Hoixgara 6
6
1Egi hamb‐nanka eja wironagra roha hijornashingi eja Hellenitra waehixji‐nashinena Hebraira wakhira, hikanagit’e warninera hambga inke waworujaninanke esge.
2Egi nup‐hashanara wagigoirena wironag worohanka hirahirekjawige egi wairena: Inke phininana Mau hoit’era hit’unawianaga egi warujeja wawagiregi.
3Esge hikhinubwira wangra shagowi hokiruxujwire wang wogisog hireshe wigairegi egi Naxirag Wakanjang hoixjira, egi wowanaiksab hoshura, e wore de‐e hirakara hiwagigikjawina.
4Eshi hoishib gikarajra hiuanjekjena egi hoit’era wagirera.
5Egi jagu airega worohanka harnaj giphina. Egi Stephan gijainena, wang harnaxgura egi Naxirag Wakanjang hoixjisha herena. Egi Philipga egi Proxoraga egi Nikanoraga, egi Timonaga egi Parmenaga egi Nikolaga proselit hisha jhinag Antiox‐eja hereisha.
6E Apostel jowehireja washuirena egi jaja gikaraj rashjainigi nassueja wawassunsh‐hirena.
7Egi Mau hoitera hoerena egi wironagra roha Jerusalem‐eja hijornashina, egi nabhoruxaj hirukanara woroha harnaxgura wagiuinena.
8Egi Stephanga harnaxgura egi homashjara hoixjinjena, egi wowakanjank egi woijanti rokana wankshighorogeja unjena.
9Egi eja wawagaxhajojhinankhi nashinena Libertinera wawagaxhajojhira wigairera egi Sirenianra egi Aleksandrianra egi Kilikianra egi Asia‐eja howajira, she‐e Stephanga kitak‐hirena.
10Inke hakira ruxurug‐hiranina wowanaiksab egi naxirag wirokit’ajege.
11Egi wang hirushja‐wahirena e wairena: Hit’et’e naxguwina Moses egi Maura waraxjashgunina.
12Egi wankshigra puruna‐wahirena egi xetera, egi wowagax hiperesra, egi hirahirena egi harukos‐hirena egi woehieja harniakirirena,
13Egi wihohi woishjankera warnihajirena e wairena: Wang de‐e jhi‐wakanjang de‐e egi woehira raxjashgunira inke rashjanijena,
14Naxguwina de‐e era Jesus‐jega Nasaretheja herera jhi de‐e maisinsh‐hikjaneshe egi woshgara hijahikjaneshe ena, Moses wanghok’uwira.
15Egi woehieja minagananka harnaj horuxuj‐hinena egi hishjara hajairegi waxopiniwarajire hishja unguni hirewahina.
Currently Selected:
Hoixgara 6: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
