Eksodo 2
2
Oyariwa wa Mose
1Muthu mmodda a nlloko na Levi aamutthella mutthiyana a nlloko nenno. 2#Mit 7.20; Ahe 11.23Mutthiyanooyo aakhalla ni erukullu nave amuyara mwaana aamullopwana. Oonilleeye wi mwaanooyo tti ooreera, aamwiipitthiha wa miyeri miraru. 3Koma mutthiyanooyo aphiyalleeye voohiworani omwiipitthihattho, aakusa mutaanga wa epango awumara onyoma. Vano mwaanooyo aamuhiya mwemmo, aya awuhiya variyari va epango, mukhwipi mwa muhinje. 4Nave murokoriye a mwaanooyo ahiimella vakhuviru anawehesesa wi oone nnddo ddinaamweereyelle.
5Enthawi emodda, mwaana aamutthiyana a Farao aaya omuhinjeninko wi ahape nave akaporwaaye aatthiyana yeeta mukhwipi mwa muhinje mulle. Vano olliye ahoona mutaangoolle mupangonimmo, amuruma kaporo mmodda wi awukuse. 6Mwaana a Farao awukhunuullalle mutaangoolle, aamuphwanyamo mwaana inllaka, aamumorella ethakaraka olliyooyo nave aallota wi, “Yoolla tti mwaana a Eheberi.”
7Vano murokoriye a mwaanooyo aaya amukoha wi, “Apaalle kawiithanelleni mutthiyana a Eheberi wi awaamwihellekeni mwaanoolla?”
8Mwaana a Faraoolle ahaakhulla wi, “Khawe.” Sika murokoriyooyo aaya awiithana amennya a mwaanooyo. 9Vano mwaana a Faraoolle aamulleella mutthiyanooyo wi, “Mukuseni mwaanoolla mwakaamwihelle nave kineerewuullivellani.” Sika mutthiyanooyo aamukusa mwaanooyo, anamwaamwiha. 10#Mit 7.21Mwaanoolle unnuwalle aamuvelleella wa mwaana a Farao nave mwaanooyo aatthattuwa akhalla aaye. Mwaana a Faraooyo aamuvaha mwaanooyo nnddina nawi Mose#2.10 Mose: Nnddina nenna niniiweya wonanko na Eheberi nno ninattaphullella ooruulliwa m'maaddini. ekaamba yawi aallota wi, “Kaamuruulla m'maaddini.”
Mose anathawella o Midiyani
11 #
Mit 7.23-28; Ahe 11.24 Nllapo nimodda Mose unnuwalle, aaya wa athu a mutundwaayaalle nave ahoona yaapharihelliiwa mutteko mwa ekuku. Aamoona Muiguputo mmodda amuukuthaka Muheberi, mmodda mwa athu a mutundwaaye. 12Vano Mose awehille nngu ni nngu nave oonille wi khawuri athu, aamwiipha Muiguputooyo, avuhella mutembwaaye m'mihavani. 13Osaka wene awiillettho, aawoona Aheberi eelli ewanaka. Nave aamukoha oolakwooyo wi, “Ethiyo kaambiiwa tini onamuukutheewe Muheberi mukhwaawo?”
14Olliyoolle aamukoha Mose wi, “Ethiyo ttaani aweerille wi okhalle muullupallaahu nave aweeruzaahu? Ethiyo onapaalla okiiphe wonanko wamwiiphelleewe Muiguputoolle?” Vano Mose ahoova wunchichi nave aaganiza wi, “Haa, athu ennadduwella keerilleeminndde!” 15#Mit 7.29; Ahe 11.27Nave Farao iiwalle, aheeseesa wi amwiiphe Mose koma aathawawo aya akhalla o ellapo ya Midiyani.
Ari wenko, nllapo nimodda aakeraatthi vakhuviru ni ehime. 16Nave anamwani aatthiyana atthanu ni eelli a Yetero, mullupa mukutho a o Midiyaninko yaawa wi erike maaddi wi yaddallihe mubwatoni oowiryellamo eziweto dda attiitthiiwa. 17Koma waaphiya abusa amodda ewiikara asinamwallaayo. Vano Mose aavenya aya aakavihera asinamwallaalle nave aaddiwiryiha eziweto ddiwa ddittheddenenndde. 18Asinamwallaalle ehokollweelle wa attiitthiiwa#2.18 attiitthiiwa: Mu evesi yeella mu Eheberi mookhalla nnddina nimodda na Yetero nawi Reuele. yahaakoha wi, “Ethiyo ddiworeyille mwawiidde ollello wi muweewo mwawaakuva ddiidda?”
19Alliwaalle yahaakhulla wi, “Muiguputo mmodda sika anooponlle wa abusa nave aanirikella maaddi addiwiryiha ddittheddenenndda.”
20Sika attiitthiiwaayo yahaakoha wi, “Vano olliyooyo ari wuuwi? Ethiyo kaambiiwa tini mumuhiyalleenyu wenko muthu yooyo? Khaweni mwamwiithane ache weewuno.”
21Sika Mose ahaakhullella okhalla wenko nave Yetero#2.21 Yetero: Onani 2.18. aamuvaha Mosooyo mwanaye, Zipora wi akhalle mwaariye. 22Zipora aamuyara mwaana aamullopwana. Vano Mose aallota wi, “Mi tti mulleto mwiillaponi yeelleto,” Sika aamuvaha mwaanooyo nnddina nawi Gereshomo.#2.22 Gereshomo: Nnddina nenna niniiweya wonanko na Eheberi nno ninattaphullella mulleto.
23Viviralle enthawi yoorekama wunchichi mwene a o Iguputoolle aakhwa. Nave Aisraelaalle yaavirellella winlla ekaamba ya okaporwiiwoolle nave yaakhuwa wi ekaviheriwe, sika okhuwa wiwa wahiiweya wa Mulluku. 24#Gen 15.13,14Mulluku ahiiwa okhuwa wiwanko nave ahuupuwella echipanganwaaye apanganilleeye ni Abrahamu, Isaki ni Yakobo. 25Sika Mulluku aawoona Aisraelaayo nave aamoriwa ethakaraka.#2.25 aamoriwa ethakaraka: Ottaphullella wakhalle omodda: aadduupullulla yeekhaaye wa alliwaayo.
Currently Selected:
Eksodo 2: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
