ڢِتُواْوَ 32
32
غُنْكِنْ طَنْ بِجِمِ نَظِنَرِيَ
﴿مَيْ شَـ 9.6-29﴾
1دَ مُتَنٜىٰ سُكَغَ مُوسَٰى يَدَطٜىٰ بَيْ سَوْكُواْ دَغَ بَبَّنْ تُدُنْبَ، سَيْ سُكَ تَارُ عَكَنْ هَٰرُونَ سُكَثٜىٰ مَسَ «تَاشِ، كَيِ مَنَ أَلُّواْلِنْ دَ ذَاسُيِ مَنَ جَغُواْرَ، غَمَا وَنَّنْ مُوسَٰى مُتُمِنْدَ يَڢِتَرْ دَمُو دَغَ ڧَسَرْ مَصَرْ، بَمُسَنْ أَبِنْدَ يَسَامٜىٰشِيبَ؞» 2هَٰرُونَ كُوَ يَثٜىٰ مُسُ «كُثِثِّرٜىٰ ذُواْبَّنْ ظِينَارِيَ وَطَنْدَ سُكٜىٰ عَكُنُّوَنْ مَاتَنْكُ دَ یَیَنْكُ مَظَا دَ مَاتَا، كُكَٰوُاْ مِنِ؞» 3سَيْ دُكَنْ مُتَنٜىٰ سُكَ ثِثِّرٜىٰ ذُواْبَّنْ ظِينَارِيَ دَغَ كُنُّوَنْسُ، سُكَ كَٰوُاْوَ هَٰرُونَ؞ 4هَٰرُونَ كُوَ يَكَرْٻِ ذُواْبَّنْ ظِينَارِيَ دَغَ حَنُّنْسُ، يَنَرْكَرْ دَسُو يَيِ ظُبِے نَصِڢَّرْ طَنْ بِجِمِ دَشِ؞#1 سَرْ 12.28؛ أَيُّكَنْ 7.41
دَ مُتَنٜىٰ سُكَ غَنِ، سُكَتَادَ مُرْيَ سُكَثٜىٰ «يَا إِسْرَٰٓءِيلَ، وَنَّنْ شِينٜىٰ اللَّهْ وَنْدَ يَڢِتَرْ دَكُو دَغَ ڧَسَرْ مَصَرْ!» 5دَ هَٰرُونَ يَغَ حَكَ، سَيْ يَغِنَ بَغَدٜىٰ أَغَبَنْ طَنْ بِجِمِنْ، يَيِ شٜىٰلَ يَثٜىٰ «غُواْبٜىٰ ذَاعَيِ بِكٍ سُجَّدَ غَ يَهْوٜىٰهْ؞» 6وَشٜىٰغَرِ سَيْ مُتَنٜىٰنْ سُكَتَاشِ دَ سَسَّڢٜىٰ، سُكَ مِيڧَ هَدَايُ نَڧُواْنَاوَا دَ نَڠَرَنْ زُمُنْثِ؞ بَايَنْ وَنَّنْ سُكَ ذَوْنَ سُكَثِ سُكَشَا حَرْ سُكَ شِغَ ضَوَ؞#1 كُوارْ 10.7
يَهْوٜىٰهْ يَجَا كُنّٜىٰنْ مُوسَٰى
7سَيْ يَهْوٜىٰهْ يَثٜىٰ وَ مُوسَٰى «كَسَوْكَ دَ سَوْرِ! غَمَا جَمَعَرْكَ دَ كَڢِتَرْ دَسُو دَغَ ڧَسَرْ مَصَرْ سُنْ ڧَظَنْتَرْ دَكَنْسُ؞ 8سُنْيِ سَوْرِنْ كَوْثٜىٰوَ دَغَ حَنْيَرْدَ نَعُمَرْثٜىٰسُ سُبِے؞ سُنْ ڧٜىٰرَ وَكَنْسُ صِڢَّرْ طَنْ بِجِمِ سُنَيِ مَسَ سُجَّدَ، حَرْ سُنَ مِيڧَ مَسَ هَدَايَ سُنَ ثٜىٰوَ ‹يَا إِسْرَٰٓءِيلَ، وَنَّنْ شِينٜىٰ اللَّهْ وَنْدَ يَڢِتَرْ دَكُو دَغَ ڧَسَرْ مَصَرْ؞› 9نَسَنْ جَمَعَرْ نَنْ مَاسُ تَوْرِنْ كَيْنٜىٰ؞ 10يَنْذُ دَيْ، كَبَرْ نِے كَوَيْ دُواْمِنْ ڢُشِنَ يَيِ ڧُونَ عَكَنْسُ، إِنْ هَلَكَاسُ دُكَ؞ سَعَنً إِنْ مَيْشٜىٰكَ بَبَّرْ أَلْعُمَّ أَمَدَدِنْسُ؞»
