Kufuma 31
31
1Mzuri akamburra Musa, ekiteta. 2Yoa, namwitanga hena izina Bezalel mwana wakwe Uri, mwana wa Hur, wa mbare ya Yuda; 3Na namwizuja na ngoma ya Izuwa, hena kucha, na hena kutwarija, na hena kutisiwa, na hena mbare jose ja ndima, 4Hena kuareha ndima ja ng’eno, ndima ya thahabu, na ya fetha, na ya usango. 5Na hena kusongoa mabwe, na kumawika, na hena kusongoa miti, na kuhira ndima ja mbare jose. 6Nami, yoa naaghanya hamwe naye Oholiabi, mwana wakwe Ahisamaki, wa mbare ya Dan: na ngoroni ha wose wechee nagera kucha, nesa waviarehe vyose nikuaghanyie: 7Hema@ya mawunganyiko, na sanduku la luwondjo, na kiikaiyo cha lusario kioho wanga yakwe, na via vyose vya hema, 8Na meza na via vyakwe, na kinara kizerre na via vyakwe vyose, na kisiko cha mafukijo, 9Na kisiko cha itasi la kushota, na via vyakwe vyose, na birika na iwoko lakwe. 10Na nguo ja kutumika, na nguo jishenete hena Harun mkohani, na nguo hena waana wakwe, kutumika hena wukohani. 11Na mafuta ma kugera, na mafukijo ma mbungo j@di hena heshenete: hena vyose nakuaghanya weneketa.
12Mzuri akamburra Musa, ekiteta. 13Teta na waana wa Israeli, ukiteta, kididi mimejigura Sabato jangu: amu nilu luwano ghati yangu na unywi hena marika menyu: mutisiwe ti nimi Mzuri emushenetija. 14Amu ii munegura sabato, amu yasheneta henyu: ose einyamara kufwa enefwa: amu ose eihiria ndima, ngoro ila inechika ghati ya wandu wakwe. 15Misi mitandatu ndima ihirwe: kake wa kafungate sabato ya lusowoko, usheneto hena Mzuri: ose ehira ndima musi wa sabato, kukomwa enekomwa. 16Amu ii waana wa Israeli wenegura sabato, kuyoa sabato ghati ya marika mawo, hena aghano la tendarasi. 17Nilu luwano ghati yangu na waana wa Israeli tendarasi: amu hena misi mitandatu Mzuri earehie wanga na si, na musi wa kafungate akasowoka, akadindijwa.
18Akamwinga Musa, ekinaidiwe kuteta naye wanga ya nduwi Sinai, maboho meri ma luwonyo, maboho ma mabwe, metamiwe na kichaa cha Izuwa.
Currently Selected:
Kufuma 31: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
