Psom 82
82
Bondie Toupwisan, limem pli gran
Psom Asaf.
1Gran lasanble dan lesiel an renion
e Bondie pe prezide;
dan lasanble Segner lesiel li donn so zizman.
2“Ziska kan zot pou kontign donn zizman bankal,
e kontign pran par bann ki lor move sime?
3Defann drwa bann pov ek bann orfelin;
donn lazistis bann ti-dimounn ek bann ki pena nanye.
4Vinn osekour bann feb ek bann pov.
Tir zot dan lame bann move dimounn.”
5Zot pa konn nanye, zot pa konpran nanye,
zot pe mars ataton dan lobskirite koripsion,
e fondasion later pe sakouye.
6Mo finn dir zot, “Zot bann ti bondie dan lesiel.
Zot dan fami Bondie Pli Lao, zot tou;
7e pourtan, zot pou fini kouma bann mortel;
zot lavi pou fini kouma ninport ki sinp sef lor later.”
8Vini Bondie, vinn ziz nou liniver,
tou bann nasion pou twa, anba to lotorite.
Currently Selected:
Psom 82: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.