أَدُّعَرْ مُوسَٰى
11عَمَّا مُوسَٰى يَضُواْڧِ يَهْوٜىٰهْ اللَّهْ نْسَ يَثٜىٰ «يَا يَهْوٜىٰهْ، دُوانْمٜىٰ ذَاكَبَرْ ڢُشِنْكَ يَيِ ڧُونَ عَكَنْ جَمَعَرْكَ، وَطَنْدَ كَڢِتَرْ دَسُو دَغَ ڧَسَرْ مَصَرْ دَ إِيكُوانْكَ مَيْغِرْمَ دَ كُمَ حَنُّنْكَ مَيْ إِيكُواْ؟#لِـ ڧِدْ 14.13-19 12دُوانْمٜىٰ ذَاكَسَا مَصَرَاوَا سُثٜىٰ، ‹أَيْ دَ مُوغُنْ نُڢِ نٜىٰ يَڢِتَرْ دَسُو، دُواْمِنْ يَكَشٜىٰسُ عَثِكِنْ مَنْيَنْ تُدَّيْ، يَشَرٜىٰسُ كَكَڢْ دَغَ ڢُسْكَرْ دُونِيَا›؟ كَجَنْيٜىٰ ذَاڢِنْ ڢُشِنْكَ! كَثَنْجَ نِيَّرْكَ، كَدَ كَعَيْكَ دَ مَسِيڢَرْ دَ كَكٜىٰ شِرِنْ كَٰوُاْوَ جَمَعَرْكَ؞ 13كَتُنَ دَ إِبْرَٰهِيمْ دَ إِسْحَٰڧَ دَ يَعْڧُوبَ، بَايِنْكَ وَطَنْدَ كَا ضَنْڟٜىٰ مُسُ بِسَغَ كَنْكَ ثٜىٰوَ ‹ذَنْ مَيْدَ ذُرِيَرْكُ سُيِيَوَ كَمَرْ تَوْرَرِنْ سَرَرِنْ سَمَ كُمَ كَمَرْ يَشِنْ بَاكِنْ تٜىٰكُ، كُمَ دُكَنْ وَنَّنْ ڧَسَا وَدَّ نَيِ مُكُ أَلْڧَوَرِ ذَنْبَا ذُرِيَرْكُ، ذَاسُ غَاجٜىٰ تَهَرْ أَبَدَا؞› »#ڢَارْ 22.16-17؛ 17.9 14سَبُواْدَ حَكَ يَهْوٜىٰهْ يَثَنْجَ نِيَّرْسَ، بَيْ كُوَ كَٰوُاْ مَسِيڢَرْ دَ يَيِ نِيَّرْ كَٰوُاْ عَكَنْ جَمَعَرْسَبَ؞
مُوسَٰى يَڢَرْڢَشٜىٰ أَلُّنَنْ دُوڟٜىٰ
15سَيْ مُوسَٰى يَجُويَ يَسَوْكُواْ دَغَ كَنْ بَبَّنْ تُدُنْ، يَنَ رِڧٜىٰ دَ أَلُّنَنْ دُوڟٜىٰ بِيُ نَشَيْدَرْ يَرْجٜىٰجٜىٰنِيَ أَ حَنُّوَنْسَ، وَطَنْدَ سُكٜىٰ دَ رُبُوتُو عَكُواْوَنٜىٰ غٜىٰڢٜىٰ، غَبَ دَ بَايَ؞ 16وَطَنَّنْ أَلُّنَ كُوَ عَيْكِنْ اللَّهْ نٜىٰ، رُبُوتُنْ مَا رُبُوتُنْ اللَّهْ نٜىٰ وَنْدَ يَظَانَ عَكَنْسُ؞ 17دَ يُواْشُوَ يَجِ إِيهُنْدَ جَمَعَ سُكٜىٰ تَادَشِ، سَيْيَثٜىٰ وَ مُوسَٰى «كَمَرْ أَݣَويْ ڧَارَرْ يَاڧِ عَثِكِنْ ذَنْغُوانْ!»
