Kenesis 20
20
1Im Ebraham yĭmavan ĭm devsego nūrū iyūi empak mō morokoti ĭlebōteven Kēdĭs ĭm Sūr, miyi yĭmorokotewi ra Kirar. 2Im Ebraham yĭmenūwi ugi Sēra memokū, Iyi vĭvenug; ĭm Abĭmelek fan lō Kirar yĭmtamūli yōĭmpī ĭm pelum Sēra.
3Im Iehōva yivelum pugi Abĭmelek ugi nemĭviak pūmrok memenūwi pugi memokū, Pah! kĭk amas popōwo ugi nasiven mori ĭt iyi retepon eni sī neteme. 4Abĭmelek yetūmpotipot iran mori, miyi yenūwi memokū, Ah! 5Iehōva, kĭk ontī sī numpūn lō tanepō sugkō. Iyi yĭpmenūwi po yx memokū, Iyi vĭvenug! ĭm nasiven mori yenūwi memokū, Iyi avūgsī? Yx mumpi imō ugi ĭtnesog ra nōwag ĭm tanepō ra nokobug.
6Im Iehōva yōmenūwi pugi ugi nemĭviak eni memokū, Oo, ya kum magkili kĭmumpi imō ugi ĭtnesog ūnōwam ĭt yx morolug kĭk woretūve pugi. 7Marima efitorĭleki neteme mori retepon eni, ĭt iyi profet, miyi onesenug nĭsekom, ĭm kĭk amūrep; kō nagkū kotūm afitorileki iyi nasiven, okili, ĭtnesog kĭk amas; kĭk momwi sū enugkĭk.
8Im Abĭmelek yevsora ra numti dan mō mūvrokonda ōvun lĭvsx eni mō ĭm tampĭgi pun ōra imo sū mori; mōveteme dūmtetūgi tamas. 9Im Abĭmelek yovrugi Ebraham mō menūwi pugi memokū, Tiē imō kĭmumpi ĭramam? Tie yx malekcwi punok ma kĭk otipe satĭndi irag miranda lō enyx? Kĭmumpi numpūrah yetū aremī worumpi. 10Im Abĭmelek yōmenūwi pugi Ebraham nemokū, Tiē kimokesi kimokū worumpi imō?
11Im Ebraham yōĭmtamsi pugi memokū, It yx mokū ĭtnesog nĭmtetugi eni Iehōva tawi ra nūrū igko, mirora wontī yx popōwo ugi retĭg. 12Miyi vĭvenug, ĭt iyi nĭtni eni ĭtemen‐e‐yx, kō iyi tawi nĭtni eni dĭneme yx, ĭm yx menetovrugi iyi. 13Mō metepū pol sugkū Iehōva yĭpĭm?-?tamūli yx worōwi nimō eni ĭtemen yx, yx menūwi pugi memokū; kĭk onumpelēves irag ugi imō; ra nūrū sū mori ka kūampe, enūwi nam ugi yx magkū, Iyi avūgsī.
14Im Abĭmelek yivī ōvun pugipugi mōvun kūrimatx, mōveteme mōvasiven torugat movugi Ebraham mō mefitorĭleki Sēra retepon eni. 15Im Abĭmelek yōmenūwi memokū, Pah, nūrū sū enyx ūnĭmtum, etĭndōwi ra nūrū mori Kĭk umnakīugi. 16Miyi yōmenūwi pugi Sēra memokū, Pah, ya osī movugi apmi sī sĭlver sī txsan, pah pe mori otĭn seni tovunok ūnimĭnda sū dal kĭk. Miyi yevriuri iyi sugkū imō.
17Im Ebraham yufwaki iran Nōbū ĭm Nōbū yumpi Abĭmelek horĭgeves, ĭm retepon eni, mōv asiven torugat eni, mirora dōmovī nĭtnĭnda. 18It Iehōva yĭmeravsĭvse netnĭnda ōv asiven omwi sū ra mumpun nimō eni Abĭmelek woretūuī nĭtnĭnda popōwo ugi Sēra retepon eni Ebraham.
Currently Selected:
Kenesis 20: ERGOT
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.
