Levitiko 16
16
Nllapo noopepesella machimo
1Apwiya yaallota ni Mose vatulli va okhwa wa anamwani eelli a Aroni ayo yiiphiwe ekaamba yoowaatamella Apwiya moohiphwanellella. 2#Ahe 6.19Apwiya yaallota ni Mose wi, “Omulleelle mwanamunno Aroni wi ahivolloweke erive enthawi onipuroni naweellesesa ntthella na ekatani vamiitthoni va yookhuneella ya nibokosi na echipangano wi ahikhwe kaambiiwa miyaano kineerekewooneyella m'muraponi vaddullu va yookhuneelleeyo. 3#Ahe 9.7Koma Aronooyo avolloweke mu nipuro naweellesesanno amukusalle musaana a nankhoro a eng'ombe wi akhalle mukutho woopepesella machimo ni nankhoro a enkhosa wi akhalle mukutho wooshellelliha. 4Awareke mukanjo, kabudula, laamba ni enduwira ddabafuta. Ddenndda tti ddoowara ddoopatuleya. Awareke ddenndda ahapille. 5Aroni aakuseke anankhoro a epuri eelli ovenyera wa Aisraele attheene wi ddikhalle mukutho woopepesella machimo nave nankhoro enkhosa emodda wi ekhalle mukutho wooshellelliha.
6“Aroni amuheraatthi nankhoro a eng'ombe mmodda wi ekhalle mukutho woopepesella machimwaaye wi eere mutetho woopepesella machimwaaye ni machimo a nibanja naye. 7Vano akuse epuri piillinndde nave aweena vamiitthoni va Apwiya va mullako wa musasa wamutthukumano. 8Vaavo Aroni oombese va epuri piillinnddo wi emodda ekhalle ya Apwiya nave emodda ekhalle ya Azazele.#16.8 Azazele: Ottaphullella wa mawu yaalla mu Eheberi khonadduwanyeya phaama; ttuukhalla nnddina na munepa woonanara wa mu echipululu. 9Nave Aroni aheraatthi epuri eyo eri ya Apwiya wi ekhalle mukutho woopepesella machimo. 10Koma epuri eyo eri ya Azazele eweena wa Apwiya eri mukumi wi eere mutetho woopepesella machimo va epureeyo nave eyiikarelle ochipululuni wa Azazele.”
11“Aroni aweena nankhoro a eng'ombe emodda wi ekhalle mukutho woopepesella machimwaaye wi eere mutetho woopepesella machimwaaye ni machimo a nibanja naye. Vano ayiiphe eng'ombeeyo wi ekhalle mukutho woopepesella machimwaaye. 12Eeddiiddo akuse yoothuwihella mwiisi yooddalla ni mankhalla amunllo oovenyera vanikuwani na Apwiya, avahulle matta meelli a lubani* oosillasilla nave avollowena ntthella na ekatani. 13Vano ahellemo lubaninno vamiitthoni va Apwiya wi mwiisi wa lubaninno okhuneelle yookhuneella ya nibokosi na echipangano wi ahikhwe. 14Vatulli viwa akuse nikhame nimodda na eng'ombeeyo, amidde ni eyaallaaye va yookhuneella ya nibokosi na echipangano embali ya wookhuma nndduwa. Navettho amidde nikhame otthanu ni opiilli ni eyaallaaye vatthi vahoollo va yookhuneelleeyo.
15 #
Ahe 9.12
“Vano Aroni iiphe epuri ya mukutho woopepesella machimo a athu. Nikhame niwa avollowena ntthella na ekatani nave eerena wonanko mmo erelleeyena nikhame na eng'ombe, voomiddani va yookhuneelleeyo ni vatthi vahoollo va yookhuneelleeyo. 16Eeddiiddo sika oheera mutetho woopepesella nipuro naweellesesa ekaamba ya oripihiwa wa Aisraele, ohiiwellella wiwa nave machimwiiwa mattheene. Eere emoddamoddave yeeyo ni mapuro mamodda mattheene a musasa wamutthukumano wookhalla variyari va machimwiiwa. 17Muhikhalle muthu naari mmodda m'musasani wamutthukumanooyo Aroni aavollowakamo weera mutetho woopepesella nipuro naweellesesa. Muhikhalle muthu ophiyera amallihalle weera mutetho woopepesella machimwaaye, a nibanja naye ni a Aisraele attheene. 18Vano akhuma Aronooyo aye onikuwani nno niri vamiitthoni va Apwiya wi eere mutetho woopepesella nikuwanno. Akuse nikhame nimodda na nankhoro a eng'ombe navettho nikhame na epuri wi amare va nirive nnyaka na nikuwanno. 19Amidde nikhame nimodda vaddullu va nikuwanno ni eyaallaaye otthanu ni opiilli wi anipatule ni oneelliha voovenyihani oripihiwa wa Aisraele.”