18عَمَّا مُوسَٰى يَثٜىٰ،
«أَيْ، وَنَّنْ بَ إِيهٌ نَصَرَرْ يَاڧِ بَنٜىٰ،
بَ كُوكَنْ مَاسُ شَنْ كَشِ بَنٜىٰ،
عَمَّا مُرْيَرْ وَاڧُواْڧِ نٜىٰ نَكٜىٰجِ!»
19دَ سُكَ مَڟُواْ كُسَدَ ذَنْغُوانْ، سَيْ مُوسَٰى يَغَا صِڢَّرْ طَنْ بِجِمِ دَ مُتَنٜىٰ سُنَ تَرَوَ، سَيْ ڢُشِنْسَ يَكُنَّ دَ ذَاڢِ، يَجٜىٰڢَرْ دَ أَلُّنَنْ دَيَكٜىٰ رِڧٜىٰ دَسُو، سُكَ ڢَرْڢَشٜىٰ أَغِنْدِنْ بَبَّنْ تُدُنْ؞ 20سَيْ يَطَوْكِ صِڢَّرْ طَنْ بِجِمِنْ دَ سُكَيِ، يَنَرْكَرْ دَشِ دَوُتَ؞ سَعَنً يَنِڧَشِ يَذَمَ غَارِ، يَكُمَ يَيَّڢَا عَكَنْ ضُوَ يَسَا إِسْرَٰٓءِيلَاوَا سُشَا؞ 21بَايَنْ حَكَ مُوسَٰى يَجُويَ وَ هَٰرُونَ يَثٜىٰ «مٜىٰ مُتَنٜىٰنَّنْ سُكَيِ مَكَ؟ يَيَ سُكَسَا كَجَٰوُاْ مُسُ وَنَّنْ ذُنُوبِ مَيْ ڟَنَنِ؟»
22هَٰرُونَ كُوَ يَأَمْسَ يَثٜىٰ «يَا مَيْغِرْمَ، كَدَ كَبَرْ ڢُشِنْكَ يَيِ ذَاڢِ! كَيْ مَا كَا سَنْ وَطَنَّنْ مُتَنٜىٰ سَرَيْ دَ إِرِنْ حَلِنْسُ نَسُوانْ عَيْكَتَ مُغُنْتَا؞ 23أَيْ، سُو سُكَثٜىٰ مِنِ، ‹كَيِ مَنَ أَلُّواْلِنْ دَ ذَاسُ جَغُواْرَنْثٜىٰمُ، غَمَا وَنَّنْ مُوسَٰى، مُتُمِنْدَ يَڢِتَرْ دَمُو دَغَ ڧَسَرْ مَصَرْ، بَمُسَنْ أَبِنْدَ يَسَامٜىٰشِيبَ؞› 24شِيَسَا نَثٜىٰ مُسُ، ‹دُكْ وَنْدَ يَكٜىٰدَ ظِينَارِيَ، سَيْ يَكَٰوُاْ مِنِ سُو!› سَعَدَّ سُكَ كَٰوُاْ مِنِ، نَظُبَرْ دَسُو عَثِكِنْ وُتَا، سَيْغَا وَنَّنْ صِڢَّرْ طَنْ بِجِمِ!»
