ŋɩru ŋun ŋapɩlo duwəjo 6
6
asa 6
liji lɩməṯɩnu lun liro kwoɽoṯəɽɩl
1na ŋwamon ŋweno gwune na calɩmis baḏaṯe, liju kworo lun laṯumə ŋuɽuna ŋeḏi ligrigi nalɩnuməḏəṯo ŋɩrəkwənəŋe elo lun liro lɩbrani, gi gwune linino lagin lɩmalɩnḏuḏe ganu ŋwamon ŋwun ŋwaṯɩlŋwuni ŋɩdio. 2na duwəjo dun diro di na gwuttən nalorniḏa calɩmis wei naleicɩno, ŋate ŋiŋir anouwɩrico ŋuɽuna ŋeḏi elo analmɩni ape ŋeḏi dunu no. 3ŋiro dino lɩmagəri, aŋəḏɩlo nyaməṯo ləmɩnyəŋe kwoɽoṯəɽɩl lun laṯɩleico liŋir, lun lenyeḏo gwuɽɩwə ganu gwun gwɩpiḏo pɽul na ḏilɩŋeḏa, iliḏəḏə ŋɩru ŋeno. 4namɩni anaŋa anadɩme ḏuməḏɩjo eloŋu na ŋɩru ŋe ŋeḏi ŋuɽun ŋeḏi elo. 5na liji wei əmɩnyi ŋuɽuna ŋeno, nalməṯo isṯapanusŋ gwiro gwiji gwun gwenyeḏo ḏɩməṯo na gwuɽɩwə ŋwun ŋwɩpido pɽul, na bɩlɩbus, na burukuro, na nikanur, na ṯimun, na barɩminas, na nigwulaus gweḏi anṯakia gwun gwuməṯi ŋuɽuna ŋeḏi liju. 6nalagwuloḏeṯa gi jei ganu jeḏi duwəjo, naluməḏɩjo eloŋu nalɩngele di elo.
7na ŋuɽun ŋeḏi elo baḏaṯe; na calɩmis utone gworki urucəlim, na lutu lun liro jɩsis naldiŋɩni nalməṯo.
liji lun lɩki ligwuləḏəṯi isṯapanusŋ kəcərio
8na isṯapanus gwenyeḏo ḏiŋiriḏa na ŋɩma, nuduji ŋɩdio ŋun ŋobeje liji ga ṯuṯ na ŋuɽun ŋun ŋɩbuḏo kɩlɩgi ganu geḏi liji. 9na liji kworo leḏi dunu gwete gweḏi elo gwun gwaṯɩleico dunu gweḏi lɩwainy lun lɩkədəḏɩnu ga, leḏi gerawan na leḏi akandria, na kworo leḏi kilikia na leḏi asia, naldiɽi nalwəwəiɽɩṯeijiḏi ŋuɽuna luŋa isṯapanusŋale. 10na late ləṯi ŋɩma laḏami dilɩŋeḏa na gwuɽɩwə gwun gwɩpiḏo pɽul gwun gwuməḏɩl gwe no. 11naluməḏɩjo liji kworo nyɩkwom kani alumə ŋɩwɩɽɩgala naleicɩno, andiŋɩnu gwuməḏi ḏɩḏenɩḏia ḏe, nuḏeni musaŋ na elo. 12naldiɽi liji, na lun luɽun na jalgaṯɩm nalwele lugwun nalməṯo nalgwuloḏeṯa kəcərio yun yɩbuḏo yeḏi liju. 13naldiɽo lun luŋidɩ lun larno, gwŋjɩ kweno ŋwaɩe gwatɩnouwɩrico ḏuməḏəṯo ḏɩkia gala keno gun gɩpiḏo pɽul na ŋuɽun ŋun ŋigelijɩlo elo musaŋ no. 14andiŋɩnu gwarno yecu kweno gweḏi nasɩra gwaki gala keno gwəbi ŋuɽuna ganu ŋun ŋuməḏɩjijɩlo musa. 15na wei lun lijo kəcərio yun yɩbuḏo yeḏi liju nanaŋalaḏe gworki, nalaŋu gi jei ganu nuro gi gwiji gweḏi kanyin.
Currently Selected:
ŋɩru ŋun ŋapɩlo duwəjo 6: OTR1966
Highlight
Share
Copy
Want to have your highlights saved across all your devices? Sign up or sign in
Nuba, Otoro New Testament
© British and Foreign Bible Society, 1966.
