Kenesis 19
19
1Im dūrū ra irora ōvun agelō dūvelum ra Sodom pōarap; ĭm Lot yumprokotesep ra nokorĭn pūketampet Sodom; ĭm Lot yĭmokes‐ōra mo ĭmtūok worevetĭt iranda; miyi yitelasep, nipmi eni ra nemap. 2Miyi yenūwi memokū, Pah, ov Natemōnōk enyx, ya kum nakīugi, Uvelum ūnesog nimō enyx, yx lĭvsx enugkĭmi, ūtendōwi pūmrok mūrowugi nōwomi ĭm kimi kwamsora sah ra numti dan mō mampe. Mirora dūnūwi mūmokū, Eyin, tawi; kō ka ke lantĭndōwi ratilat ra selat alam.
3Miyi yĭmūren okeli nam ūnugunda, mirora dūmavan ugo mō mūve ūnesog nimō eni; miyi yumpi nōwi nĭsekonda; miroran dwoni.
4Im pol sugkū dūtūalē ōveteme ūntĭmne, ōveteme Sodom, ōveteme talam mov nalalx omwi sū dūmnē en irorawi mō mūvelum nagkx‐ugi nimō mori. 5Mirora dū?-?movrugi sah Lot mō mūnūwi pugi mūmokū, Yēi irora mori kūvelum ūnesog pug kĭk irē pūmrok? Tōr‐ōra ilat ūselat ma ka ke lagkil‐ōra.
6Im Lot yive ilat ūselat mō ĭm sumpat pūketampet kitan, 7mō menūwi pun‐ōra memokū, Ravūgsīeme, ūwi kĭmi menumpi sat sugkū imō, ya kum nesenug kūm. 8Pah, nĭtug en dūrū ĭtōvasiven umante mori dūtūkili nateman, ya kum magkū aremī yx mĭntōr‐ōra pug kūm; mō mumpi iranda sugkū kūmagkū ugi; kō ūtū wumpi sī en tie sī iranda ōveteme mori ūvelum ra mumpon nimō enyx, ĭt irora popōwo ugi imō ūvelum ra mumpon nimō enyx.
9Mirora dūtamsi mūmokū, Elum potipot; mirora dūnūwi mūmokū, Imō woragi ivē ūnesog worokote lap, ĭm marima iyi umnumpi nūrian ĭramam, ka kĭm lantipe nugkugko iram mōmū ra iranda; mirora dūmūvokareki Lot, mō mumpotipot worevelugi pūketampet.
10Mōveteme mori dūivan gi nokobĭnda mō ĭm‐pi ĭmpelum Lot ūnesog nimō tovun‐ōra mō ĭm sumpat pūketampet. 11Mirora mori dwumpi ōveteme nĭmtēi ra pūketampet ĭtevirok ĭm horog, mirora italiri worokesi pūketampet.
12Mōveteme mori dōmūnūwi pugi Lot mūmoku, Mē e mē enugkĭk umanti igko? Tōr‐ōra marugi imō nūrū, ov etemakesok, mōvun nĭtumo ĭtnateman mĭtnasiven, nomwisū enugkĭk ra ūntĭmne; 13it ka kūontĭvavtĭti imō nūrū popōwo tugageri sah en irora otepū tamas ūnĭpmi eni Iehōva; ĭm Iehōva osī ĭm tamūlo‐kam woretĭvavtĭti pe.
14Im Lot yive ilat memenūwi pun ōra ov etemakōsi mori dūmūtovrok‐onda ōvun nĭtnĭme eni memenūwi memokū, Utūok, ūve marugi imō nūrū, ĭt iyi Iehōva ontĭvavtĭti imō ūntĭmne; kō irora ov etemakesi eni dūmokū sugkū nagkū sĭpet nam eni.
15Nĭmpugon prūbokom ōvun nagelō dūtelieli Lot mūmokū, Etūok mōĭmpī retepmi mōv nĭtumo ĭtnasiven en dūrū enugkĭk mori igko, kū en tawi wanti netnok ra tampenĭgi imo ūntĭmne. 16Miyi yĭmrū mirora ōveteme dūlekavi nokoben eni retepon eni, ĭm nokobĭnda ōvun nĭtnĭme en dūrū eni, ĭt ĭyi Iehōva yitogesoveli ves iran mō mūtōr‐ōra ilat mō mūtipe ratilat ūntĭmne.
17Mō metepū pol sugkū dūtōr‐ōra ratilat, yenūwi memokū, Eve alō worumkĭkēōwara; etu alagkx; etūte lap ra nomolsep; ovugovag ra numpūo, kū en tawi kĭk anti netnok.
