Yohana 5
5
1Kutera ama itasi la Wayahudi, Isa akakwea mtano Yerusalemi.
2Ioho ghati ya Yerusalem hena magonji idingirri, itangwa Kiebrania Bethesda, ina mbenge sano.
3Uko wakaikaa matorano mengi ma wandu wewadjua, webajikameso, wemawu, wedusuke, wekiinda mbombe isherukie.
4Amu malaika esea misi yakwe ghati ya idingirri, akaisherusha mbombe. Naye esea kuwoka kutera ya kusherukia mbombe akawona zinya ghati ya ndwari yakwe yo yose.
5Heokie na mundu uko eokie na ndwari miaka makumi matatu na minane.
6Isa ekimbona eyejwe, akatisiwa ti misi yafika mingi, akamburra, Ukundie kuhoa?
7Akamtalwa ewadjua, Bwana, sina mundu, mbombe ikisherukia, aniviritie hena idingirri, kake nikioka ghati ya kuza mi, ungi esea kuwoka hangu.
8Akamburra Isa, Wuka, ushije iseto lako, utonge.
9Chwii ila akahoa mundu ula, akaushija iseto lakwe, akatonga, Niwo wa Sabato musi ula.
10Wayahudi wakamburra ula ehoa, Sabato yoo: tekiwe ukuwushije iseto.
11Akawatalwa, Ula enihodja niye eniwurre, Kuurishije iseto lako, utonge.
12Wakambujanya, Niani ekuwurra, Ukushije iseto lako, utonge.
13Naye ehoa temtisiwe niani, amu Isa awetia, wandu wehoho weokie wengi.
14Kutera Isa akambona ghati ya hekalu, akamburra, Yoa, wahoa, usitekwewa kiokie kiwiwi kisikuwone.
15Mundu ula akafuma, akawawurra Wayahudi ti Isa niye emhodja.
16Huwo Wayahudi wakamratera Isa, wakakunda kumkoma, amu ameareha ama musi wa Sabato.
17Isa akawawurra, Apa wangu ehira ndima mtano yoo, nami nihira.
18Huwo Wayahudi wakaneta kukunda kumkoma, amu teibaie Sabato tiki, kake akamteta Izuwa wawee wakwe, akakuosha kuringana na Izuwa.
19Akatalwa Isa, akawawurra, Amin, amin, namburra, Mwana teidima kuteta kitetomwenye, nde kila ewona Apa eareha; amu vindu vyose eareha ye, ivi na Mwana eareha huwo.
20Amu Apa emkundie Mwana, embondja vyose eviareha, naye eneneta kumbondja vindu vibaha unwi mwone kurigiwa.
21Sandu Apa ewushie wefwie, ewaareha wehoho na moo, ni huwo na Mwana ewaareha na moo ewakundie.
22Nete na Wawee techilia mundu, kake emwinga Mwana uchili wose,
23Wose wemgurie Mwana nganyi sandu wemgurie Apa nganyi. Esimgurie Mwana nganyi temguria Apa nganyi emwingije.
24Amin, amin, namburra, ekisikia kiteto changu, ekimwitikija ula eniingija, ena moo wa tendarasi, nete teneingia ghati ya kuchiliwa, kake awetia ghati ya kufwa kuoka na moo.
25Amin, amin, Namburra, saa yaza na ngeriaha yoho, wefwie wenelisikia ighonda lakwe Mwana wa Izuwa, nawo wesikia weneoka na moo.
26Amu sandu Wawee ena moo hakwe, nihuwo amwinga Mwana kuoka na moo hakwe.
27Akamwinga zinya earehe na uchili, amu ni Mwana wa Adamu.
28Musirigiwa ama, saa yaza wose weoho hena mbira wenelisikia ighonda lakwe,
29Wenewuka, wala weareha vyedi hena kuwushwa kwa moo, nawo weareha viwiwi hena kuwushwa kwa uchili.
30Mi siidima kuteta kiteto mi mwenye. Sandu nisikiawo nachilia, na uchili wangu niyo una vyedi, amu sivienda nivikundie mi, nde evikundie eniingije.
31Nikikuwondjie mburi mwenye, mburi wangu sio wa kididi.
32Ungi ula eniwondjia mburi; natisiwa ti mburi eniwondjie nio wa kididi.
33Mwamwingijia Yohana, akawondja mburi ya kididi.
34Kake mi sikundie mburi yakwe mwana Adamu, namaghamba ama mwone unwi kukia.
35Ye eokie taa eyakie, ikalimika, makakunda hadongo kuizihirwa na changaji chakwe.
36Mi nina mburi mbaha kukela mburi ya Yohana, amu viareho niviingiwe na Apa nivifishe, viareho niviareha mi viniwondjia mburi ti Apa eniingije.
37Naye Apa eniingija niye eniwondjia mburi. Tomusikia ighonda lakwe pia, nete tomwambona mfwana.
38Nete tomna kiteto chakwe kikiikaa ndeni henyu, ikioka tomumwitikije ula emwingija.
39Endeni ghati ya matamo, amu mwawona unwi kuoka moo wa tendarasi, nama nimo meniwondjia mburi.
40Na tomukundie kunizia muwone kuoka na moo.
41Sikundie kuisiswa na wandu.
42Kake namtisiwe unwi, ti kumkunda Izuwa tomna ndeni henyu.
43Mi nizie na izina la Apa wangu, na tomukundie; ungi ekiza na izina lakwe mwenye, uu mnemkunda.
44Muwoneze unwi kuitikija, mkikunda kuisiswa, msikundie luisiso lwafuma hakwe Izuwa ye wa mwenye?
45Musighambe ti mi ninemulinganya hakwe Apa: eoho emulinganya, Musa, mwemung’endie.
46Amu idje mumwitikija Musa, idje mukiniitikija na mi, amu enitamie mi.
47Musiviitikije evitamie ye, muwoneze kuviitikija niviteta mi.
Currently Selected:
Yohana 5: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
