ڢِتُواْوَ 30
30
بَغَدٜىٰ نَڧُواْنَ تُرَارٜىٰ
﴿ڢِتْ 37.25-28﴾
1«ذَاكَيِ بَغَدٜىٰ نَ إِتَاثٜىٰنْ عَكَشِيَ دُواْمِنْ ڧُواْنَ تُرَارٜىٰ؞ 2ڟَوُانْسَ ذَيْ كَيْ ڧَڢَا طَيَ دَ رَبِے، ڢَاطِنْسَ كُمَ ڧَڢَا طَيَ دَ رَبِے، وَتُواْ ڟَوُانْ دَ ڢَاطِنْ دَيْدَيْنٜىٰ؞ ڟَيِنْسَ ذَيْ كَيْ ڧَڢَا عُكُ؞ عَكُواْوَنٜىٰ ݣُونَ حُطُ نَبَغَدٜىٰنْ، ذَاكَيِ ڧَهُواْ حَطٜىٰ دَشِ؞ 3ذَاكَ رُڢٜىٰ جِكِنْ بَغَدٜىٰنْ دَ ظِينَارِيَ ظَلَّ دَ سَمَنْسَ دَ غٜىٰڢٜىٰ غٜىٰڢٜىٰنْسَ دَ ڧَهُواْنِنْسَ؞ كَيِ وَدُكَنْ بَاكِنْ غٜىٰڢٜىٰ غٜىٰڢٜىٰنْسَ أَدُوانْ ظِينَارِيَ؞ 4ذَاكَيِ ذُواْبٜىٰ بِيُ نَظِينَارِيَ دُواْمِنْسَ؞ ذَاكَ كَڢَسُ عَڧَسَا دَ بَاكِنْ غٜىٰڢٜىٰ غٜىٰڢٜىٰنْسَ أَغٜىٰڢٜىٰ بِيُ نَبَغَدٜىٰنْ؞ ذُواْبَّنَّنْ ذَاسُ رِڧٜىٰ سَنْدُنَنْ دَ ذَاعَ طَوْكَ بَغَدٜىٰنْ؞ 5سَنْدُنَنْ ذَاعَيِ سُونٜىٰ دَ إِتَاثٜىٰنْ عَكَشِيَ عَكُمَ رُڢٜىٰ جِكِنْسُ دَ ظِينَارِيَ؞ 6ذَاكَ أَجِيٜىٰ بَغَدٜىٰ نَڧُواْنَ تُرَارٜىٰ أَغَبَنْ لَبُلٜىٰنْدَ يَتَرٜىٰ عَݣُوتِنْ شَيْدَرْ يَرْجٜىٰجٜىٰنِيَ، وَنْدَ مُرْڢِنْسَ شِينٜىٰ وُرِنْ طَوْكَرْ أَلْحَكِنْ ذُنُوبِ عِنْدَ ذَنْسَدُ دَكَيْ؞ 7كُواْوَثٜىٰ سَاڢِيَ سَعَدَّ هَٰرُونَ يَشِغُواْ يَشِرْيَ ڢِتِلُ، ذَيْ ڧُواْنَ تُرَارٜىٰ مَيْ ڧَنْشِ عَكَنْ بَغَدٜىٰنْ؞ 8كُواْوَثٜىٰ يَمَّ سَعَدَّ يَكٜىٰ شِرْيَ ڢِتِلُ، ذَيْ ڧُواْنَ تُرَارٜىٰنَّنْ؞ هَدَايَرْ تُرَارٜىٰ مَيْ ڧَنْشِ كٜىٰنَنْ أَغَبَنْ يَهْوٜىٰهْ دَغَ نَنْ حَرْ إِيَاكَرْ ڟَارَرَّكِنْكُ؞ 9بَذَاكَ مِيڧَ تُرَارٜىٰ مَرَرْ ڟَرْكِے عَكَنْ وَنَّنْ بَغَدٜىٰبَ، كُواْ هَدَايَ تَڧُواْنَاوَا، كُواْ هَدَايَ تَهَڟِ، كُواْ هَدَايَ تَأَبِنْشَا؞ 10سَوْ طَيَ تَكْ أَ شٜىٰكَرَا هَٰرُونَ ذَيْ ڟَبْتَثٜىٰ بَغَدٜىٰنْ تَوُرِنْ سَا جِنِ عَڧَهُواْنِنْسَ حُطُ؞ ذَيْ يِوَنَّنْ دَ جِنِنْ بِجِمِنْ هَدَايَ تَطَوْكَرْ أَلْحَكِنْ ذُنُوبِ؞ ذَاعَ دِنْغَ يِنْ وَنَّنْ سَوْ طَيَ أَ شٜىٰكَرَا دَغَ نَنْ حَرْ إِيَاكَرْ ڟَارَرَّكِنْكُ؞ وَنَّنْ بَغَدٜىٰ، أَنْكٜىٰٻٜىٰشِ دَ ڟَرْكِے نٜىٰ غَ يَهْوٜىٰهْ؞»
