Mateus 1
1
Jesus Cristo Hitrsukatenni Piranapni
1Twu hinkakletlu Jesus Cristo hitsrukatene. Jesus Cristo, Davi whene, Davi, Abraão whene.
2Abraão wuhenetlu Isaque, Isaque wuhenetlu Jacó, Jacó wuhenetlu Judá hiyrunu Judá molene.
3Judá wuhenetlu Perez hiyrunu Zerá, wanna hinrokni Tamar tshinkaluro; waneya Perez wuhenetlu Esrom; Esrom wuhenetlu Arão;
4Arão wuhenetlu Aminadabe; Aminadabe wuhenetlu Naassom; Naassom wuhenetlu Salmom;
5Salmom wuhenetlu Boaz, Boaz hinrokni honra Raabe tshinkaluro; waneya Boaz wuhenetlu Obede. Obede hinrokni honra Rute tshinkaluro. Waneya Obede wuhenetlu Jessé;
6Jessé wuhenetlu pohirtshi Davi (Israel pohire); Davi wuhenetlu Salomão pohirtshi. Salomão hinrokni Urias tshinkaluru hnunro.
7Waneya Salomão wuhenetlu Roboão; Roboão wuhenetlu Abias; Abias wuhenetlu Asa.
8Asa wuhenetlu Josafá; Josafá wuhenetlu Jorão; Jorão wuhenetlu Uzias;
9Uzias wuhenetlu Jotão; Jotão wuhenetlu Acaz; Acaz wuhenetlu Ezequias;
10Ezequias wuhenetlu Manassés; Manassés wuhenetlu Amom; Amom wuhenetlu Josias;
11Josias wuhenetlu Jeconias hiyrun-koxa himolene judeu-nerune Babilônia tshijne ranikkoklunna papko.
12Judeu-nerune Babilônia tshijne ranikkoklunna papko wkatanu Jeconias wuhenetlu Salatiel; Salatiel wuhenetlu Zorobabel;
13Zorobabel wuhenetlu Abiúde; Abiúde wuhenetlu Eliaquim; Eliaquim wuhenetlu Azor;
14Azor wuhenetlu Sadoque; Sadoque wuhenetlu Aquim; Aquim wuhenetlu Eliúde;
15Eliúde wuhenetlu Eleazar; Eleazar wuhenetlu Matã; Matã wuhenetlu Jacó.
16Waneya Jacó wuhenetlu José, José honra Maria tshinkaluro hnuru, walakni matkaklu Jesus, walekatkani Cristo tshinkaluru.
17Hiyáhoni raptowrurna quatorze klopichane Abraão-klukananuko haté Davi-klu papko hiyrunu quatorze klopichanekotnaka Davi-klu papko haté judeu-nerune Babilônia tshijne ranikkoklunna papko hiyrunu quatorze klopichanekotnaka judeu-nerune Babilônia tshijne ranikkoklunna papko haté Cristo hapojinixka.
Jesus Matuxyawaka Piranapni
18Waneya wan-rixa matreta Jesus Cristo. Runro, Maria tshinkaluro, José tshinkaluru hnunro tixinripa, seyni hi rapokmanetawalo tmichiwatatka Hoyakalu Hiwejikaluru pixkonuyma.
19Seyni thanurupa José kihle hchinikanu rixle tshinanu, hi raluka patewkakletlo yine meyijyawakanuplo, hiyáhoni raluk-hiknoklechamtlo, hike mimaxyawakanuplu.
20Seyni wane ruchinikanretakanatawa satu hiwejikaluru Tsru Hixikatshriwa Hoyakalu towreru tenhohne hajeru hakanhayehitlu José rupnawleya. Waneya wane htshinru:
— José, Davi whene, hi pkojwakahchinikanutanu Maria pipji panijyawakapa, phanunro tixyawakapa. Klu tshinanu Hoyakalu Hiwejikaluru tshinanu tmichiwata.
21Tmatuwhenetanu jejipni. Putakhiwakatanru Jesus, klu tshinanu riwekkakanna rayinetene hkonahektunutanunpatka.
22Xye ptowruka wan-hixa, hpoyahokajyawakaplu ptowruka htshinyawaka Tsru Hixikatshriwa Hoyakalu, Hoyakalu tokanu hinkakletatshriya Isaías-ni tshinkalurni, wla htshina:
23“Suxo, jeji mapokmanetanutowa michiwatanu, twuhenetanru jeji, hhiwakatko Emanuel.” (Emanuel raluka tshinreta “Hoyakalu hixaymalu”.)
24Waneya ruyojinixka José, hkamhalu htshinyawaklu hiwejikaluru Tsru Hixikatshriwa Hoyakalu towreru tenhohne hajeru. Ranikatkalo Maria hipji wale hnunro tixyawakapa.
25Seyni tma matuwhenetkanu pchinika Maria hi rapokmanetlo José. Tmatkakatkalu mitshikananu toturu waneya rutakhiwakatlu Jesus.
Currently Selected:
Mateus 1: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