نِيَّرْ لَوِيَاوَا دُواْمِنْ يِنْ أَدَلْثِے
25سَعَدَّ مُوسَٰى يَغَ هَٰرُونَ يَبَرْ مُتَنٜىٰنْ سُيِ أَبِنْسُ بَرْكَتَيْ حَرْ سُكَ ذَمَ أَبِنْ دَارِيَا أَغَبَنْ أَبُواْكَنْ غَابَنْسُ، 26سَيْ يَڟَيَ عَڧُواْڢَرْ ذَنْغُواْ يَتَادَ مُرْيَ يَثٜىٰ «عَثِكِنْكُ، وَنٜىٰنٜىٰ نَ يَهْوٜىٰهْ؟ يَذُواْ وُرِينَ!» سَيْ دُكَنْ لَوِيَاوَا سُكَ تَتَّارُ أَوُرِنْسَ؞ 27يَثٜىٰ مُسُ «إِنْجِ يَهْوٜىٰهْ اللَّهْ نَ إِسْرَٰٓءِيلَ، ‹كُواْوَنّٜىٰنْكُ يَرَاتَيَ تَكُواْبِنْسَ عَكَنْ ثِنْيَرْسَ! كُيِ تَكَيْوَ دَ كَٰوُاْوَ ثِكِنْ ذَنْغُوانْ دَغَ وَنَّنْ غٜىٰڢٜىٰنْ ذَنْغُوانْ ذُوَا وَنْثَنْ، كُواْوَنّٜىٰنْكُ يَكَكَّشٜىٰ طَنْعُوَنْسَ دَ أَبُواْكِنْسَ دَ مَڨُوبْثِنْسَ؞› » 28لَوِيَاوَنْ كُوَ سُكَيِ يَدَّ مُوسَٰى يَڢَطَا؞ أَ رَانَرْ نَنْ كُوَ عَكَ كَشٜىٰ وَجٜىٰنْ مُتُمْ دُبُو عُكُ؞ 29سَيْ مُوسَٰى يَثٜىٰ وَ لَوِيَاوَنْ «يَوْ كُنْ بَادَ كَنْكُ غَ حِدِمَرْ يَهْوٜىٰهْ، كُواْوَنّٜىٰنْكُ عَكَنْ هَسَرَرْ وَنِ، كُواْ طَنْكَ كُواْ طَنْعُوَنْكَ؞ تَهَكَ كُكَ جَٰوُاْ وَكَنْكُ أَلْبَرْكَ أَوَنَّنْ رَانَ؞»
مُوسَٰى يَسَاكٜىٰ يِنْ أَدُّعَ
30وَشٜىٰغَرِ مُوسَٰى يَثٜىٰ وَمُتَنٜىٰنْ «كُنْ عَيْكَتَ ذُنُوبِ مَيْ ڟَنَنِ؞ يَنْذُ بَرِ إِنْكُواْمَ وُرِنْ يَهْوٜىٰهْ عَكَنْ بَبَّنْ تُدُنْ، وَتَڧِيلَ ذَنْعِيَ طَوْكَرْ أَلْحَكِنْ ذُنُبَنْكُ؞» 31مُوسَٰى كُوَ يَكُواْمَ وُرِنْ يَهْوٜىٰهْ يَثٜىٰ «وَيُّواْ! وَطَنَّنْ مُتَنٜىٰ سُنْ عَيْكَتَ ذُنُوبِ مَيْ ڟَنَنِ! سُنْيِ وَكَنْسُ غُنْكِنْ ظِينَارِيَ؞ 32عَمَّا يَنْذُ، إِنَ ضُواْڧُوانْكَ كَغَاڢَرْتَا مُسُ ذُنُبَنْسُ؞ عِدَنْ بَهَكَبَ، سَيْ كَشَرٜىٰ سُونَنَ دَغَ ثِكِنْ لِتَّڢِنْدَ كَرُبُوتَ؞»#زَبُو 69.28؛ رُعُيَ 3.5 33يَهْوٜىٰهْ كُوَ يَأَمْسَ وَ مُوسَٰى يَثٜىٰ «دُكْ وَنْدَ يَيِ مِنِ ذُنُوبِ، شِينٜىٰ ذَنْ شَارٜىٰ سُونَنْسَ دَغَ لِتَّڢِنَ؞ 34يَنْذُ، تَاشِ كَجَغُواْرَنْثِ مُتَنٜىٰنْ ذُوَا وُرِنْدَ نَڢَطَا مَكَ؞ غَاشِ، مَلاَىِٕكَنَ ذَيْ جَغُواْرَنْثٜىٰكَ؞ دُكْدَهَكَ، سَعَدَّ رَانَرْ حُكُنْثِ تَذُواْ، ذَنْ حُكُنْتَسُ سَبُواْدَ ذُنُبَنْسُ؞»
35سَيْ يَهْوٜىٰهْ يَعَيْكَ دَ بَلَعِ عَكَنْ مُتَنٜىٰنْ سَبُواْدَ صِڢَّرْ طَنْ بِجِمِ وَدَّ سُكَسَا هَٰرُونَ يَيِ مُسُ؞
Currently Selected:
ڢِتُواْوَ 32: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
