ڢَارَوَ 48
48
يَعْڧُوبَ يَا مَيْدَ یَیَنْ يُوسُڢَ نَاسَ
1بَايَنْ وَنَّنْ سَيْ عَكَ ذُواْ عَكَ ڢَطَا وَ يُوسُڢَ ثٜىٰوَ «غَاشِ بَابَنْكَ يَنَ رَشِنْ لَاڢِيَ؞» سَيْ يُوسُڢَ يَا طَوْكِ یَیَنْسَ بِيُ مَظَا، وَتُواْ مَنَسّٜىٰ دَ إِڢْرَيِمْ، سُكَ تَڢِے وُرِنْ يَعْڧُوبَ؞ 2لُواْكَثِنْ دَ عَكَثٜىٰ وَ يَعْڧُوبَ «طَنْكَ يُوسُڢَ يَا ذُواْ وُرِنْكَ،» سَيْ يَعْڧُوبَ يَيِ ڧُواْڧَرِ يَتَاشِ يَذَوْنَ عَكَنْ غَدُوانْ؞ 3دَ سُكَيِ غَيْسُوَا، سَيْ يَعْڧُوبَ يَثٜىٰ وَ يُوسُڢَ «اللَّهْ مَيْ إِيكُواْ دُكَ يَا بَيَّنَ مِنِ أَ لُظْ عَڧَسَرْ كَنْعَنَ، يَا كُوَ أَلْبَرْكَثٜىٰنِ؞ 4يَثٜىٰ مِنِ، ‹غَاشِ، ذَنْسَا كَيَلْوَتَ كَيِ تَحَيْڢُوَ سُواْسَيْ؞ ذَنْ كُمَسَا ذُرِيَرْكَ تَذَمَ تَارُوانْ ڧَبِيلُ، إِنْ بَادَ ڧَسَرْ نَنْ غَرٜىٰسُ تَذَمَ غَادُوانْسُ حَرْ أَبَدَا؞›
5«يَنْذُ دُكْ یَیَنْكَ بِيُ مَظَا وَطَنْدَ عَكَ حَيْڢَ مَكَ عَڧَسَرْ مَصَرْ كَاڢِنْ ذُوَانَ وُرِنْكَ، سُو طِنْ نَوَنٜىٰ؞ إِڢْرَيِمْ دَ مَنَسّٜىٰ ذَاسُ ذَمَ نَوَ، كَمَرْ يَدَّ رَعُبَيْنُ دَ سِمٜىٰيُوانْ سُكٜىٰ نَوَ؞ 6عَمَّا یَیَنْ دَ ذَاعَ حَيْڢَ مَكَ بَايَنْسُ، ذَاسُ ذَمَ نَاكَ؞ ذَاعَ لِسَّڢْتَاسُ تَرٜىٰدَ سَوْرَنْ یَیَنَ غَمٜىٰدَ غَادُوانْسُ؞ 7غَمَا سَعَدَّ نَڢِتُواْ دَغَ ڢَدَّنْ أَرَمْ مُنَ كَنْ تَڢِيَ، سَيْ رَحِيلَةُ تَمُتُ عَڧَسَرْ كَنْعَنَ، تَا كُوَ بَرْنِ ثِكِنْ بَڧِنْ ثِكِ، تُنْ بَمُ إِسَ عٜىٰڢْرَتَ بَ؞ نَا كُوَ بِنّٜىٰتَ أَ حَنْيَرْ عٜىٰڢْرَتَ، وَتُواْ بَيْتَلَحْمِ؞»#ڢَارْ 35.16-19
8سَعَدَّ إِسْرَٰٓءِيلَ يَغَ یَیَنْ يُوسُڢَ مَظَا، سَيْيَثٜىٰ «سُوَنٜىٰنٜىٰ وَطَنَّنْ؟»
9سَيْ يُوسُڢَ يَأَمْسَ «وَطَنَّنْ یَیَنَ نٜىٰ مَظَا وَطَنْدَ اللَّهْ يَبَانِ أَنَنْ؞»
سَيْ إِسْرَٰٓءِيلَ يَثٜىٰ «كَٰوُاْسُ وُرِينَ، إِنَ ضُواْڧُوانْكَ، دُواْمِنْ إِنْسَا مُسُ أَلْبَرْكَ؞» 10إِدَانُنْ إِسْرَٰٓءِيلَ يَنْذُ سُنْيِ دُهُ سَبُواْدَ يَوَنْ ڟُوڢَرْسَ حَرْ بَا يَ عِيَ غَنِ سُواْسَيْ؞ سَيْ يُوسُڢَ يَكَٰوُاْ یَیَنْسَ كُسَدَشِ؞ سَيْ إِسْرَٰٓءِيلَ يَيِ مُسُ سُمْبَ يَضُنْغُمٜىٰسُ؞ 11سَعَنً إِسْرَٰٓءِيلَ يَثٜىٰ وَ يُوسُڢَ «نِے بَنْ ڟَمَّنِ ذَنْغَ ڢُسْكَرْكَبَ؞ سَيْغَاشِ اللَّهْ يَا يَرْدَ مِنِ نَغَ ڢُسْكَرْكَ حَرْ دَ یَیَنْكَ؞» 12سَعَنً يُوسُڢَ يَطَغَسُ دَغَ ڠُوِوُاْيِنْ إِسْرَٰٓءِيلَ، سَيْ يُوسُڢَ يَرُسُنَ دَ ڢُسْكَرْسَ حَرْ ڧَسَا أَغَبَنْسَ؞
