Hogusra 38
38
1Egi herena shejananegi Juda wakhinub‐eja rena, egi Adulamit hisha hirahina, rashra Hirah higairera.
2Egi Juda Kana‐anit hisha Shua higairera hinugra eja hajarna egi rus‐shana egi hijokewena.
3Egi waujganagshana, egi hojinjinig hisha harnina, egi Juda rashra Er higena.
4Egi shige waujganagshana egi hojinjinig hisha harnina egi rashra Onan higena.
5Egi shige waujganagshana egi hojinjinig hisha harnina egi rashra Shelah higena, egi Juda Xesib‐eja nihena jaja harninegi.
6Egi Juda Er joware harnira hinug‐khanag‐gigina Tamar rashra higairena.
7Egi Er Juda joware harnira wowonk‐shana Jehowa jowehieja, egi Jehowa d’ehina.
8Egi Juda Onan wagena, rakhinubra hijawira eja hokaware egi khanagre, egi rakhinubra ninkjang ragishukjena.
9Egi Onan hiperes‐shana ninkjangra inke e‐warninikjanera, egi wauna, jaja khinubra hijawira eja hokewegi, mainja waxuna, e inke khinubra ninkjang hok’unikjege.
10Egi washa de‐e une, Jehowa inke giphinina, esge hishge d’ehina.
11Egi Juda Tamar hinug‐jeg‐jabra wagena: Hikhanagit’ejane hianjraga hojhieja, hinighara Shelah xeteja hipa, hinighi de‐e hishge d’ege hirege wena, wakhinubra uinera shesge. Egi Tamar rarnaga egi hianjra hojhieja jhina.
12Egi hahi s’i‐regi Shua hinugra Juda hijawina d’ena. Egi jaja Juda xagra rashjangi jhasga‐hin wagirujgis warnieja howarena Timnath‐eja e hereanaga egi hijakorohira Hirah Adulamit wankshig‐hisha.
13Egi Tamar hogirag‐hirena wairena: Horuxujre, hijokeraga Timnath eowarena, jhasga warnira hina wakurujgis‐rena.
14Egi Tamar hikhanagit’e wainira wakurushorojshana, egi hishjaira‐rukaisha hirakirukhana egi washa hirokiwej‐anaga egi hogok‐eja minagshana, Timnath nagu hirakereja. Tamar hajarna Shelah xeteginira egi inke khanag‐gigiranige.
15Jaja Juda hajagi, hinug‐wowonk hisha hereguni hirena, hishjara hakurukhange esge.
16Egi Juda hinugnaka hirahina nagueja egi wena: Hure naixjina harnikishu haming‐sheshi (inke hiperesnina e hinug‐jeg‐jabra waunagra). Egi hinugnaka wena: Jagu hunak’unkjaneshe hinakishu ramingkhi?
17Egi Juda wena: Jharnax‐ningra hisha hiningigikjena hornihe warnieja hisha. Egi hinugjega wena: Washanisha wiwagax higirakanakhi, hinagigigi epa.
18Egi Juda wena: Jaguisha wipagax hornik’unkjeshe? Hinug‐jega wena: Nab‐hirushgij‐wijanti hashinira, egi aipa washinira egi hissagu hashinirajega. Egi Juda wawok’una, egi hakishu mingshana, egi waugijganakshana.
19Egi hinug‐jega nashianaga egi kerena, egi hishjairarukara nige‐kanakshana egi hikhanagit’e wainira shige wokawa‐xugshana.
20Egi Juda hijakorora Adulamit hisha herera jharnax‐ningra harninegigina, hinug‐jega eja washa wawiwagaxra wagirusikjege, eshi inke hinugra hienina.
21Egi wankshig‐eja herenanka wawigiwaxshana wena: Hinug‐wowongra hajinja jeshe, nagu hijejregi harusharani‐jera? Egi wairena: Inke hinug‐wowongra hisha ma‐egi janina.
22Egi Juda hirakirina egi wagena: Inke hinugra hiaenina, egi wankshig ma‐eja herera wairena: Inke hinug‐wowongra hisha ma‐egi janina.
23Egi Juda wena: Shegu warnikjena, inke washa wangiraraj ruxurug hiranina, horuxujre, jharnax‐ning de‐e harnihi‐ningigina egi inke hinugra hish’enina.
24Egi wauna ejaxji hagregi wi danihanegi, Juda hogirag‐hirena, wairena: Tamar hinug‐jeg‐rajabra hinugwowonkjena, egi shige horuxujre, washa wowonk‐unaga ninkjang ujganagjena. Egi Juda wena: Hagurawire egi taxukjena.
25Egi jaja hagu hahiregi, hijokera eja howaregigirena, wairena: Wang‐jaguisha washa de‐e warnigi wa’uwagijganagshana. Egi hinug‐jega hishge wena: Naixjina washewesiwi sheshi de‐e peshe warnigi nab‐hirusgijwijantira egi aipara egi hissagura.
26Egi Juda wawigina egi wena: Hinug‐jane hiraijera phingaja ne hotujis. Inke Shelah hinig‐hara hinug‐jane wak’unige esge. Egi hagregi inke hinupaha hiperesnina.
27Egi herena jaja wakegrakera higiregi horuxujre warejawa ujganagnakshana.
28Egi herena jaja wakegju‐naingi hisha nabra haxebhina, egi ninkjang‐hornagra wirujag shuj‐isha rus‐anaga egi nab‐eja hirusgij‐shana, wena: de‐e jorni hihinabgaja.
29Egi wauna nabra hakja kurus‐gaja, horuxujre e khinubra hihinabshana. Egi wena: Jagu‐u rugasra rokana waragish’ushe rakijishere, esge rash harnira Phares higairena.
30Egi hageja khinubra hihinabshana, e wirujag shujra nabeja hirusgijra. Egi rash harnira Sarax higairena.
Currently Selected:
Hogusra 38: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
