Hoixgara 4
4
1Egi wankshigra wokit’arnank’u, nabhoruxaj hirukanara egi wohokhu‐hojhixete hirukana hungra egi Sadusera wirajirena.
2Wogiteghirena wankshigra washa wagigusnanke egi wahokhunanke Jesus hiu d’era hakiha wanshiginekjane airege.
3Egi warukos‐hirena, egi jhiwornasse hojhieja woshuirena hainijoweja hipa, hoxjarnaginige.
4Eshi rohaxji hoit’era naxguinegi harnaxguinena, egi ejaxji wankshigra hogihixete sajanguni.
5Egi herena haininegi, washirukana warninera, egi xetera egi wowagax hiperesra,
6Egi Annas nabhoruxaj hirukana hungra, egi Kaiaphas egi John egi Aleksander, egi jarnaga nabhoruxaj hirukana hung washakhina, she‐e harnaj Jerusalem‐eja stoirena.
7Egi jaja jowehireja washuiregi, wawigiwax‐hirena, homashja jaguisha hish’uwianaga, egi rash jaguisha hish’uwianaga de‐e wash’uwishe?
8Egi Peter Naxirag Wakanjangra hoixjina, wawagena: Wankshig hirukana raniwira, egi Israel xete raniwira,
9Hamb de‐e ha’einawina washa phi wang howashaisha hagiuwira, homashja jaguisha wauanaga rushjangi,
10Harnaj hiperes‐nikjanihawina egi Israel wankshigra harnaj, Jesus Kristus Nasaretheja herera rash harnira wauna, E naramiheja haraisarajwina, E Maura d’arnagre eja kikawa‐a howakirihina, E wauna, jowerawiregi wang howasha rushja nashinjane.
11De‐e inira herena, jhi‐u raniwira E nige‐horat’usharawina, E inioxete jhiopasse haminagra herena.
12Egi inke wankshig‐iwahi hijane junina, inke rash hijanera manegi wankshigra wogairanina, e niamb‐wangahikjawi.
13Egi wajairena Peter egi Johnga winuankhuni wairera, egi wawiperes‐hirena inke wawagax‐hiperes‐hiranira egi inke wang‐washinperes‐hiranira, khorairena, egi wawiperes‐jinena Jesus hakishu u‐narnihera.
14Egi wangjega hajairena, e rushjara wakishu nashinjena, inke washanisha hikipa hige‐ruxurug‐hiranina.
15Egi jaja hijahi u‐washiregi woehieja, hokikit’airena,
16Wairena: Wang de‐e jasge hiwagigikjanihawishe? Hisgexji washa wowakanjank xeteisha wagiuinegaja, Jerusalem‐regi jhira harnaj wiperes‐hiregaja, egi inke khibahi hinuxurug‐winigaja.
17Eshi inke hiraijera wankshigregi hornaenikjena, higuana mashja winakewe‐hiwahikjawina, epa inke shige rash de‐e wankshigra hisha hirokit’airanikjena.
18Egi wagigoirena, egi warogixirena inkaga wirokit’airanikje, egi shige inkaga Jesus rash harnira wihokhuiranikje.
19Eshi Peter egi Johnga hornihairena egi wawagairena: Washa wogisogji awire: She‐e phingishi hiraijera neharnanixgunkjanihawishe, Maura E hinke harnaxguwinianaga.
20Inke hit’et’era rashja duxurugwinina, jagu hajhawira egi naxguwira.
21Egi hiraijera winakewe wahirena, egi kerewagigirena, inke hawewahi washa wigieranige, wankshignanka eja hawau, wankshigra harnaj Maura gloria‐giginanke washa uinega esge.
22Wangjega ma‐kerepana‐jopanaga hashanahana, e washa wowakanjank hirushja hirega wauinena.
23Egi jaja kerewagigirega, wawokishgaineja howakarairena, egi harnaj horaghirena nabhoruxaj hirukana hungnanka egi xetera jagu higairawigi.
24Egi jaja she‐e naxguinegi hishankira wenisge Maura gikaraj hajiarairena, egi wairena: Hirukanara, Maura neninegaja, maxihoshuagra egi mara egi tejara egi jarnaga washara hoshuakhi sh’ungaja,
25Ne wa’shegaja ware hashinira Dawidga horag‐ragigina, wena: Jagu‐u hirarujeregi herera wogiteg‐hiranaga woxehinankshe, egi wankshigra washa hoinigexji wewinankshe?
26Hung manegi herera nashinena, egi washinukanara sto‐khinena Hirukanara hakhiraire, egi Kristus harnira hakhiraire.
27Hisgexjingaja jhinag‐egi sto‐khinegaja, ware wakanjank hashinira Jesus E hashawaxuna hakirairegaja, Herodes egi Pontius Pilatus egi hirarujeregi herera wakishu egi Israel wankshigra,
28Uinena, jagu nab hashinira egi wowewi hashinira jagu jornineja uinekje hirarera.
29Egi shegunegi, Hirukanara, horuxujre, woinakewehi warninera, egi ware washinira wogare, e hoit’e hashinira winuankhuni airekjena.
30Deshegu hire, nab hashinira wahahuhige howashara rushjawiwine, egi washa woijantira egi washa wowakanjank unkjena Ninkjang wakanjank hashinira Jesus rash harnira hiu.
31Egi jaja Mau gikarajra rashjainegi, hounanka hixgana hajinja stonagra, egi harnaj Naxirag Wakanjangra hoixjinena, egi Mau hoit’era winuankhuni airena.
32Egi worohaxji harnaxguanka najgera hishankira egi naxiragra hishankirairena, egi jarnagaka inke hishankirarareshge washara ewasha warninera nearnina airanina, eshi washara harnaj hakishjeg warninena.
33Egi Apostelra homashja rokana wihokhuinena Hirukanara Jesus hakiha‐wankshig‐hoina. Egi harnajixji najojara rokana wagigirena.
34Egi jarnagaka inke hisha washara hirujisnina, jarnagaka ma harnira egi jhira wawikuruwinena, egi washa wawiruwinega hoikisgera warnianjirena.
35Egi Apostel si hireja wawagishuirena. Egi wankshigra jarnagaka wawigiweninena jasgeshana rogunanki.
36Egi Joses e Apostelra Barnabas higairena (warukhegra hinigra hige wairena), Lewit hisha herena, Kiprus mainja herena.
37E manige wiruwina, egi shurara harnijina, egi Apostel si hireja wagishurna.
Currently Selected:
Hoixgara 4: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