هَرَاجِ دُواْمِنْ تٜىٰنْتِنْ كَسَنْثٜىٰوَرْ يَهْوٜىٰهْ
11 يَهْوٜىٰهْ كُوَ يَثٜىٰ وَ مُوسَٰى، 12«سَعَدَّ ذَاكَ ڧِرْغَ مُتَنٜىٰنْ إِسْرَٰٓءِيلَ، أَ لُواْكَثِنْ، كُواْوَنٜىٰ مُتُمْ ذَيْبِيَ هَرَاجِ غَ يَهْوٜىٰهْ دُواْمِنْ يَڢَنْشِ رَنْسَ، دُواْمِنْ كَدَ بَلَعِ يَڢَاطُواْ عَثِكِنْ مُتَنٜىٰنْ يَايِنْ دَ عَكٜىٰ لِسَّڢْتَاسُ؞ 13غَا أَبِنْدَ دُكْ وَنْدَ عَكَ ڧِرْغَ ذَيْبِيَ، رَبِنْ مَعَوْنِنْ أَظُرْڢَا بِسَغَ مَعَوْنِنْ دَ عَكٜىٰ أَمْڢَانِ دَشِ أَ وُرِے مَيْ ڟَرْكِے؞ كُواْوَنٜىٰ مُتُمْ ذَيْبِيَ وَنَّنْ، بَيْكُواْ غَ يَهْوٜىٰهْ كٜىٰنَنْ؞#ڢِتْ 38.25-26؛ مَتْ 17.24 14دُكْ وَنْدَ عَكَ ڧِرْغَ، وَنْدَ شٜىٰكَرُنْسَ سُنْ كَيْ عَشِرِنْ ذُوَا سَمَ، ذَيْبِيَ وَنَّنْ هَرَاجِ غَ يَهْوٜىٰهْ؞ 15أَ لُواْكَثِنْ دَ ذَاعَ بَادَ وَنَّنْ هَرَاجِ غَ يَهْوٜىٰهْ دُواْمِنْ ڢَنْسَرْ رَنْكُ، مَيْ أَرْزِڧِ بَذَيْبِيَ ڢِيٜىٰدَ رَبِنْ مَعَوْنِنْ بَ، حَكَمَا تَلَكَ بَذَيْبَادَ أَبِنْدَ يَكَاسَ رَبِنْ مَعَوْنِنْ بَ؞ 16ذَاكَ كَرْٻِ وَنَّنْ كُطِنْ ڢَنْسَرْ رَنْكُ دَغَ حَنُّنْ مُتَنٜىٰنْ إِسْرَٰٓءِيلَ، عَيِ أَمْڢَانِ دَشِ وَجٜىٰنْ كُلَ دَ تٜىٰنْتِنْ سَدُوَ دَ يَهْوٜىٰهْ؞ وَنَّنْ هَرَاجِ ذَيْ ذَمَ أَبِنْ تُنَاوَا غَ مُتَنٜىٰنْ إِسْرَٰٓءِيلَ أَغَبَنْ يَهْوٜىٰهْ ثٜىٰوَ سُنْ ڢَنْشِ رَنْسُ؞»
ڧَتُوانْ ݣُونُواْ نَتَغُلَّ
