عاموس 6

اسرائيل ملڪ جي بربادي

1ويل آهي اوهان لاءِ، اي #6‏:1 صيئون يعني يروشلم شهر جيڪو يهوداہ ملڪ ۾ هو.صيئون وارؤ!

بلڪ ويل آهي اوهان لاءِ،

اي سامريہ جي جبلن تي آرام ۽ اطمينان سان رهڻ وارؤ!

هائو، اوهين جي پنهنجي ملڪ اسرائيل جا عظيم اڳواڻ آهيو،

۽ سڄي ملڪ وارا اوهان جا سلامي آهن.

2اوهين مغروريءَ سان چئو ٿا تہ

”ڪلنہ شهر تائين وڃي ڏسو،

۽ اتان وري وڏي شهر حمات ڏانهن وڃو.

پوءِ فلستيہ ۾ جات شهر ڏانهن لهي وڃو،

۽ ڏسو تہ اُهي اسان جي بادشاهت کان بهتر آهن ڇا؟

يا هنن جي سرحد اسان جي سرحد کان وڏي آهي ڇا؟“

3ائين چوڻ سان اوهين مصيبت جي ڏينهن کي نظرانداز ڪري

ظالم جي حڪمراني قائم ڪرڻ جو سبب ٿا بڻجو.

4اوهين عاج جي پلنگن تي ليٽندي

بلڪ پنهنجن طول وِهاڻن تي ٽيڪ ڏيئي

پنهنجي ڌڻن مان پسند جي گھيٽن

۽ ٿلهن متارن گابن جو گوشت کائو ٿا.

5اوهين سارنگيءَ جي سُر تي اجايو سجايو ڳايو ٿا،

۽ دائود وانگر ڳائڻ وڄائڻ جي سازن تي

پنهنجي لاءِ گيت ٺاهيو ٿا.

6اوهين وڏا وڏا پيالا ڀري مئي پيئو ٿا،

۽ پاڻ کي عمدا عطر لڳايو ٿا.

پر پنهنجي ملڪ اسرائيل تي اچڻ واري مصيبت کان

اوهين لاپرواہ آهيو.

7تنهنڪري هاڻي جلاوطن ٿيندڙن ۾ پهريان اوهين هوندا.

اهڙيءَ طرح اوهان جا عيش آرام ختم ٿي ويندا.

8 خداوند قادرِمطلق خدا، هائو، خداوند خدا پنهنجي ذات جو قسم کڻي ٿو فرمائي تہ

”آءٌ اسرائيل وارن جي وڏائيءَ کي ڌڪاريان ٿو،

۽ سندن محلاتن کان نفرت ٿو ڪريان.

تنهنڪري آءٌ سندن گاديءَ وارو شهر،

۽ جيڪي ڪجھہ منجھس آهي،

سو دشمنن جي حوالي ڪري ڇڏيندس.“

9بلڪ ٿيندو ائين جو جيڪڏهن ڪنهن گھر ۾ ڏهہ ماڻهو بہ انهيءَ مصيبت مان باقي بچي ويا هوندا تہ اُهي بہ مري ويندا. 10جڏهن مئل ماڻهوءَ جا ڪي مائٽ سندس لاش گھر مان کڻڻ لاءِ ايندا، تڏهن جيڪو گھر جي اندرين حصي ۾ مرڻ کان بچي ويل هوندو، تنهن کان پڇندا تہ ”ڪو ٻيو بہ تو سان گڏ آهي ڇا؟“ جڏهن ورندي ملندن تہ ”نہ،“ تڏهن کيس چوندا تہ ”خاموش رهجانءِ. خداوند جو نالو بہ نہ وٺجانءِ متان مصيبت وري موٽي اچي.“

11ڏسو، جڏهن خداوند حڪم ڏيندو تڏهن

وڏن وڏن گھرن ۾ ڦاٽ ۽ ننڍن گھرن ۾ ڏار پئجي ويندا،

اهڙيءَ طرح اهي سڀيئي برباد ڪيا ويندا.

12اي اسرائيل وارؤ!

ڀلا، ٽڪرن تي ڪو گھوڙا ڊوڙائي سگھي ٿو ڇا؟

يا ڪو ڍڳن سان سمنڊ تي هرُ ڪاهي سگھي ٿو ڇا؟

پر اوهان انصاف جهڙي مٺي شيءِ کي

ڦيرائي زهر ڪري ڇڏيو آهي،

بلڪ سچائيءَ جي ميوي کي ڦيرائي ٽُوهہ ڪري ڇڏيو اٿوَ.

13اوهين #6‏:13 لودبار هن نالي جو اچار عبراني ٻوليءَ جي ان لفظ جي اچار سان ملندڙ جلندڙ آهي جنهن جي معنيٰ آهي ”خسيس.“ لودبار شهر هٿ ڪرڻ تي بہ فخر ٿا ڪريو،

۽ ٻٽاڪ هڻندي چئو ٿا تہ ”اسان پنهنجي طاقت سان

# 6‏:13 ڪرنائيم عبراني ٻوليءَ ۾ هن لفظ جي معنيٰ آهي ”سِڱَ.“ ”سِڱُ“ مضبوطيءَ جو نشان آهي. ڪرنائيم شهر هٿ نہ ڪيو آهي ڇا؟“

14تنهنڪري خداوند قادرِمطلق خدا ٿو فرمائي تہ

”اي اسرائيل وارؤ!

ڏسو، آءٌ اوهان جي ملڪ تي قبضي ڪرڻ لاءِ

هڪ اهڙي قوم چاڙهي آڻيندس،

جيڪا اتر ۾ حمات جي لنگھہ کان وٺي

ڏکڻ ۾ بيابان واري برساتي نهر تائين

اوهان کي آزاريندي رهندي.“

Currently Selected:

عاموس 6: SB

Highlight

Copy

Compare

Want to have your highlights saved across all your devices? Sign up or sign in

Muslim Sindhi Bible © The Pakistan Bible Society, 2022

مقدس ڪلام توريت، زبور ۽ نبين جون ٻيو لکتون ۽ انجيل شريف

Bible text may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:

Scripture taken from the Holy Bible in Muslim Sindhi,

Learn More About Sindhi Bible FB