Hoixgara 5
5
1Egi wangisha Ananias rashra higairena, hijawira Saphira hakarakishu, ma‐nige wiruwinena.
2Egi hoikisgera hota hotahina hijawira hishge gigiphina. Egi hota harnihina, egi Apostel si hireja wagishurna.
3Eshi Peter wena: Ananias, jagu‐u Satan najge hashinira hornixjishe, Naxirag Wakanjangra reragit’unk, egi mara hoikisgera hota hotarashe?
4Manaka inke niashininishe kheni wishuruwini? Egi wishuruwianaga hageja inke ne‐hishurukananishe? Jagu‐u wowewi deshesge najge hashinira hornishushe? Inke wankshigra wareragit’unk wash’unina, eshi Maura reragit’unkshana.
5Egi Ananias hoit’e de‐e warnaxgungi, mainja hokanena, egi d’ena. Egi washa de‐e naxguinegi harnaj naxirera rokanainena.
6Egi wang hojinjira nashinarnaga egi rojahirena egi harni‐hinabhirena egi xairena.
7Egi ejaxji hageja howagix danihanegi hijawira hijokewena, jagu uinera inke hiperesni.
8Egi Peter wagena: Hungiragre mara de‐shenaga hishuruwiwishe? Egi wena: Hojia, shenagarna.
9Egi Peter wagena: Jasgegaja warnaira hakishjeg rawianaga Hirukanara Naxirag harnira raishjawishe? Horuxujre, si‐hireja e hikanaraga xairera jhirob‐regi nagre, egi harni‐hinihinab‐hirekjanena.
10Egi higuana si‐hieja hokanena, egi d’ena. Egi wang hojinjinanka hokawairena egi d’arnak‐u hierena, egi harni‐hinab‐hirena xairena, hikanara hikisunsh t’umbhirena.
11Egi stornanka harnaj naxirera rokanainena, egi jarnaga washa de‐e naxguinegi.
12Egi Apostelra nab warninera wauinera washa woijantira roha egi wowakanjangra wankshig horogeja uinena. Egi harnaj warnaina horeishankira hinankshana Salomon hakohianieja.
13Eshi hijanenanka hinkisha wakishu unina nakawairege, wankshignanka rokana wiranainege.
14Egi harnaxgura hiraijera hija hornashi harairena Hirukanara eja, wangra egi hinugra worohaxji.
15Shesge hirena, howashara nagu‐hoxeteja warnianjirena homig hat’umb, egi homig hirakiwa‐a hat’umb, e Peter wirajigi hota hoirahasi wagigikjege.
16Egi shige worohaxji jina hogigix jhinagananka eja howajirena Jerusalem eja hajirena, wankshig howashara wakaranine, egi she‐e naxirag shishig hawe‐wahinankhi egi harnaj rushja‐wahirena.
17Egi nabhoruxaj hirukana hungra nashinena egi jarnaga hakishu‐unankhi harnaj (howajehi Sadusera hererena), wogitegra rokana hirena,
18Egi Apostelra harukos‐hirawina egi jhiwornasse agieja hornassairawina.
19Eshi Hirukanara waxopiniwarajire harnira haheregi jhiwornasse jhirobra waruhassana egi harni‐wihinabshana egi wena:
20Rawire egi wohokhu‐hojhixeteja nashiwinge wankshigra wankshighoi‐hisgeja hoit’era harnaj wirokit’awire.
21Egi jaja de‐e naxguinegi wohokhu‐hojhixeteja hainixjinig hokawairena egi wahokhuinena. Egi nabhoruxaj hirukana hungra hajirena egi wakishu unagra, egi waehira stowashirena egi Israel ninkjang xetera harnaj. Egi jhiwornasse‐hojhira howare‐wagigirena warniankirirekjege.
