Hoixgara 14
14
1Egi wauinena Ikonium‐eja Judra wohokhu‐hojhi harnineja hinuinke hokawawina egi deshesge airanaga, Judra egi shige Hellenitra worohaxji harnaxguinena.
2Eshi Judra jarnaga inke harnaxgunira hirarujeja herera warapuru hirena egi khikhinubnanka warnai hirohire wogikanag warnagi‐inena.
3Egi eja sixji hiwushairena, inke nuwangni Hirukanara horagnankshana. E hiraijera shja‐giginankshana hoit’e najwoja harnira, egi woijanti egi wowakanjang wagiuna nab warnineja howahi.
4Eshi jhinageja worohanka nupihi‐khinena, hota Judnanka eja herekhinena egi hota Apostelnanka eja herekhinena.
5Egi jaja warnijimb‐hirekjanegi hirarujeja herera egi shige Judra wakishu wauinekjanena egi washirukana warninera wakishu, washa waishgashga‐hirekjanena egi ini wawirojinekjanegi.
6De‐e hiperes‐hiregi, Listra egi Derbe‐eja hogias‐hirena, Likaonia jhinag harnineja, egi ma hogigixnanka eja.
7Egi eja woragphira wihokhu‐hirena.
8Egi wang hisha minagnakshana Listra‐eja, sira inke shjani, manira rushaganakshana hiunira jhuneja, e inkaga maninina.
9E Paulus hit’et’era naxguna egi Paulus horuxujinjena egi hiperessana wangnaka harnaxgura rushja‐hirekjanera.
10Mashjaxji wena: Roja si hashinira hiranashine. Egi da’dampshana egi manina.
11Egi wankshigra hajairena Paulus jagu unga, mashja hit’at’airena, Likaonia hit’e wairena: Mau wangiraji hirawina wankshig‐khi.
12Egi Barnabas Jupiter higairena egi Paulus Merkurius higairena e hit’et’era herejege esge.
13Egi Jupiter nabgiruxaj hirukanara e jhinag joweja jhinakshana, jera egi xawiwaxja‐horusgijra nawajag jhirobeja warni‐hahirena, egi wankshigra hahirena nabruxaj hirekjege.
14Egi jaja Apostel Barnabas egi Paulus deshesge naxguinegi, waini warninera wakurugas‐hirena, egi uwa wankshig horogeja hornuwang‐hirena.
15Egi wairena: Wangwira, jagu‐u wash’uwishe? Nishge wankshig jarnisge harajane, shesge harniwina egi hornikhu hajawina washa hoinigexjinagre washurushjawianaga, Mau niamb‐nagre hirarahikjawige, E maxihoshuagre egi mara egi tejara egi washara jarnaga hoshuakhi ura herera.
16E wankshig‐hokirajra harnaj nagu warninera hokarawanank wagigina.
17Shesgarnunige inke hokikarag rokani wangat’unawinina, eshi phi‐wangagigiwina wangregi nishu howaji wangok’uwina egi mara woja wangagigiwina, najge hiwarniwina warujra egi wogishawara hoixji‐wangahiwina.
18Egi washa de‐e airegi wankshignanka hajangere nabgiruxajra inke giuinawinina.
19Egi Antiox egi Ikonium‐eja Judra hisge howajirena, e wankshigra waraxurug‐hirena egi Paulus ini higissakwahirena, jhinag jangeja ruti hot’unairena, d’eguni hirairege.
20Eshi jaja wironagra hogigix nashinegaja kikawaana egi jhinageja kirina. Egi haininegi Paulus Barnabas hakishu Derbe‐eja howarairena.
21Egi jaja jhinag she‐e woragphira hihokhunegi, egi roha washa gigus‐hirena, shige Listra egi Ikonium egi Antiox‐eja hakja hagirena.
22Wironagra naxirag warninera himashjawahi egi wawigexjina harnaxgura unagikjege egi jasgegi washa wojexi howainekjanihawina Maura hungma harnineja hokewenaira.
23Egi jaja wohokhu‐jhinaka eja xetera injab‐wakeregi egi gikaraj‐hirena hantaginaj hirassa uinena Hirukanara ewarni ushirena E harnaxgunanke.
24Egi Pisidiara haxebhiregi Pamphilia‐eja hahirena.
25Egi jaja Perga‐eja hoit’era wihokhu hiregi Attalia‐eja hahirena.
26Egi eja Antiox howakarairena wajowe, hajinja regigirawira Maura najoja harnira hiu‐wagigira, wore uwashirera e uinege.
27Egi jaja hakiriregi, egi wohokhu‐hojhira stoirena, Maura jasgewagigira horaghirena, egi jasge Maura hounahianaga hirarujeja herera harnaxgura jhirobra wagiruhasgi.
28Egi eja sixji hiwushairena wironagra wakishu.
Currently Selected:
Hoixgara 14: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
