ڢِتُواْوَ 9
9
بَلَعِ نَبِيَرْ: مُتُوَرْ دَبُّواْبِے
1سَيْ يَهْوٜىٰهْ يَڢَطَا وَ مُوسَٰى يَتَڢِے وُرِنْ ڢِرْعَوْنَ يَثٜىٰ مَسَ «إِنْجِ يَهْوٜىٰهْ اللَّهْ نَ إِبْرَانِيَاوَا، ‹كَبَرْ جَمَعَتَ سُتَڢِے سُيِ مِنِ سُجَّدَ؞ 2عِدَنْ ڢَا كَاڧِ كَبَرْسُ سُتَڢِے، وَتُواْ كَثِيغَبَدَ رِڧُوانْسُ، 3حَنُّنْ يَهْوٜىٰهْ ذَيْبُغٜىٰكُ دَ بَلَعِ نَمُتُوَ يَهَلَّكَ دَبُّواْبِنْ ڢِيلَيٜىٰنْ ڧَسَا، وَتُواْ دَوَكِ دَ جَاكُنَ دَ رَاڧُمَ دَ شَانُو دَ تُمَكِ دَ أَوَكِ؞ 4عَمَّا نِے يَهْوٜىٰهْ ذَنْسَا إِيَاكَ ڟَكَانِنْ دَبُّواْبِے نَ إِسْرَٰٓءِيلَاوَا دَ مَصَرَاوَا، يَدَّ بَ كُواْ دَبَّ طَيَ نَمُتَنٜىٰنْ إِسْرَٰٓءِيلَ وَنْدَ ذَيْمُتُ؞ 5نِے يَهْوٜىٰهْ نَارِغَا نَا شِرْيَ لُواْكَثِنْ دَ وَنَّنْ ذَيْڢَرُ؞ غُواْبٜىٰ نٜىٰ ذَنْيِ وَنَّنْ أَبُ عَثِكِنْ ڧَسَرْ؞› »
6وَشٜىٰغَرِ يَهْوٜىٰهْ يَيِ أَبِنْدَ يَڢَطَا؞ دُكَنْ دَبُّواْبِنْ مَصَرَاوَا سُكَ مُتُ، عَمَّا بَ كُواْ طَيَ دَغَ ثِكِنْ دَبُّواْبِنْ إِسْرَٰٓءِيلَاوَا وَنْدَ يَمُتُ؞ 7سَيْ ڢِرْعَوْنَ يَعَيْكَ عَكَ تَبَّتَرْ ثٜىٰوَ بَ كُواْ دَبَّ طَيَ نَ إِسْرَٰٓءِيلَاوَا دَ يَمُتُ؞ عَمَّا ذُوثِيَارْ ڢِرْعَوْنَ تَتَوْرَرٜىٰ، بَيْبَرْ جَمَعَرْ سُتَڢِبَ؞
بَلَعِ نَشِدَ: مَرُورَيْ
8سَيْ يَهْوٜىٰهْ يَثٜىٰ وَ مُوسَٰى دَ هَٰرُونَ «كُطٜىٰبِے تُواْكَ ثِكٜىٰ دَ تَڢِنْ حَنُّوَنْكُ دَغَ مَڧٜىٰرَ، سَيْ مُوسَٰى يَوَاڟَرْدَ تُواْكَرْ أَسَرَرِنْ سَمَ أَعِدُوانْ ڢِرْعَوْنَ؞ 9تُواْكَرْ كُوَ ذَاتَبَظُو كَمَرْ ڧُورَا عَبِسَ دُكَنْ ڧَسَرْ مَصَرْ، ذَاتَ كُمَسَا مَرُورَيْ سُڢِڢِّتُواْ عَكَنْ مُتَنٜىٰ دَ دَبُّواْبِے دُكَ؞» 10سَيْ سُكَ طٜىٰبِے تُواْكَ دَغَ مَڧٜىٰرَ سُكَ تَڢِے وُرِنْ ڢِرْعَوْنَ؞ أَغَبَنْ ڢِرْعَوْنَ، سَيْ مُوسَٰى يَوَاڟَرْدَ تُواْكَرْ أَسَرَرِنْ سَمَ؞ تُواْكَرْ كُوَ تَسَا مَرُورَيْ سُكَ ڢِڢِّتُواْ عَكَنْ مُتَنٜىٰ دَ دَبُّواْبِے؞#رُعُيَ 16.2 11حَرْ مَا مَاسُ دَبُواْ بَسُ عِيَ ڟَيَاوَا أَغَبَنْ مُوسَٰى بَ، سَبُواْدَ سُو مَا سُنْكَمُ دَ مَرُورَنْ كَمَرْ سَوْرَنْ مَصَرَاوَا؞ 12عَمَّا يَهْوٜىٰهْ يَا تَوْرَرَ ذُوثِيَارْ ڢِرْعَوْنَ، يَا كُمَڧِ كَسَ كُنّٜىٰ غَرٜىٰسُ، كَمَرْ يَدَّ يَهْوٜىٰهْ يَڢَطَا وَ مُوسَٰى؞