22Eshi jaja warukosra hahiregaja, egi inke jhiwornassehojhieja wieranina, hakirirena egi horaghirena,
23Wairena: Jhiwornasse‐hojhira hisgexji phixji hornassajau hahiwina egi wirakarara jhirob‐jangeja nashinankshana, eshi jaja duhaswigaja inke wangra rogeja hisha hiaewinina.
24Egi jaja nabhoruxaj hirukana hungra egi manape hung wohokhu‐hojhixeteja herera egi nabhoruxaj hirukana xetera washa de‐e naxguinegi wowewi‐harejirena washa de‐e jasgegaja waungi.
25Egi hisha ji‐anaga egi wawogiragshana, wena: Horuxujwire wang jhiwornanassawira wohokhu‐hojhixeteja nashinankshana egi wankshigra washa wagigusnankshana.
26Egi manape hungra rena warukosra wakishu egi hasohi warniankirirena wankshignanka warnakawairege esge, e inke ini wirojiranikjege.
27Egi jaja warniankiriregi waehinanka jowehireja washuirena, egi nabhoruxaj hirukana hungra wawigiwaxhirena,
28Wena: Jasge inke rojaxji ronigixiwinishe, rash de‐e wihokhura, egi horuxujwire Jerusalemra harnaj hoixjina washa wagigus hashiniwira, egi wang de‐e wa‐i earnira hishukjawi nanash’iharajena.
29Egi Peter egi Apostel hijanera hornihairena, egi wairena: Jasgegi Maura hiraijera harnaxgunkjanihawina wankshigra worujis hirekjanena.
30Hianjwahawira Mau harninera Jesus niambhina, E d’erawina egi nainja hoijge rakanagwina.
31E Maura hankshikerena nab‐hoishoro harnira hik’uanaga huinkjege egi wankshig‐hoi ruxurug. Egi Israel washa woishanara najgerakarateg wogakjege egi washa woishanara wagit’unekjege.
32Egi washa de‐e horagra winehajena, egi Naxirag Wakanjangra hishge shesgena, E Maura wogarna jarnaga harnaxgura.
33Jaja she‐e naxguinegi najgera wamakunukuni hirewahina egi d’ewahirekje airena.
34Egi waehinanka eja hisha nashina Pharise‐hisha Gamaliel higairera wowagax‐hiperes hisha wankshigra harnaj gishakjineisha herena egi Apostelra jowexjinig hihinab‐hirekje ena,
35Egi wawagena: Israel wang raniwira, hirakikarauwine jagu sh’unkjanihawi hirarawire wang de‐e wawikiora.
36Hojishana inke hamb rohanina Theudas nashina, kirajangarnaga hishere nankikina. E wangra roha harnina ejaxji hogihijopguni, eja herekhinena. D’ehirena egi hijanera harnaj jarnaga harnaxgura hoerairena egi inke washanisha hereranina.
37Wang de‐e hageja egi Judas nashina Galilea‐eja hereisha, ma‐woirowehi hambeja egi wankshigra roha hironakshana, hishge d’ena, egi hijanera jarnaga harnaxgura harnaj hoerairena.
38Egi shegunegi hinigawina: Wang de‐e inke hawe wahiwinine egi shegu unang wahiwire, egi wogus de‐e egi shige wore de‐e wankshigregi howajigi inke washanisha herenikjanena.
39Eshi Maura eja howajigi inke rushe shuruxurugnikjanihawina, ningete‐e Maura rakissa washurajau hirakish’ewiege.
40Egi hornagijairena, egi jaja Apostelra warniankiriregi egi wawojinena, egi warogix‐hirena inke Jesus rash harnira wihokhu‐hiranikje, wagirushjare‐hirena.
41Egi wogishawa nige‐howakarairena waehinanka jowehireja washinkisge waikarabhirege rash earnira hawau hiroshig hawewahirege.
42Egi hamb‐hokahi wohokhu‐hojhixeteja unankshana egi jhira harnaj wounankshana, washa wagigusra inkaga harushjahirani egi Jesus Kristus wihokhura.
Currently Selected:
Hoixgara 5: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
