Hoixgara 12
12
1Egi hambnaka eja Herodes hungra ara kawajigre‐hianaga hostoaka eja hota washa waishgashgana.
2Egi Johnga khinubra Jakob d’ehina wigijgux hiuanaga.
3Egi hajajena Judra giphinera hiraijaira wauna egi Peter hishge rus‐naina waisgabduj winawohi rokani hambeja wauna.
4Egi jaja harukosgi jhi‐hornassena egi manapera jopra jopiwi wagirushjarehina hirakarairekjege, Pasxara haixagi wankshigeja harnihikje hirege wauna.
5Egi Peter hisgexji jhi‐wornasse hojhieja hirakarairena, eshi hostoaka Maura gikaraj gigira inkaga harashja hiranina.
6Egi jaja Herodes harni‐hinaipjanegi hahe‐egi Peter nanakshana manapera nupiwigi hojakena‐hireja, mashokiwaxuxugra nupiwi hirusgij, egi wirakarara jhiwornasse‐hojhi jhirob jangeja nashinena, wirakara.
7Egi horuxujre Hirukanara waxopiniwarajire harnira hirajina, egi jhi‐wornasse‐hojhira hatasha jinakshana, egi Peter ruhieja hojinena, egi ruxinkshana, wena: Nashine xapge. Egi mas‐hokiwa‐xuxugra nabeja nanka shibrairena.
8Egi waxopiniwarajirajega wagena: Hikipiragre egi waguje hashinira kurusgijire, egi shesge hina. Egi wonashi‐hihagejere hashinira hornakshine, egi hiroinagre.
9Egi hihinab‐harnaga egi hironagshana egi inke hiperesnina hisgexji wauangra waxopiniwarajireisha waura, eshi washanja haja waunguni hirena.
10Egi jajawirakara jornira egi hinubra gikarawigi, masnawajag‐jhirobra hiragirena, e jhinageja hirakerera, jhirob de‐e wanaokewe kiruhassana, egi hihinab‐hirena egi nagu hoxeteisha howagia‐karairena egi higuana waxopiniwarajirajega nigeowakerena.
11Egi jaja Peter gsabjijegi wena: Shegunegi wogisog hiaperessana Hirukanara waxopiniwarajire harnira hugigianaga egi Herodes nab harnieja waikaraishera egi Judra wankshigra hihu‐hunangra harnaj.
12Egi jaja wogisogji hiperesgi, Mariaga hojhieja kirina Johnga hiunira, e rash hinubra Mark higairera, eja roha sto‐agshana, gikarajnank.
13Egi Peter jhirob jowejaherera gikhokhi, hinug wareisha harnaxgu‐hina Rhoda higairera.
14Egi jaja Peter hora higigi, jhirobra inke ruhasnina wogishawa wauna, eshi nuwang hoikewena egi horagshana, Peter jhirob jangeja nashinjegi.
15Egi wagairena: Wanaxi horniwang‐rajena. Eshi hinug‐warajega wena: Hisgexjina. Egi wairena: Waxopiniwarajire harnira herena.
16Eshi Peter higu gikhokjena, egi jaja jhirobra ruhashiregi egi hajairegi, khorairena.
17Egi Peter nab hiuanaga wawigigus‐shana xapguni hirekjege, egi wawogiragshana Hirukanara jasgehianaga jhi‐wornasse hojhieja harni‐hihinabra. Egi wena: Rawige egi washa de‐e Jakobga hogiragwire, egi hiwakhinubwira. Egi wakirujena egi mainjahi howarena.
18Egi higu hamb‐hakirigi, manapenanka eja inke woxera xununina, Peter jasge‐higaja waungi.
19Egi jaja Herodes hornigi egi inke hienigi, wirakarara wawesiwina, egi wirakarara d’ewahi wa’shina. Egi Herodes Judea‐eja howahi egi Kesarea‐eja hina egi eja hiwusharna.
20Egi Herodes mashja wawosh’igshana, Tirus hajhira egi Sidon. Eshi harnaj warnaina hishankira hi‐hirajirena, egi hungnaka jhirukana harnira Blastus higairera hijakoro khinena egi rashguni rogu gitairena, ma warninera waruj hungnaka manieja howajiake esge.
21Egi Herodes hambisha manajshana, hung‐wainira wokawaxugshana egi hung‐waminagra hamikanagshana, egi wawokit’ena.
22Egi wankshignanka uwainena, wairena: Mau hoisha heregaja, inke wankshig hisha herenina.
23Egi higuana Hirukanara waxopiniwarajire harnira hojina, inke Maura gish’agnige esge, egi wikiri ruj‐hirena egi d’ena.
24Eshi Maura hoit’e harnira direna egi hoerarena.
25Egi Barnabas egi Saul Jerusalem‐eja nige‐howakarairena, jaja worera wokaraishib hiregi, egi Johnga hakishu hakarairena e rash hinub harnira Markus higairera.
Currently Selected:
Hoixgara 12: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
