Yohana 9
9
1Ekivetia akawona mundu ebajikameso to kuwonwa.
2Wakambujanya waanaloshwa wakwe, wakateta, Rabbi, niani etekwie, uu kana wambona wakwe, awonwe ebajikameso.
3Akatalwa Isa, Uu tetekwie, kana wambona wakwe, kake ti vindu vya Izuwa viwonwe hakwe.
4Kiniwe kuareha vindu vyakwe eniingija, ikioka hemusi; kio kyaza esikaidima mundu kuhira.
5Nikioka ghati ya masanga, ni changaji cha masanga.
6Ekiteta ama akatufa mate, akaareha itondo na mate, akamwira meso ebajikameso na itondo.
7Akamburra, Tonga, uoje ghati ya idingirri la Siloam (amu ichi Eingijwa). Akatonga akaoja akahunduka ekiwona.
8Walatya wakwe, nawo wembonie kai ekioka mwomba, wakateta, Siye uu eikee ekiomba.
9Weingi wakateta, Niye; weingi, Efwanana naye: ye akateta, Nimi.
10Wakamburra, Meso mako mawonaze kuawija?
11Akatalwa akateta, Mundu eitangwa Isa akaareha itondo, akaniwira meso, akaniwurra, Tonga mtano idingirri la Siloam na uoje; nikatonga nikaoja nikawona.
12Wakamburra, Ehohi uu? Akateta, Sitisiwemi.
13Wakamwete hena Mafarisayo ula eokie kuwoka ebajika meso.
14Ukaoka musi wa Sabato ekinaarehe itondo Isa, akamjuwua meso.
15Wakambujanyawa Mafarisayo nikini awonaze. Akawawurra, Enigere itondo mesoni, nikaoja, nawona.
16Wakateta weingi wa Mafarisayo, Mundu uu si wa Izuwa, amu teigura Sabato. Weingi wakateta, Eidimaze mundu mwenye kutekwa kuareha maluano sa ama? Wakakughawa.
17Wakamburrawa Wayahudi ebajikameso, We umtetiaze, ti ekujuwua meso? Akateta, Niye nabii.
18Wayahudi tewaitikija ti eokie ebajikameso, akawona, mtano wakawaitanga wambona wakwe ula ewonie kuwona.
19Wakawabujanya, wakateta, Uu niye mwana wenyu, mumteta ti ewonwie ebajika meso? awonaze ngeriaha kuawija?
20Wakatalwa wambona wakwe, wakateta tumtisiwe uu ti niye mwana wetu na ti ewonwie ebajikameso.
21Ewonaze kuwona, totutisiwe, kana nani emjuue mesa, uswi totutisiwe: mundu mbaha uu; mbujanyeni, ang’ole mwenye mburi jakwe.
22Wakateta ama wambona wakwe, amu wakawaondoka Wayahudi. Amu musi ula weghambie Wayahudi ti ula emratera Masiya eneng’olwa ghati ya sunagogi.
23Amu ii wambona wakwe wakateta, Mundu mbaha uu, Mbujanjeni.
24Wakamwitanga keri mundu eokie ebajikameso, wakamburra, Mwisise Izuwa, tumtisiwe mundu uu ni mwenye kutekwa.
25Akatalwa uu, Ti mwenye kutekwa sitisiwemi, kiteko kimwe nakitisiwa ti nikioka ebajika meso, nawona.
26Wakamburrawa, Ekuareheze? ekujuueze meso?
27Akatalwa, Namburra ngeriahaichi na tomusikia, nikiniwa mkundie kusikia? Na unwi mkunda kuoka waanaloshwa wakwe?
28Wakamrigha, wakateta, We mwanaloshwa wakwe, uswi waanaloshwa wakwe Musa.
29Tutisiwa ti na Musa etetie Izuwa, uu totumtisiwa eoho.
30Akatalwa mundu, akawawurra, Ii ni kuitalwa, ti unwi tomumtisiwe eoho, naye enijuuie meso.
31Tutisiwa ti Izuwa tewasikie wenye kutekwa, kake mundu ekioka emwondoka Izuwa, ekiviareha evikundie, uu emsikia.
32To kai teisikiwa ti mundu emjuua meso ewonwie ebajikameso.
33Idje teokie uu wa Izuwa idje teiidima kuareha kiteto.
34Wakatalwa wakamburra, Ghati ya kutekwa tiki uwonwie we, nawe utuelosha uswi? Wakamng’ola some.
35Akasikia Isa ti wemng’ola some, akamtorana, akamburra, Umwitikija Mwana wakwe Izuwa?
36Akatalwa uu, akateta, Niani, Bwana, nimwitikije?
37Akamburra Isa, Umbonie, naye eteta nawe niye.
38Akateta, Naitikija, Bwana, akamsemba.
39Akateta Isa, Hena uchili naza ghati ya masanga, ama, wesiwona wawone, na wewona weoke webajikameso.
40Wakamasikia ama Mafarisayo weoho naye, wakamburra, Na uswi tubajikameso?
41Akawawurra Isa, Idje muokie wabajikameso, idje tomokioka na kutekwa; ngeriaha muteta ti Tuwona, na kutekwa kwenyu tekuwushijiwa.
Currently Selected:
Yohana 9: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
