Yohana 15
15
1Mi ni mzabibu wa kididi, na Apa wangu ni mwima.
2Mbagha ila hangu isigera, eing’ola, na ila igera, airawuya, inete kugera.
3Ngeriaha unwi mwokie mzerre hena kiteto kila nimburrie.
4Ikaeni hangu, nami henyu. Sandu mbagha tuidima kugera mwenye usiikee ghati ya mzabibu, na huwo unwi msiikee hangu.
5Mi nimi mzabibu, unwi mibagha; ula aikaa hangu, nami hakwe, uu egera muno, amu esioho mi tomuidima kuareha kiteto.
6Esiikaa hangu, etaghwa some, sandu mbagha, eomie, wewunganya, waitagha motoni, mashe.
7Mkiikaa hangu, navyo niviteta viikaa henyu, kundeni mkundie, mneingwa.
8Huwo Apa wangu aguriwa nganyi, mgere ndunda nyingi, huwo mneoka waanaloshwa wangu.
9Sandu enikundie Apa, nami namkundie unwi, muikae ghati ya lukundo lwangu.
10Mkivigura viteto vyangu, mneikaa ghati ya lukundo lwangu, sandu mi nivigurie viteto vya Apa wangu, naikaa ghati ya lukundo lwakwe.
11Ama nimburrie, kuizihirwa kwangu kuikae henyu na kuizihirwa kwenyu kufike.
12Niyo kiteto changu, mkundane, sandu nimkundie unwi.
13Tehena eneta kukunda kukela aushiga moo wakwe hena elwa wambuyae wakwe.
14Unwi wambuyae wangu, mkiareha vindu nimburre.
15Simwitangawa wazoro, amu mzoro tetisiwa kindu eareha bwana wakwe; namteta wambuyaa, amu vyose nivisikie hakwe Apa wangu namtisiwija unwi.
16Unwi tomnisawurrie mi, kake mi nimsawurrie unwi, nikamburra mtonge mgere, na ndunda jenyu jiikae, na vindu mvikundie hena na izina langu, mwingiwe naye.
17Ama nimtetie, mkundane.
18Masanga mekimsua, tisiweni ni menisuie mi kuwoka kwenyu.
19Mkioka wa masanga, masanga memkundie wakwe, amu unwi si wa masanga, kake mi nimsawurrie ghati ya masanga, amu ii masanga memsua.
20Kumbukeni kiteto mimburrie; mzoro si mbaha kukela bwana wakwe. Idje wenikinya mi, wenemkinya na unwi, idje wekigure kiteto changu, wenekigura na chenyu.
21Kake ama mose wenemwarehia hena elwa izina langu amu tewemtisiwe ula eniingije.
22Idje sizie niteta nawo, idje teweokie na kutekwa, ngeriaha tewena kiteto cha kukuvisa kutekwa kwawo.
23Enisuie mi amsua na Apa wangu.
24Idje siarehie kwawo vindu esiviareha mundu ungi, idje teweokie na kutekwa; ngeriaha wewonie wakasua na mi na Apa wangu.
25Kake kifike kiteto kila kitamiwe ghati ya torati yawo, Wenisuie huwo.
26Kake eneikaze Mhoo, ula ninemwingijia ghati ya Apa, Ngoma ya kididi, ifuma ghati ya Apa, uu eneniwondjia mburi.
27Na unwiwa mnewondja mburi, amu to kuwoka mwokie hamwe nami.
Currently Selected:
Yohana 15: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