17سَيْ يَهْوٜىٰهْ يَثٜىٰ وَ مُوسَٰى، 18«ذَاكَيِ ڧَتُوانْ ݣُونُواْ نَتَغُلَّ دُواْمِنْ وَنْكٜىٰ حَنُّوَ دَ ڧَڢَاڢُ، كَكُمَيِ مَسَ غِنْدِنْ ذَمَ نَتَغُلَّ؞ ذَاكَسَا شِ ڟَكَانِنْ تٜىٰنْتِنْ سَدُوَ دَ بَغَدٜىٰنْ هَدَايَ، ذَاكَ كُمَسَا ضُوَ عَثِكِنْسَ؞#ڢِتْ 38.8 19أَوُرِنْ نٜىٰ هَٰرُونَ دَ یَیَنْسَ مَظَا ذَاسُوَنْكٜىٰ حَنُّوَنْسُ دَ ڧَڢَاڢُنْسُ؞ 20كَاڢِنْ سُشِغَ تٜىٰنْتِنْ سَدُوَ دَ يَهْوٜىٰهْ، كُواْ كَاڢِنْ سُيِ كُسَدَ بَغَدٜىٰنْ دُواْمِنْ سُمِيڧَ هَدَايَرْدَ عَكَ مِيڧَ دَ وُتَا غَ يَهْوٜىٰهْ، دُواْلٜىٰنٜىٰ سُوَنْكٜىٰ كَنْسُ دَ ضُوَ دُواْمِنْ كَدَ سُمُتُ؞ 21هَٰرُونَ دَ ذُرِيَرْسَ ذَاسُوَنْكٜىٰ حَنُّوَنْسُ دَ ڧَڢَاڢُنْسُ دُواْمِنْ كَدَ سُمُتُ؞ وَنَّنْ ذَيْ ذَمَ مُسُ ڧَٰعِدَ تَدِنْدِنْدِنْ دَغَ نَنْ حَرْ إِيَاكَرْ ڟَارَرْسُ؞»
مَنْ كٜىٰٻٜىٰوَ
22سَيْ يَهْوٜىٰهْ يَثٜىٰ وَ مُوسَٰى، 23«طَوْكِ كَايَنْ يَجِ مَڢِے ݣَوْ، وَتُواْ كِلُواْ شِدَ نَضُوً مُرْ دَ كِلُواْ عُكُ نَسِنَمُوانْ مَيْ ڧَنْشِ دَ كِلُواْ عُكُ نَثِيَوَ مَيْ ڧَنْشِ، 24دَ كِلُواْ شِدَ نَكَسِّيَ مَيْ ڧَنْشِ، بِسَغَ مَعَوْنِنْ أَظُرْڢَا وَنْدَ عَكٜىٰيِنْ أَمْڢَانِ دَشِ أَ وُرِے مَيْ ڟَرْكِے، تَرٜىٰدَ لِتَ حُطُ نَمَنْ ظَيْتُنْ؞ 25دَ وَطَنَّنْ كَايَنْ ڧَنْشِ ذَاكَيِ مَنْ كٜىٰٻٜىٰوَ مَيْ ڟَرْكِے، وَنْدَ عَكَ ڠَرَ كَمَرْ يَدَّ مَيْيِنْ تُرَارٜىٰ يَكٜىٰيِ؞ ذَيْ ذَمَ مَنْ كٜىٰٻٜىٰوَ مَيْ ڟَرْكِے؞ 26دَ وَنَّنْ مَيْ ذَاكَ كٜىٰٻٜىٰ تٜىٰنْتِنْ سَدُوَ دَ يَهْوٜىٰهْ دَ عَݣُوتِنْ شَيْدَرْ يَرْجٜىٰجٜىٰنِيَ، 27دَ تٜىٰبُرِنْ دَ دُكَنْ كَايَنْ عَيْكِنْسَ دَ سَنْدَا مَيْ رِڧٜىٰ ڢِتِلُ دَ دُكَنْ كَايَنْ عَيْكِنْسَ دَ بَغَدٜىٰنْ ڧُواْنَ تُرَارٜىٰ، 28دَ بَغَدٜىٰنْ هَدَايَ تَڧُواْنَاوَا دَ دُكَنْ كَايَنْ عَيْكِنْسَ دَ كُمَ ڧَتُوانْ ݣُونُواْ نَتَغُلَّ تَرٜىٰدَ غِنْدِنْ ذَمَنْسَ؞ 29ذَاكَ كٜىٰٻٜىٰسُ دُواْمِنْ سُذَمَ دَ ڟَرْكِے سُواْسَيْ، كُمَ دُكْ أَبِنْدَ يَتَٻَسُ، ذَيْ ذَمَ مَيْ ڟَرْكِے؞ 30ذَاكَ ظُبَاوَ هَٰرُونَ دَ یَیَنْسَ مَنْ كٜىٰٻٜىٰوَ، كَكٜىٰٻٜىٰسُ دَ ڟَرْكِے دُواْمِنْ سُيِ مِنِ حِدِمَ تَڢِرِسْتُواْثِے؞ 31ذَاكَ ڢَطَا وَمُتَنٜىٰنْ إِسْرَٰٓءِيلَ ثٜىٰوَ وَنَّنْ ذَيْ ذَمَ مَنْ كٜىٰٻٜىٰوَ مَيْ ڟَرْكِے نَوَ دَغَ نَنْ حَرْ إِيَاكَرْ ڟَارَرَّكِنْكُ؞ 32بَذَاعَ ظُبَشِ عَكَنْ كُواْوَبَ، كُمَ بَذَاعَ شِرْيَ وَنِ مَيْ إِرِنْسَبَ، غَمَا مَيْ ڟَرْكِے نٜىٰ، كُمَ ذَاكُ كِيَايٜىٰشِ دَ ڟَرْكِے؞ 33دُكْ وَنْدَ يَشِرْيَ وَنِ مَيْ إِرِنْسَ كُواْ كُوَ يَسَا عَكَنْ وَنِنْدَ بَڢِرِسْتِبَ، ذَاعَ كَوَرْ دَشِ دَغَ جَمَعَرْ إِسْرَٰٓءِيلَ؞»
تُرَارٜىٰ مَيْ ڧَنْشِ
34سَيْ يَهْوٜىٰهْ يَثٜىٰ وَ مُوسَٰى «ذَاكَ طَوْكِ كَايَنْ يَجِ مَاسُ ڧَنْشِ، وَتُواْ سِتَكْتٜىٰ دَ عُواْنِكَ دَ غَلْبَنُمْ، كَايَنْ يَجِ مَاسُ ڧَنْشِ تَرٜىٰدَ تُرَارٜىٰنْ لُبَّنْ، كَأَوْنَسُ دَيْدَيْ دَ جُونَ؞ 35دَ وَطَنَّنْ ذَاكَيِ وَنِ تُرَارٜىٰ مَيْ ڧَنْشِ، وَنْدَ عَكَ ڠَرَ كَمَرْ يَدَّ مَيْ تُرَارٜىٰ يَكٜىٰيِ، عَكُمَسَا مَسَ غِشِرِ؞ تُرَارٜىٰ مَيْ ڧَنْشِ كٜىٰنَنْ، مَيْ ڟَرْكِے دَ كُمَ وَنْدَ عَكَ تَاثٜىٰ؞ 36ذَاكَ طِبَ كَطَنْ دَغَ ثِكِ كَدَكَشِ يَذَمَ غَارِ، كَيَيَّڢَا شِ أَغَبَنْ عَݣُوتِنْ شَيْدَرْ يَرْجٜىٰجٜىٰنِيَ عَثِكِنْ تٜىٰنْتِنْ سَدُوَ عِنْدَ ذَنْسَدُ دَكَيْ؞ وَنَّنْ تُرَارٜىٰ ذَيْ ذَمَ مُكُ أَبُ مَيْ ڟَرْكِے سُواْسَيْ؞ 37بَذَاكُ شِرْيَ وَكَنْكُ وَنِ تُرَارٜىٰ مَيْ ڧَنْشِ إِرِنْ وَنَّنْبَ؞ وَنَّنْ تُرَارٜىٰ ذَيْ ذَمَ مُكُ أَبِنْدَ عَكَ كٜىٰٻٜىٰ دَ ڟَرْكِے غَ يَهْوٜىٰهْ؞ 38دُكْ وَنْدَ يَشِرْيَ وَنِ تُرَارٜىٰ إِرِنْسَ دُواْمِنْ أَمْڢَانِنْ كَنْسَ، ذَاعَ كَوَرْ دَشِ دَغَ جَمَعَرْ إِسْرَٰٓءِيلَ؞»
Currently Selected:
ڢِتُواْوَ 30: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