بَلَعِ نَبَݣَويْ: ڧَنْڧَرَ
13سَيْ يَهْوٜىٰهْ يَڢَطَا وَ مُوسَٰى يَتَاشِ دَ سَسَّڢٜىٰ يَسَامِ ڢِرْعَوْنَ يَثٜىٰ مَسَ «إِنْجِ يَهْوٜىٰهْ اللَّهْ نَ إِبْرَانِيَاوَا، ‹كَبَرْ جَمَعَتَ سُتَڢِے دُواْمِنْ سُيِ مِنِ سُجَّدَ؞ 14أَوَنَّنْ لُواْكَثِ، ذَنْعَيْكَ دَ بَلَعِ مَڢِے ڟَنَنِ عَكَنْكَ دَ دَتَّاوَنْكَ دَ دُكَنْ مُتَنٜىٰنْكَ، دُواْمِنْ لَلَّيْ كُوَ ذَاكَ سَنِ ثٜىٰوَ بَابُوَنِ مَيْكَمَ دَنِے عَثِكِنْ دُكَنْ دُونِيَا؞ 15غَمَا دَاعَثٜىٰ تُنْتُنِ نَمِيڧَ هَنُّونَ نَبُغٜىٰكَ دَ مُتَنٜىٰنْكَ دَ بَلَعِ دَ أَنْرِغَا أَنْكَوَرْ دَكَيْ دَغَ ڢُسْكَرْ دُونِيَا؞ 16عَمَّا نِے دَيْ نَبَرْكَ كَرَايُ حَرْ وَرْهَكَ دُواْمِنْ وَنَّنْ دَلِيلِ، وَتُواْ دُواْمِنْ إِنْ نُونَ مَكَ إِيكُواْنَ، إِنْكُمَ سَنَرْدَ سُونَنَ عَثِكِنْ دُونِيَا دُكَ؞#رُوامْ 9.17 17حَرْ يَنْذُ كَنَ تَطَوْكَكَ كَنْكَ عَكَنْ جَمَعَتَ، كُمَ كَڧِ كَبَرْسُ سُتَڢِے؞ 18غُواْبٜىٰ وَرْهَكَ، ذَنْسَا عَيِ ڧَنْڧَرَ مَيْ ڟَنَنِنْ غَسْكٜىٰ وَدَّ مَصَرْ بَتَ تَٻَ غَنِنْ إِرِنْتَبَ تُنْدَغَ تَارِيحِنْ كَڢَاوَرْتَ حَرْ ذُوَا يَنْذُ؞ 19يَنْذُ ڢَا، سَيْ كَبَادَ عُمَرْنِ عَكَٰوُاْ شَانُنْكَ عَثِكِنْ رُمْڢَ تَرٜىٰدَ كُواْوَنٜىٰ أَبِنْدَ يَكٜىٰ نَاكَ وَنْدَ يَكٜىٰ أَوَجٜىٰ؞ غَمَا كُواْوَنٜىٰ مُتُمْ كُواْ دَبَّرْ دَتَكٜىٰ وَجٜىٰ، إِنْ ڧَنْڧَرَ تَڢَاطُواْ، ذَاتَ كَشٜىٰشِ غَبَاطَيَ؞› » 20كُواْوَنٜىٰ دَتِّجُوانْ ڢِرْعَوْنَ وَنْدَ يَجِڟُواْرُوانْ مَغَنَرْ يَهْوٜىٰهْ، يَا سَا بَايِنْسَ دَ شَانُنْسَ سُغُدُ ذُوَا ثِكِنْ رُمْڢَ؞ 21عَمَّا دُكْ وَنْدَ بَيْكُلَ دَ مَغَنَرْ يَهْوٜىٰهْ بَ، يَبَرْ بَايِنْسَ دَ شَانُنْسَ أَوَجٜىٰ؞
22سَيْ يَهْوٜىٰهْ يَڢَطَا وَ مُوسَٰى ثٜىٰوَ يَمِيڧَ حَنُّنْسَ سَمَ دُواْمِنْ ڧَنْڧَرَ تَڢَاطُواْ كُواْعِنَ عَڧَسَرْ مَصَرْ، عَكَنْ مُتَنٜىٰ دَ دَبُّواْبِے دَ كُمَ كَنْ ڟِرٜىٰ ڟِرٜىٰ نَڢِيلَيٜىٰنْ ڧَسَرْ مَصَرْ؞ 23سَيْ مُوسَٰى يَمِيڧَ سَنْدَنْ كِيوُانْسَ سَمَ؞ يَهْوٜىٰهْ كُوَ يَا عَيْكَ دَ ڟَاوَ دَ ڧَنْڧَرَ، وَلْڧِيَرْ وُتَا كُمَ تَسَوْكُواْ حَرْ ڧَسَا؞ يَهْوٜىٰهْ يَا ظُبُواْ ڧَنْڧَرَ عَكَنْ دُكَنْ ڧَسَرْ مَصَرْ؞#زَبُو 78.47 24عَكَيِ تَيِنْ ڧَنْڧَرَ، وَلْڧِيَرْ وُتَا كُمَ تَايِ تَيِ عَثِكِنْ ڧَنْڧَرَرْ؞ عَكَيِ ڧَنْڧَرَ مَيْ ڟَنَنِنْ غَسْكٜىٰ إِرِنْ وَدَّ بَعَتَٻَيِبَ ثِكِنْ دُكَنْ ڧَسَرْ مَصَرْ تُنْ لُواْكَثِنْ دَ تَذَمَ أَلْعُمَّ؞ 25ڧَنْڧَرَرْ تَهَلَّكَرْ دَ كُواْوَنٜىٰ أَبِنْدَ يَكٜىٰ أَوَجٜىٰ كُواْعِنَ عَڧَسَرْ مَصَرْ، مُتَنٜىٰ دَ دَبُّواْبِے، تَلَلَتَرْ دَ ڟِرٜىٰ ڟِرٜىٰ نَڢِيلَيٜىٰ، حَرْ تَكَكَّرْيَ دُكَنْ عِتَتُوَ؞ 26عَيَنْكِنْ غُواْشٜىٰنْ نٜىٰ كَطَيْ عِنْدَ إِسْرَٰٓءِيلَاوَا سُكٜىٰ دَ ذَمَ، بَعَيِ ڧَنْڧَرَبَ؞
27سَيْ ڢِرْعَوْنَ يَعَيْكَ عَكِرَا مَسَ مُوسَٰى دَ هَٰرُونَ يَثٜىٰ مُسُ «أَوَنَّنْ لُواْكَثِ كَمْ نَيِ ذُنُوبِ؞ يَهْوٜىٰهْ يَنَدَ أَدَلْثِے؞ نِے دَ جَمَعَتَ مُكٜىٰ دَ مُغُنْتَا؞ 28ضُواْڧِ يَهْوٜىٰهْ! وَنَّنْ ڟَاوَ دَ ڧَنْڧَرَ سُنْ إِشٜىٰمُ! يَنْذُ كَمْ، ذَنْبَرْكُ كُتَڢِے؞»
29مُوسَٰى يَا أَمْسَ يَثٜىٰ «دَظَرَرْ نَڢِتَ دَغَ ثِكِنْ بِرْنِنْ، ذَنْ مِيڧَ حَنُّوَنَ غَ يَهْوٜىٰهْ ثِكِنْ أَدُّعَ؞ ڟَاوَرْ ذَاتَدَيْنَ، بَذَاعَ ڧَارَيِنْ ڧَنْڧَرَ كُمَ بَ دُواْمِنْ كَسَنِ ثٜىٰوَ دُونِيَا تَ يَهْوٜىٰهْ ثٜىٰ؞ 30عَمَّا كَيْ دَ دَتَّاوَنْكَ، نَسَنِ حَرْ يَنْذُ بَكُجِڟُواْرُوانْ يَهْوٜىٰهْ اللَّهْ بَتُكُنَ؞»
31ڟِرُواْ نَڢِلَكسْ دَ نَهَڟِنْ بَلٜىٰ كُوَ سُكَ لَلَثٜىٰ، غَمَا حَڟِنْ بَلٜىٰ يَا رِغَا يَا نُونَ، كُمَ ڟِرُواْ نَڢِلَكسْ يَا رِغَا يَايِ ڢُلَوَ؞ 32عَمَّا أَلْكَمَ دَ أَلْكَمَرْ دَاجِ بَسُ لَلَثٜىٰبَ، غَمَا سُكَنْيِ غِرْمَ دَ لَتِّ؞
33سَيْ مُوسَٰى يَڢِتَ دَغَ وُرِنْ ڢِرْعَوْنَ، يَكُمَ ڢِتَ دَغَ بِرْنِنْ؞ دَ يَمِيڧَ حَنُّوَنْسَ غَ يَهْوٜىٰهْ، سَيْ ڟَاوَرْ دَ ڧَنْڧَرَرْ سُكَ ڟَيَ ثِكْ، بَعَيِ ضُوً سَمَ بَكُمَ؞ 34سَعَدَّ ڢِرْعَوْنَ يَغَ أَنْطَوْكٜىٰ ضُوً سَمَ دَ ڧَنْڧَرَ دَ ڟَاوَ، سَيْ يَسَاكٜىٰيِنْ ذُنُوبِ يَتَوْرَرَ ذُوثِيَارْسَ دَشِ دَدَتَّوَنْسَ؞ 35ذُوثِيَارْ ڢِرْعَوْنَ تَتَوْرَرٜىٰ، بَيْبَرْ إِسْرَٰٓءِيلَاوَا سُتَڢِبَ، كَمَرْ يَدَّ يَهْوٜىٰهْ يَا رِغَا يَا ڢَطَا تَبَاكِنْ مُوسَٰى؞
Currently Selected:
ڢِتُواْوَ 9: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
