Kufuma 11
11
1Mzuri akamburra Musa, Bigho limwe ninemuetie Farao na Misri; ikuade enemng’ola uko: ekimshigha, kukinya pia enemkinya uko. 2Utete masikioni ha wandu, waende mundu ose hena walatya wakwe, na mche ose hena walatya wakwe, vindu vya fetha, na vindu vya thahabu. 3Mzuri akawainga wandu luisejo mesoni ha Wamisri. Akaoka mundu uu Musa eokie mbaha muno ghati ya isanga la Misri, mesoni hawo wazoro wa Farao, na mesoni ha wandu. 4Akaghamba Musa, Ni huwo eteta Mzuri, Kio ghati ninefuma ghati ya Misri, 5Enefwa mundu ose wa mbele ghati ya isanga la Misri, wa mbele wa Farao, eikee kichumbini hakwe, mtano wa mbele wa mzoro wa kiche nyuma ya mabwe ma kushaghia; na wa mbele ose wa nyama. 6Kineoka kiiyo kibaha ghati ya isanga lose la Misri, sandu tekiokie kuwoka kwakwe, nete ikuade. 7Kake wanga ya mwe wa waana wa Israeli nguro teineosha lumi lukari, wanga ya mundu, nete wanga ya nyama: mutisiwe ti Mzuri etwarija ghati ya Misri na Israeli. 8Weneniseiya wazoro wako wose awa, weneniguia, kughamba, Ufume we na wandu wose maghnuni hako: ikuade ninefuma. Akafuma hakwe Farao hena oro yaaka,
9Mzuri akamburra Musa, Tenemusikia Farao: marighio mangu manete ghati ya isanga la Misri. 10Musa na Harun wakareha marighio ama mose msongorana wa Farao: Mzuri akamgera kudinda ngoroni hakwe Farao, nete tewashighie waana wa Israeli wafume ghati ya isanga lakwe.
Currently Selected:
Kufuma 11: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
