Kenesis 18
18
1Im Iehōva yōmetūratumpeni pugi ra nūrū Mamre, polekū yumprokotesep ra nugon selat ra tent eni ra pōakas pōakas. 2Miyi yĭmelasah, ĭm pah mokes‐ōra ōveteme desel dūtūrū potipot iyi, ĭm pol sugkū iyi dūmokes‐ōra yĭmalō marugi nugon selat ra tent eni worevetĭt iranda; 3mō ĭm telasep iranda; mō menūwi memokū, Narisah enyx, nagkū kĭk umagkusi‐yx aremī, etūve maroko‐yx lĭvsx enugkĭk. 4Ya Kum nakīugi, aremī sī worevī ĭm pelum nū nĭsekomi mō mūrowugi mōwomi mō memendog ra mumpon nē. 5Im ya kampī ĭm pelum nugkon yōup woresitū ĭrami; penūri kĭmi kwampe popōwo ugi imō kĭmi kūvelum po yx lĭvsx enugkĭk. Mirora dūtamsi mūmokū, umpi sugkū kĭk onūwi.
6Im Ebraham yiveve ra tent pugi Sēra mō menūwi memokū, Vī ĭtnum fixer talug en desel, mumpi yōūp ĭm worūmon ugi nevat. 7Im Ebraham yĭmalō ra sĭmsĭmak mō ĭmpī ĭm pelum sī nĭtni kūrimatx aremī, mo movugi sī neviarep miyi yiworomon ĭtnum. 8Miyi yivī buter, ĭm dumponi, ĭm nĭtni kūrimatx mori yeti woromon, mō metipe ūnokorĭnda, miyi yitūrū potipot irora ra mumpon nē mori mirora dūoni.
9Mirora dūnūwi pugi mūmokū Yēi Sēra retepmi? 10Miyi yĭmtamsi memokū, Pah ūnesog tent. Miyi yōmenūwi memokū, Itnesog, ya kōmĭntorĭleki punok ra nĭmpugon mori, ĭm pah, Sēra retepmi ampī sī nĭtni. Im Sēra yorĭgi nam ra nugon selat ra tent mori yeti kitan.
11Im Ebraham ĭm Sēra dūti nūmpūmetūo; dūti nevi sū sikat iranda; memōwi sep woreti tovuni Sēra sugkū tovun‐ōra ovasiven; 12ĭm Sēra yesepen tufop ūnōwan memokū, yx numpūmetūo, ĭm ya konavos kū? Miyi narisah enyx numpūmetūo sugkū. 13Im Iehōva yōmenūwi pugi Ebraham memokū, Irantiē imō? Sēra yitu?-?fop memokū, Ya kampī nĭtni nĭmpugon yx numpūmetūo kū? 14Oti sī en tie sī nugkugko tovuni Iehōva worumpi kū? Ra nĭmpugon mori ya ōmampelum pug kĭk ĭm Sēra ampī sī nĭtni.
15Im Sēra yĭmenūaveni memokū, Eyi ya otū tufop, ĭt ĭyi yĭmtetugi. Kō iyi yōmenūwi memokū, Tawi, kĭk oko tufop.
16Mōveteme mori dūtūok mō mūlareki ra Sodom; ĭm Ebraham yive worovlūsenti irora ra selat. 17Im Iehōva yōmesepen enūwi memokū, Ya kantiumpeni marugi Ebraham imō mori ya kum magkū worumpi kū? 18ĭt iyi Ebraham antepū numpūn lō ra nūsian, mov mum?-?pūn lō sū ra nemap wanti nevī e ves ugi iyi. 19It ya kum magkili iyi, ma iyi onĭmpasiwokonda ōvun nĭtnĭme eni mirora mori ra mumpon nimō eni penūri iyi wafĭnte selat eni Iehōva worumpĭn tanepō ĭm worūrian ugi tanepō; ĭt Iehōva onekompeli sū nĭsekon Ebraham nam mori iyi yĭpmenūwi memokū ugi.
20Im Iehōva yōmenūwi memokū, Popōwo tugageri sah ra Sodom ĭm Komora oti tamas; ĭm popōwo pe satĭndi en irora oti tamas; 21ya īyep marima worokesi nagkū irora dūmumpi sugkū pe tugageri sah enĭmpe mori yisah po yx, ĭm nagkūn tawi ya kagkili. 22Mōveteme mori dūmūvoli nimĭnda marugi ima nūrū mō mūve ra Sodom; kō Ebraham yetūrū lap ūnĭpmi eni Iehōva.
23Im Ebraham yumpotipot mō menūwi memokū, Kik ontĭvavtĭti ōvun tanepō dal irora ōvetemĭndi kū? 24Nagkū wanti ōvun tanepō fĭfti ra ūntimne mori, kĭk ontĭvavtĭti pe ĭm tawi ampiēōwara nūrū popōwo ugi irora ōvun tanepō fĭfti enĭmpe kū? 25Ah! eti ĭsūt marug kĭk magkū worumpi sugkū, mantĭvavitĭti ōvun tanepō dal irora ōvetemĭndi; etū agkū sugkū; iyi Narisah nūrian ugo sū ra nemap onumpi ugin tanepō kū? 26Im Iehōva yōmenūwi memokū, Nagkū ya kagesi ra Sodom fĭfti ra ūntĭmne mori ya ontevaki nūrū omwi sū popōwo ugi irora.
27Im Ebraham yĭmtamsi memokū, Pah, ya kum magkū woram pugi Iehōva, yx mori navivon ĭm mugkebū wokon. 28Nagkū wanti forti‐fīv wokon ōvun tanepō, kĭk ontĭvavtĭti ūntĭmne omwi sū popōwo ugi fīv kū? Miyi yōmenūwi memokū, Nagkū ya kagesi forti‐fīv ya otū ontĭvavtĭti pe mori.
29Miyi yōmenūwi memokū, Nagkū kĭk agesi forti wokon? Miyi yōĭmtamsi memokū ya otū onumpi popōwo nĭsekonda forti.
30Miyi yōmenūwi memokū, Ah! Iehōva, etū arakī ĭm ya kōmanūwi, Nagkū kĭk agesi turti wokon enĭmpe? Miyi yōmenūwi memokū ya otū onumpi nagkū ya kagesi turti enĭmpe.
31Miyi yōmenūwi memokū, Pah! marima ya kum natekĭsah woram pugi Iehōva, Nagkū kĭk agesi twenti wokon iyūi? Miyi yōĭmtamsi memokū, Ya otū onumpi popōwo twenti. 32Miyi yōmenūwi memokū, Ah! Iehōva etū arakī ĭm ya kōmenūaveni, Nagkū kĭk agesi iyūi ten wokon? Miyi yōĭmtamsi memokū, Ya otū ontĭvavtĭti popōwo ugi irora ten.
33Im Iehōva yive pol sugkū ĭsuma nam eni pugi Ebraham, ĭm Ebraham yōĭmtorĭleki eniwi.
Currently Selected:
Kenesis 18: ERGOT
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.
