Yohana 14
14
1Msiregije ngoro, mmwitikija Izuwa, mniitikije na mi.
2Ghati ya nyumba yakwe Apa wangu meoho maikaa mengi, idje sihuwo idje nimburrie, natonga nimwarehie handu.
3Nikitonga nimwarehie handu ninehunduka nimkaaje hangu, na handu nioho mi na unwi mwokeho.
4Na handu nihatonga mtisiwa na nzia mtisiwa.
5Akamburra Tomaso, Bwana, totutisiwa handu utonga; tuidimaze kuitisiwa nzia?
6Akamburra Isa, Mi niye nzia, na kididi, na moo, temzia mundu Apa, nde hena mi.
7Idje mnitisiwe mi idje mumtisiwe na Apa wangu, na to yoo mumtisiwa na mumbonie.
8Akamburra Filipo, Bwana, utuwondje Apa, na inetufika.
9Akamburra Isa, Misi ii mingi nioho henyu, na tonitisiwe, Filipo? Eniwona mi embonie Apa, utetaze, utuwondje Apa?
10Tuitikija ti mi ghati ya Apa na Apa ghati ya mi? Viteto namburra siviteta na mburi jangu tiki, naye Apa eikaa ghati ya mi aviareha vindu.
11Niitikijeni ti mi ghati ya Apa na Apa ghati ya mi; au niitikijeni hena vindu vyenye.
12Amin, amin, namburra, ula eniitikija, vindu niviareha, naye eneareha, na vibaha kukela ivi eneareha amu mi natonga hakwe Apa.
13Na vyose mnevikunda hena izina langu, nineviareha, Apa aguriwe nganyi ghati ya Mwana.
14Vyose mnevikunda hena izina langu, nineviareha.
15Mkinikunda, vigureni viteto vyangu.
16Nami ninemwomba Apa, naye enemwinga Mhoo ingi aikae henyu tendarasi.
17Ngoma ya kididi, mesiidima kukunda masanga, amu temembona nete tememtisiwa. Uswi mumtisiwa, amu eikaa henyu, eneoka ndeni henyu.
18Simshiga unwi wakiwa, ninemzia.
19Kutera hadongo masanga temeniwonawa, unwi mneniwona; amu nina moo mi, na unwi mneoka na moo.
20Musi ula mnetisiwa ti mi ghati ya Apa wangu, na unwi ghati ya mi, nami ghati ya unwi.
21Eokie navyo viteto vyangu, ekivigura, niye enikundie, na ula enikundie mi enekundwa na Apa wangu, na mi ninemkunda, ninekuwondjia hakwe.
22Akamburra Yuda, (Siye Iscariota) Bwana, ineokaze unekuwondja hena hetu na si hena masanga?
23Akatalwa Isa akamburra, Mundu ekinikunda enekigura kiteto changu, na Apa wangu enemkunda, tuneza hakwe, tuneareha kuikaa kwetu hakwe.
24Esinikunda tevigure viteto vyangu, na kiteto nikiteta si changu mi, nde chakwe eniingije, Apa.
25Nateta ama nikiikaa henyu.
26Naye Mhoo, Ngoma Yedi, ula Apa enemwingija na izina langu, ula enemlosha vyose, na enemkumbusha vyose nimburrie.
27Luworo namshigia, luworo lwangu namwinga, si sandu masanga meng’ola mi namng’olia, Msiregije ngoroni, kana msiondoke.
28Msikie sandu nimburrie, Natonga na nahunduka henyu. Idje mnikundie idje mwizihirwe, amu namtongia Apa, amu Apa mbaha kukela mi.
29Na ngeriaha nimburrie kuwoka, na inekaoke mbone kuitikija.
30Simtetiewa muno, amu mbaha wa masanga ama aza, na tehena kiteto hangu.
31Kake masanga mewone kutisiwa ti nimkundie Apa, na sandu Apa enitetie, huwo niareha. Wukeni, tugure nzia.
Currently Selected:
Yohana 14: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