18Im Lot yōmenūwi pun ōra memokū, Ah! tawi sugkū, Narisah enyx. 19Pah, ya kum magkū kĭm umpelēves irag livsx enugkĭk; kimumpi togesoveli enugkĭk tamas worevi‐yxēōwara; tawi yx faneteme woralō ra numpūo, kū en tawi sat ampelum irag ĭm ya amas. 20Pah! imō nemōte potipot woralō yūi, nemōte ĭtevirok; ah tenĭmpe yx woreve yūi; pe mori ĭtevirok kū? ĭm naviat enyx amūrep.
21Miyi yōmenūwi pugi memokū, Pah, yx morug kĭk ugi imō sugkū, ya otū ontĭvavtĭti imō ūntĭmne ugi pe mori kĭk onūwi mokū ugi. 22Eve alō iyūi, ĭt yx tawi faneteme worumpi sī en tie sī afeli nĭmpugon kĭk ampe ūnesog mori. Popōwo pe sugkū yeti natov nin nemōte mori memokū Sōar.
23Nĭpmĭnĭn yetĭn tūok ra nemap pol sugkū Lot yĭmtorĭmpe ra Sōar. 24Im Iehōva yebĭb ran tan Sodom ĭm Komora gi narōkas ĭm nom mori yĭmnē ra Iehōva ūnpokop. 25Miyi yitĭvavtĭti ōvun tĭmne sū ĭm nūrū sū iyūi, mōv netevokontū sū ra ūntĭmne sū mori, ĭm tiame sū mori dūteli ra nemap. 26Im retepon eni Lot yūrĭntan, miyi yĭmelagkx kitan, mō metepū pĭlar netūkūs.
27Im Ebraham itūok ra numti dan ra nūrū iyūi yĭpme?-?tūrū ūnĭpmi eni Iehōva. 28Miyi yĭmelareki ra Sodom ĭm Komora ĭm mūrū sū iyūi memokesi, ĭm pah nūgunum ra nete nūrū sū yugan sah sugkū nūgunum ra nopōū.
29Mō metepū pol sugkū Nōbū yĭmnetĭvavtĭti ōvun tĭmne sū ra nūrū sū iyūi, iyi Nōbū yōmenen tĭme iran Ebraham mō ĭm tamūli Lot ratilat marugi navoret mori nĭmpugon iyi yĭmnetĭvavtĭti ūntĭmne sū i yūi Lot yĭmetĭndōwi.
30Im Lot yivesah yĭmnē ra Sōar mō metĭndōwi ra numpūo, mōv nĭtnĭmne ĭtnasiven en dūrū dal iyi, ĭt iyi yĭmtetugi woretĭndōwi ra Sōar; miyi yete ūneveli, iyi, mirora ōvun nĭtnĭme mori eni.
31Im nĭtni ĭtnetemefi yenūwi pugi ĭtevirok memokū, Itemen e kos numpūmetūo, ĭm tawĭ sī neteme ra nemap worevelum ūnesog pug kos sugkū irora umnumpi ra nemap, 32Elum, aremī kos kūonumpi ĭtemene kos woromoneki wīn, ĭm kos kūonalē dal worefĭnte novsen ugi ĭtemene kos.
33Mirora dūumpi ĭtemeda woromoneki wīn ima pūmrok, miyi ĭtnetemefi ivē ūnesog mō malē ūndū ĭtemen eni, miyi yetūkili ugi nĭmpugon iyi yalē kū itūok.
34Mō metepū rate‐mran, iyi ĭtnetemefi yenūwi pugi ĭtevirok memokū, Pah! ya kopmalē ninū pūmrok ūndū ĭtemen yx, aremī kos kūonumpi iyi woromoneki irē pūmrok sugkū ĭm kĭk ampe mō malē ūndū iyi worefīnte novsen ra ĭtemene kos. 35Mirora dūumpi ĭtemenda woromoneki wĭn ima pūmrok sugkū; miyi ĭtevirok itūok mō malē ūndū, miyi yetūkili nĭmpugon iyi yalē kū itūok.
36Mōv nĭtnĭme en dūrū eni Lot dūisar ugi ĭtemenda. 37Mĭtnetemefi yivī nĭtni mō matov nin eni mokū, Mōab; iyi yeti potnĭnda ōveteme Mōab mefeli ra imō dan. 38Miyi ĭtevirok yivī nĭtni mō matov nĭn eni memokū Beni‐ami; iyi mori oti potnĭnda en irora ōveteme Amon mefeli ra imō dan.
Currently Selected:
Kenesis 19: ERGOT
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.