13يُوسُڢَ يَطَوْكٜىٰ دُكَنْسُ بِيُ، يَسَا إِڢْرَيِمْ أَ حَنُّنْسَ نَدَمَ دَيْدَيْ حَنُّنْ هَغُنْ إِسْرَٰٓءِيلَ، مَنَسّٜىٰ كُمَ يَسَاشِ أَ هَغُنْسَ دَيْدَيْ حَنُّنْ دَامَ نَ إِسْرَٰٓءِيلَ، يَا كَٰوُاْسُ كُسَدَ إِسْرَٰٓءِيلَ؞ 14سَيْ إِسْرَٰٓءِيلَ يَمِيڧَ حَنُّنْسَ نَدَمَ، يَسَا بِسَ كَنْ إِڢْرَيِمْ وَنْدَ يَكٜىٰ ڧَرَمِ، حَنُّنْسَ نَهَغُ كُمَ بِسَ كَنْ مَنَسّٜىٰ، حَنُّوَنْسَ سُنْ حَيٜىٰ جُونَ؞ يَايِ حَكَ كُواْدَيَكٜىٰ مَنَسّٜىٰ شِينٜىٰ طَنْ ڢَارِنْ؞ 15سَيْ يَسَاوَ يُوسُڢَ#48.15 يُوسُڢَ: تَوُرِنْ سَا وَ إِڢْرَيِمْ دَ مَنَسّٜىٰ أَلْبَرْكَ، يَعْڧُوبَ يَنَ سَا وَ يُوسُڢَ أَلْبَرْكَ كٜىٰنَنْ؞ أَلْبَرْكَ يَثٜىٰ،
«اللَّهْ وَنْدَ كَاكَنِّنَ إِبْرَٰهِيمْ دَ إِسْحَٰڧَ
سُكَيِ تَڢِيَرْسُ أَغَبَنْسَ،
اللَّهْ وَنْدَ يَجَغُواْرَنْثٜىٰنِ
أَ رَايُوَتَا دُكَ حَرْ ذُوَا يَوْ،
16مَلاَىِٕكَنْ دَ يَڢَنْشٜىٰنِ
دَغَ دُكَنْ مُغُنْتَا،
يَسَا وَيَارَنَّنْ أَلْبَرْكَ؞
بَرِ عَيِ تَكِرَنْسُ دَ سُونَنَ،
دَ سُونَنْ كَاكَنِّنَ إِبْرَٰهِيمْ دَ إِسْحَٰڧَ؞
بَرِ سُيِ تَحَيْڢُوَ سُواْسَيْ
سُيِيَوَ عَدُونِيَا؞»
17سَعَدَّ يُوسُڢَ يَغَ بَابَنْسَ يَسَا حَنُّنْ دَامَنْسَ عَبِسَ كَنْ إِڢْرَيِمْ، رَنْسَ بَيْ سُواْبَ؞ سَيْ يَطَوْكٜىٰ حَنُّنْ بَابَنْسَ، دُواْمِنْ يَثِرٜىٰشِ دَغَ كَنْ إِڢْرَيِمْ يَسَا عَكَنْ مَنَسّٜىٰ؞ 18يُوسُڢَ يَثٜىٰ وَبَابَنْسَ «بَهَكَ بَنٜىٰ، بَابَ! أَيْ، وَنَّنْ نٜىٰ طَنْ ڢَضٍ؞ سَا حَنُّنْكَ نَدَمَ عَبِسَ كَنْسَ؞»
19عَمَّا بَابَنْسَ يَڧِ ثٜىٰوَ «أَيْ، نَاسَنِ طَانَ، نَاسَنِ؞ شِمَا ذَيْ ذَمَ ذُرِيَ، ذَيْ ذَمَ مَيْغِرْمَ؞ دُكْدَهَكَ ڧَنٜىٰنْسَ ذَيْڢِيشِ غِرْمَ، ذُرِيَرْسَ كُمَ ذَاسُ ذَمَ تَارُوانْ أَلْعُمَّيْ؞»
20تَهَكَ إِسْرَٰٓءِيلَ يَسَا مُسُ أَلْبَرْكَ أَ رَانَرْ نَنْ يَنَ ثٜىٰوَ
«دَ سُونَيٜىٰنْكُنٜىٰ
إِسْرَٰٓءِيلَاوَا ذَاسُسَا أَلْبَرْكَ ثٜىٰوَ
‹بَرِ اللَّهْ يَسَا كَذَمَ كَمَرْ
إِڢْرَيِمْ دَ مَنَسّٜىٰ؞› »
تَهَكَ يَسَا إِڢْرَيِمْ نَڢَرْكُواْ كَاڢِنْ مَنَسّٜىٰ؞#إِبْرَ 11.21
21سَيْ إِسْرَٰٓءِيلَ يَثٜىٰ وَ يُوسُڢَ «غَاشِ، نَيِ كُسَنْ مُتُوَ، عَمَّا اللَّهْ ذَيْ كَسَنْثٜىٰ دَكَيْ، كُمَ ذَيْسَاكٜىٰ كُواْمَرْ دَكَيْ ڧَسَرْ كَاكَنِّنْكَ؞ 22نِنٜىٰ نَكٜىٰبَاكَ يَنْكِنْ شٜىٰكٜىٰمْ، كَشِ طَيَ ڢِيٜىٰدَ یَنْعُوَنْكَ، وَنْدَ نَڨُوثٜىٰ دَغَ حَنُّنْ أَمُواْرِيَاوَا تَوُرِنْ تَكُواْبِنَ دَ بَكَنَ؞»
Currently Selected:
ڢَارَوَ 48: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