Epuri yooreya machimo
20“Amalliha weera mutetho woopepesella nipuro naweellesesa, mapuro mamodda a musasa wamutthukumano ni nikuwa, Aroni, mullupa mukuthooyo aweena epuri ekumi wa Apwiya. 21Vano Aroni atthinddaanyere mattaaye va muru va epureeyo nave aawululelle va epureeyo oripihiwa wa Aisraele, ohiiwellella wiwa nave machimwiiwa mattheene. Machimwaayo aahiye va muru va epureeyo nave muthu yamutthonlliiwa evallallella ayiikarihelle epureeyo ochipululuni. 22Epureeyo yiireye machimwiiwa mattheene nave eyeekena ochipululuni. Muthooyo ayihiya epureeyo wi eye ochipululuni, 23#Ezk 44.19Aroni avollowe mu musasa wamutthukumano, arulle ddoowara ddabafuta nnddo addiwarilleeye voovollowani mu nipuro naweellesesanne nave addihiye mwemmo. 24Ahape onipuroni noopatuleya nave aware ddoowara ddaye, akhume wi aheraatthi mukuthwaaye wooshellelliha navettho mukutho wooshellelliha wa athu amodda. Eeddiiddo sika wi oheera mutetho woopepesella machimwaaye ni a athu amodda. 25Makhura a enama ya mukutho woopepesella machimo aashellellihe vanikuwani. 26Vano muthu iikarihelle epuri wa Azazeloolle, achape ddoowara ddaye nave ahape, vatulli viwa avollowe omisasani. 27#Ahe 13.11Eng'ombe ni epuri ddoovelleellella mukutho woopepesella machimoolle, nndde nikhame niwa awiilleeyena wi eerelle mutetho woopepesella nipuro naweellesesa, addikhumihelle otte wa misasa. Ashellellihe mattapariiwa, enama ddiwa ni marupwiiwa. 28Muthu oyo anaaddishellellihe, achape ddoowara ddaye nave ahape, vano vatulli viwa avollowe omisasani.”
Weera mutetho woopepesella machimo
29 #
Lev 23.26-32; Num 29.7-11 “Nenno nikhalle lamulo nanyu na wa enthawi yoohimalla wi mweeri waneetthanu ni piilli, va nllapo naneekhumi na mweeri, muhalleke ocha nave muhiphareke orive mutteko, nyu Aisraele navettho mulleto ookhalla variyari vanyu. 30Vallethi nllapo nenno vineerokhalla mutetho woopepesella machimwaanyu wi machimwaanyu mattheene evenyihiwe. Sika muneerokhalla aweella vamiitthoni va Apwiya. 31Nenna ninaakhalle nllapo nanyu nawiithuuwa wonanko na Sabata nave muhalle ocha. Nenna nikhalle lamulo nanyu na enthawi yoohimalla. 32Mullupa mukutho oyo azoziwe ellihiwa wi akhalle mullupa muullupalli munipuroni na attiitthinnya sika anaaweere mutetho woopepesella machimo, awanre ddoowara ddabafuta ddoopatuleya. 33Eere mutetho woopepesella nipuro naweellesesa, mapuro mamodda a musasa wamutthukumano, nikuwa, allupa mukutho akhwaaye ni athu attheene. 34Nenno nikhalle lamulo nanyu na enthawi yoohimalla wi mweereke mutetho woopepesella machimo mattheene a Aisraele omodda vamuyakhani.”
Vano Mose#16.34 Mose: apaalle Aroni. aheera moollikana ni mmo Apwiya yamulamulalliiwa.
Currently Selected:
Levitiko 16: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Levitiko 16
16
Nllapo noopepesella machimo
1Apwiya yaallota ni Mose vatulli va okhwa wa anamwani eelli a Aroni ayo yiiphiwe ekaamba yoowaatamella Apwiya moohiphwanellella. 2#Ahe 6.19Apwiya yaallota ni Mose wi, “Omulleelle mwanamunno Aroni wi ahivolloweke erive enthawi onipuroni naweellesesa ntthella na ekatani vamiitthoni va yookhuneella ya nibokosi na echipangano wi ahikhwe kaambiiwa miyaano kineerekewooneyella m'muraponi vaddullu va yookhuneelleeyo. 3#Ahe 9.7Koma Aronooyo avolloweke mu nipuro naweellesesanno amukusalle musaana a nankhoro a eng'ombe wi akhalle mukutho woopepesella machimo ni nankhoro a enkhosa wi akhalle mukutho wooshellelliha. 4Awareke mukanjo, kabudula, laamba ni enduwira ddabafuta. Ddenndda tti ddoowara ddoopatuleya. Awareke ddenndda ahapille. 5Aroni aakuseke anankhoro a epuri eelli ovenyera wa Aisraele attheene wi ddikhalle mukutho woopepesella machimo nave nankhoro enkhosa emodda wi ekhalle mukutho wooshellelliha.
6“Aroni amuheraatthi nankhoro a eng'ombe mmodda wi ekhalle mukutho woopepesella machimwaaye wi eere mutetho woopepesella machimwaaye ni machimo a nibanja naye. 7Vano akuse epuri piillinndde nave aweena vamiitthoni va Apwiya va mullako wa musasa wamutthukumano. 8Vaavo Aroni oombese va epuri piillinnddo wi emodda ekhalle ya Apwiya nave emodda ekhalle ya Azazele.#16.8 Azazele: Ottaphullella wa mawu yaalla mu Eheberi khonadduwanyeya phaama; ttuukhalla nnddina na munepa woonanara wa mu echipululu. 9Nave Aroni aheraatthi epuri eyo eri ya Apwiya wi ekhalle mukutho woopepesella machimo. 10Koma epuri eyo eri ya Azazele eweena wa Apwiya eri mukumi wi eere mutetho woopepesella machimo va epureeyo nave eyiikarelle ochipululuni wa Azazele.”
11“Aroni aweena nankhoro a eng'ombe emodda wi ekhalle mukutho woopepesella machimwaaye wi eere mutetho woopepesella machimwaaye ni machimo a nibanja naye. Vano ayiiphe eng'ombeeyo wi ekhalle mukutho woopepesella machimwaaye. 12Eeddiiddo akuse yoothuwihella mwiisi yooddalla ni mankhalla amunllo oovenyera vanikuwani na Apwiya, avahulle matta meelli a lubani* oosillasilla nave avollowena ntthella na ekatani. 13Vano ahellemo lubaninno vamiitthoni va Apwiya wi mwiisi wa lubaninno okhuneelle yookhuneella ya nibokosi na echipangano wi ahikhwe. 14Vatulli viwa akuse nikhame nimodda na eng'ombeeyo, amidde ni eyaallaaye va yookhuneella ya nibokosi na echipangano embali ya wookhuma nndduwa. Navettho amidde nikhame otthanu ni opiilli ni eyaallaaye vatthi vahoollo va yookhuneelleeyo.
15 #
Ahe 9.12
“Vano Aroni iiphe epuri ya mukutho woopepesella machimo a athu. Nikhame niwa avollowena ntthella na ekatani nave eerena wonanko mmo erelleeyena nikhame na eng'ombe, voomiddani va yookhuneelleeyo ni vatthi vahoollo va yookhuneelleeyo. 16Eeddiiddo sika oheera mutetho woopepesella nipuro naweellesesa ekaamba ya oripihiwa wa Aisraele, ohiiwellella wiwa nave machimwiiwa mattheene. Eere emoddamoddave yeeyo ni mapuro mamodda mattheene a musasa wamutthukumano wookhalla variyari va machimwiiwa. 17Muhikhalle muthu naari mmodda m'musasani wamutthukumanooyo Aroni aavollowakamo weera mutetho woopepesella nipuro naweellesesa. Muhikhalle muthu ophiyera amallihalle weera mutetho woopepesella machimwaaye, a nibanja naye ni a Aisraele attheene. 18Vano akhuma Aronooyo aye onikuwani nno niri vamiitthoni va Apwiya wi eere mutetho woopepesella nikuwanno. Akuse nikhame nimodda na nankhoro a eng'ombe navettho nikhame na epuri wi amare va nirive nnyaka na nikuwanno. 19Amidde nikhame nimodda vaddullu va nikuwanno ni eyaallaaye otthanu ni opiilli wi anipatule ni oneelliha voovenyihani oripihiwa wa Aisraele.”
