰ كُكٜىٰ ڠُودَ أَمِنْثِنْ يَهْوٜىٰهْ؟»
3عَمَّا جَمَعَ سُنَ ڢَامَ دَ ڧِشِنْ ضُوَ سُواْسَيْ، سُكَ ثِيغَبَدَ غُنَغُنِ عَكَنْ مُوسَٰى سُكَثٜىٰ «دُوانْمٜىٰ كَڢِتَرْ دَمُو دَغَ مَصَرْ؟ دُوانْمٜىٰ كَكَٰوُاْمُ أَنَنْ كَكَشٜىٰمُ دَ یَیَنْمُ دَ دَبُّواْبِنْمُ دَ ڧِشِنْ ضُوَ؟»
4سَيْ مُوسَٰى يَيِ كُوكَا غَ يَهْوٜىٰهْ يَثٜىٰ «مٜىٰ ذَنْيِ وَجَمَعَرْ نَنْ؟ غَاشِ، سُنَ أَشِرْيٜىٰ سُجٜىٰجّٜىٰڢٜىٰنِ دَ دُوَڟُو؞»
5 يَهْوٜىٰهْ يَثٜىٰ وَ مُوسَٰى «كَطَوْكِ سَنْدَنْ كِيوُانْكَ دَ كَبُغِ ضُوً نِلُ دَشِ؞ كَطَوْكِ وَطَنْسُ دَتَّاوَنْ إِسْرَٰٓءِيلَ، كُوُثٜىٰ غَبَنْ جَمَعَرْ؞ 6نِے ذَنْ ڟَيَ أَغَبَنْكُ أَوَنْثَنْ دُوڟٜىٰ كُسَدَ هُواْرٜىٰبْ؞ سَيْ كَبُغِ دُوڟٜىٰنْ، ضُوَ كُوَ ذَيْڢِتُواْ دَغَ ثِكِنْسَ دُواْمِنْ مُتَنٜىٰ سُشَا؞» أَغَبَنْ دَتَّاوَنْ إِسْرَٰٓءِيلَ، مُوسَٰى يَيِ أَبِنْدَ يَهْوٜىٰهْ يَڢَطَا؞
7مُوسَٰى كُوَ يَكِرَا وُرِنْ دَ سُونَ «مَسَّ»، وَتُواْ وُرِنْ ڠُوجِ دَ كُمَ «مٜىٰرِبَ»، وَتُواْ وُرِنْ مُهَوَرَ، سَبُواْدَ إِسْرَٰٓءِيلَاوَا سُكَيِ مُهَوَرَ دَ مُوسَٰى سُكَ ڠُودَ أَمِنْثِنْ يَهْوٜىٰهْ سُنَ ثٜىٰوَ «يَهْوٜىٰهْ يَنَ تَرٜىٰدَمُو كُواْ بَابُ؟»
أَمَلٜىٰكَاوَا سُنْيِ يَاڧِ دَ إِسْرَٰٓءِيلَاوَا
8سَيْ أَمَلٜىٰكَاوَا سُكَذُواْ دُواْمِنْ سُيِ يَاڧِ دَ إِسْرَٰٓءِيلَاوَا أَ رٜىٰڢِدِمْ؞ 9مُوسَٰى يَثٜىٰ وَ يُواْشُوَ «جٜىٰكَ، كَذَاٻَا مَنَ مَذَنْ دَ ذَاسُ ڢِتَ سُيِ يَاڧِ دَ مُتَنٜىٰنْ أَمَلٜىٰكْ؞ غُواْبٜىٰ نِے ذَنْ ڟَيَ عَكَنْ تُدُ رِڧٜىٰ دَ سَنْدَنْ كِيوُانْ دَ اللَّهْ يَثٜىٰ مِنِ إِنْرِڧٜىٰ أَ هَنُّونَ؞» 10يُواْشُوَ يَيِ أَبِنْدَ مُوسَٰى يَعُمَرْثٜىٰشِ، سُكَيِ يَاڧِ دَ مُتَنٜىٰنْ أَمَلٜىٰكْ؞ مُوسَٰى دَ هَٰرُونَ دَ هُرْ سُكَ هَوْ كَنْ تُدُنْ دَيَكٜىٰ كُسَ؞ 11مُدِّنْ مُوسَٰى يَمِيڧٜىٰ حَنُّوَنْسَ سَمَ، سَيْ إِسْرَٰٓءِيلَاوَا سُيِ تَثِنْ نَصَرَا، عَمَّا دَظَرَرْ حَنُّوَنْسَ سُنْ سَوْكَ، سَيْ أَمَلٜىٰكَاوَا سُيِ تَثِنْ نَصَرَا؞ 12عَمَّا حَنُّوَنْ مُوسَٰى سُنْ غَجِ سُواْسَيْ؞ سَيْ هَٰرُونَ دَ هُرْ سُكَ نٜىٰمِ دُوڟٜىٰ، مُوسَٰى يَذَوْنَ عَكَيْ؞ سَعَنً سُو كُمَ سُكَ ڟَيَ طَيَ أَغٜىٰڢٜىٰنْ دَامَنْسَ، طَيَ كُمَ أَ هَغُنْسَ، سُنَ رِڧٜىٰ دَ حَنُّوَنْسَ سَمَ حَرْ ڢَاطُوَرْ رَانَ؞ 13تَهَكَ يُواْشُوَ دَ مُتَنٜىٰنْسَ سُكَ كَكَّشٜىٰ سُواْجُواْجِنْ أَمَلٜىٰكْ دَ تَكُواْبِے؞
14سَعَنً يَهْوٜىٰهْ يَثٜىٰ وَ مُوسَٰى «كَرُبُوتَ لَابَرِنْ وَنَّنْ نَصَرَا دُواْمِنْ تُنَاوَا، كَكُمَ حَطَ دَ وَنَّنْ أَلْڧَوَرِ ثٜىٰوَ ذَنْ كَوَرْدَ سُونَنْ أَمَلٜىٰكْ دَغَ ڧَرْڧَشِنْ سَمَ، حَرْ بَا وَنِ عَدُونِيَا وَنْدَ ذَيْسَاكٜىٰ تُنَاوَا دَسُو؞ سَعَنً كَتَبَّتَا يُواْشُوَ يَجِ وَنَّنْ؞» #مَيْ شَـ 25.17-19؛ 1 سَمْ 15.2-9 15مُوسَٰى كُوَ يَغِنَ بَغَدٜىٰ أَوُرِنْ يَكِرَشِ دَ سُونَ «يَهْوٜىٰهْ نٜىٰ تُوتَتَ؞» 16يَثٜىٰ «كُطَغَ تُوتَرْ يَهْوٜىٰهْ سَمَ! يَهْوٜىٰهْ ذَيْ يِتَيَاڧِ دَ أَمَلٜىٰكَاوَا دَغَ ڟَارَا ذُوَا ڟَارَا؞»
Currently Selected:
ڢِتُواْوَ 17: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
