Kenesis 21
21
1Im Iehōva yenteme Sēra memokū ugi nam mori iyi yĭpmenūwi; ĭm Iehōva yumpi iran Sēra ugi nam mori iyi yĭpmenūwi. 2It iyi Sēra yitandiokumpōk mō ĭmpī nĭtni iran Ebraham nĭmpugon iyi numpūmetūo, ra nĭmpugon mori Iehōva yĭpmenūwi pugi memokū ugi. 3Im Ebraham yatov nin nĭtni mori yeti nevī iran memokū Isak, iyi mori Sēra yĭpĭmpī toveni. 4Im Ebraham yumpi namon ra Isak nĭtni eni nĭmpugon dan sū ēt yeti iran, sugkū Iehōva yĭmpasewugi iyi.
5Dūti nevi sū wun hunder iran Ebraham ra nĭmpugon Isak yeti nevī iran. 6Im Sēra yenūwi memokū, Iehōva mumpo yx woravosūwi momwi sū mori wandĭgi ugi wonavos dal yx. 7Miyi yōmenūwi memokū, Mē pokū pugi Ebraham ma Sēra mamiampūni nĭtni? It yx ĭmpī nĭtni iran pol sugkū iyi numpūmetūo.
8Nĭtni mori yalam yōwi ni; ĭm Ebraham yumpi narĭgari ran dan mori Isak yōwi ni. 9Im Sēra yokesi nĭtni eni Hēkar nasiven Ityĭpt mori iyi yĭpĭmpi iran Ebraham miyi yĭmagepī iran. 10Im Sēra yenūwi pugi Ebraham memokū, Satevugi imō nasiven torugat ĭm nĭtni eni, ĭt iyi nĭtni eni nasiven torugat otū onevatum ūndū nĭtug, ūndū Isak.
11Im Ebraham yorĭgi sat tamas popōwo ugi nĭtni eni. 12Kō Iehōva yōmenūwi pugi Ebraham memokū, Etūrĭgi sat popōwo ugi nalx mori ĭm popōwo ugi nasiven torugat enugkĭk, sĭndiuki nam eni Sēra mori sū iyi yenūwi punok, popōwo ugi Isak novsen enugkĭk anti novrugi. 13Im ya onumpi nĭtni eni nasiven torugat sī numpūn lō, ĭt iyi sugkū novsen enugkĭk.
14Im Ebraham yĭvsora ra numti dan mō ĭmpī yōūp ĭm sī botel gi nū, mō movugi Hēkar, yetipe ra nĭvlokon eni, ĭm nĭtni, mō ĭmtamūli iyi pelah; miyi yive, mō mavan ra nūrū wokon Birsiba. 15Im nū yumwi ra botel, miyi yetipe nalx ra mumpon nē tobūtovū. 16Miyi yive mō metisep pelah ūnĭpmi eni sagkū wor etenĭmpe nagasx, ĭt iyi yenūwi memokū ya otū agesi nalx mamas; miyi yetisep pelah ūnĭpmi eni mō mageri sah.
17Im Iehōva yorĭgi Hēkar marugi pōkop mō menūwi pugi memokū, Tiē iram Hēkar? Etūmtetugi, ĭt Iehova morĭgi nageri eni nalx nĭmpe. 18Etūok muriuki nalx malekoleki iyi gi nokopmū, ĭt ya onumpi iyi numpūn lō tamas.
19Im Nōbū yitī pelah nĭpmi eni miyi yokesi nūĭtokeli mō ĭmpe mō movūwarugi nū ra botel mō movugi nalx woromoneki. 20Im Nōbū yeti ūndū nalx mori, miyi yalam mō metĭndōwi ilūwx, mō mete en semelĭmel gi nefani. 21Miyi yetĭndōwi ra nūrū wokon Pēran, ĭm dĭneme eni yivī nĭsekon sī nasiven Ityĭpt.
22Mō metepū ra nĭmpugon mori Abĭmelek ĭm Fīkol, nivūo tentūrū sū ūbrami eni, yenūwi pugi Ebraham memokū, Nōbū oti ūndū kĭk ugĭn tiame sū mori kĭk umnumpi. 23Marima enūwi nam ra nin eni Nōbū magkū kĭk otū anūwi namlī po yx ĭm nĭtūg ĭm ramo?-?kopugeme, nevīeves sugkū ima mori yx mumpi iram, tampenĭgi sugkū ima mori yx mumpi iram, tampenĭgi sugkū poyx ĭm nūrū mori yūi kĭmorokotewi. 24Im Ebraham yenūwi memokū Ya anūwi ūnam.
25Im Ebraham yenūamwūs pugi Abĭmelek ugi sī nūĭtokeli mori ōvun lĭvsx eni Abĭmelek dūpmōvī parok?-?onda. 26Im Abĭmelek yōĭmtamsi memokū, yx metūkili iyi mori yumpi imō ĭm kĭk otūnūwi po yx ugi; ya otūrigi ugi mefeli nĭmpugon marima. 27Im Ebraham yivī ōvun pugipugi mōvun kūrimatx ĭtnateman mō movugi Abĭmelek; miroran dūrū dūmūnūwi nam ūnam pun ōr en dūrū.
28Im Ebraham yivī ōvun pugipugi, mō metipe pelah sī ōvun nĭtnĭme pugipugi seven ĭtovasiven ra sĭmsĭmak. 29Im Abĭmelek yitagkeli Ebraham memokū, Irantiē kĭk okotipe pelah‐e‐sī ōvun nĭtĭme pugipugi ĭtnasiven? 30Miyi yĭmtamsi pugi memokū, It irora ōvun nĭtnime pugĭ?-?pugi seven itōvasiven, kĭk ampī maroko‐yx, mirora wanti numpūvsok po yx ma yx mokeli imō nūĭtokeli. 31Im popōwo ugi imō iyi yatov nin nūrū mori memokū Birsiba, ĭt iyūi irora dūmūnūwi nam ūnam.
32Miroran dūrū dūmūnūwi nam ūnam pun ōra ra Birsiba, miyi Abĭmelek yitūok ĭm Fīkol, nivūo en irora ōvun umpako eni, mō mūtorĭleki ra nūrū en irora ōveteme Fĭlĭs.
33Im Ebraham yĭmōwi sī nē ra Birsiba, im yūi yĭmovru?-?gi ra nin eni Iehōva, Nōbū mori umante ūvum nevi sū ĭndōwi. 34Im Ebraham yĭmorokote lap ra nūrū en irora ōveteme Fĭlĭs sikat en dan.
Currently Selected:
Kenesis 21: ERGOT
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.