Epuri yooreya machimo
20“Amalliha weera mutetho woopepesella nipuro naweellesesa, mapuro mamodda a musasa wamutthukumano ni nikuwa, Aroni, mullupa mukuthooyo aweena epuri ekumi wa Apwiya. 21Vano Aroni atthinddaanyere mattaaye va muru va epureeyo nave aawululelle va epureeyo oripihiwa wa Aisraele, ohiiwellella wiwa nave machimwiiwa mattheene. Machimwaayo aahiye va muru va epureeyo nave muthu yamutthonlliiwa evallallella ayiikarihelle epureeyo ochipululuni. 22Epureeyo yiireye machimwiiwa mattheene nave eyeekena ochipululuni. Muthooyo ayihiya epureeyo wi eye ochipululuni, 23#Ezk 44.19Aroni avollowe mu musasa wamutthukumano, arulle ddoowara ddabafuta nnddo addiwarilleeye voovollowani mu nipuro naweellesesanne nave addihiye mwemmo. 24Ahape onipuroni noopatuleya nave aware ddoowara ddaye, akhume wi aheraatthi mukuthwaaye wooshellelliha navettho mukutho wooshellelliha wa athu amodda. Eeddiiddo sika wi oheera mutetho woopepesella machimwaaye ni a athu amodda. 25Makhura a enama ya mukutho woopepesella machimo aashellellihe vanikuwani. 26Vano muthu iikarihelle epuri wa Azazeloolle, achape ddoowara ddaye nave ahape, vatulli viwa avollowe omisasani. 27#Ahe 13.11Eng'ombe ni epuri ddoovelleellella mukutho woopepesella machimoolle, nndde nikhame niwa awiilleeyena wi eerelle mutetho woopepesella nipuro naweellesesa, addikhumihelle otte wa misasa. Ashellellihe mattapariiwa, enama ddiwa ni marupwiiwa. 28Muthu oyo anaaddishellellihe, achape ddoowara ddaye nave ahape, vano vatulli viwa avollowe omisasani.”
Weera mutetho woopepesella machimo
29 #
Lev 23.26-32; Num 29.7-11 “Nenno nikhalle lamulo nanyu na wa enthawi yoohimalla wi mweeri waneetthanu ni piilli, va nllapo naneekhumi na mweeri, muhalleke ocha nave muhiphareke orive mutteko, nyu Aisraele navettho mulleto ookhalla variyari vanyu. 30Vallethi nllapo nenno vineerokhalla mutetho woopepesella machimwaanyu wi machimwaanyu mattheene evenyihiwe. Sika muneerokhalla aweella vamiitthoni va Apwiya. 31Nenna ninaakhalle nllapo nanyu nawiithuuwa wonanko na Sabata nave muhalle ocha. Nenna nikhalle lamulo nanyu na enthawi yoohimalla. 32Mullupa mukutho oyo azoziwe ellihiwa wi akhalle mullupa muullupalli munipuroni na attiitthinnya sika anaaweere mutetho woopepesella machimo, awanre ddoowara ddabafuta ddoopatuleya. 33Eere mutetho woopepesella nipuro naweellesesa, mapuro mamodda a musasa wamutthukumano, nikuwa, allupa mukutho akhwaaye ni athu attheene. 34Nenno nikhalle lamulo nanyu na enthawi yoohimalla wi mweereke mutetho woopepesella machimo mattheene a Aisraele omodda vamuyakhani.”
Vano Mose#16.34 Mose: apaalle Aroni. aheera moollikana ni mmo Apwiya yamulamulalliiwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.