Hogusra 39
39
1Egi Joseph Egipt‐eja harniahirena. Egi Potiphar, Pharaoh jhi‐hirukana harnira egi manape hirakarairera hungra herena, Egipt wankshig‐isha, e Ishmaelitra wagiruwina e harni hahirena.
2Egi Jehowa Joseph hakishu unjena, egi Joseph wang hophi howekeisha herena. Egi hirukana harnira Egipt wankshigra hojhieja unjena.
3Egi hirukana harnira hajarna, Jehowa Joseph hakishu unjera, egi jagushana unjega Jehowa hophi howehijena.
4Egi Josephga Potiphar jowehieja najojaine hikiena, egi wagirena, egi jhi‐hirukana una, egi jarnaga washara harnigi harnaj hirakara‐gigina.
5Egi wauna, shejananegi jhi harnira hirukana gigigaja egi washa warnira harnaj hirakara gigigaja, Jehowa Egipt wankshig‐jega hojhira hophi howehina, Joseph hawau. Egi Jehowa hophi howe harnira jhieja jarnaga washara harnigi egi max‐eja herera wirahina.
6Egi washara jarnaga harnigi Joseph hirakara‐gigina, egi Potiphar washa warnira hinke wawokuru‐jawina, waruj‐rashana unakshana. Egi Joseph ro‐phisha herena egi haja phisha.
7Egi herena washa de‐e hereanaga hageja hirukana harnira hijawira Joseph hish’jana, egi wena: Hinkishu mingre.
8Eshi inke unina egi hirukana harnira hijawira wagena: Horuxujre, hirukana harnira jhiregi jagu ha‐uanjegi inke washa hiranijena, egi jarnaga washara harnigi hirakara hingigina.
9Hinkisha jhi‐tegi hiraijera xetearnaga ne wotujisnina. Egi inke washanisha hingirukosnina eshi neshana, hijawinige esge, jasge harnaga washa wowonk xete de‐e haunashe egi Maura washa woishana hagiunashe.
10Egi wauna hinug‐jega Joseph hamb‐hokahi deshesge hirokit’ena, eshi Joseph hinug‐jega inke harnaxgunina hakishu mingnaijega, egi shige hakishu u‐nainjega.
11Egi hamb hisha wauna Joseph jhieja hoikewena worera karak’unkjege, egi wankshig jhieja herera inke hisha hijarni harnina.
12Egi hinug‐jega Joseph wonashi harnieja hagirukosshana wena: Hinkishu mingre, egi wonashi harnira hinugnaka nab harnieja t’une gias‐shana egi hihinab‐shana.
13Egi wauna, jaja wonashi Joseph harnira hinugjega hat’unarnankhire hajagi egi giasgi,
14Hinug‐jega wagi‐uwana wang‐jhieja herera egi wawagena, wena: Horuxujwire Potiphar Hebraer wankshighisha harnihoikawarnaga hiroshig wangahiwina, hiraijiarnaga hinkishu ming‐naina, egi mashja ha’uwana.
15Egi wauna, jaja uwagiwara naxgura wonashi earnira hint’uranank‐harnaga egi gias‐shana egi hihinabshana.
16Egi hinug‐jega Joseph wonashi harnira hikijahieja khanakshana, hirukana earnira kiri hipa.
17Egi hit’et’e de‐e hogiragshana, wena: Hebraer warera e harni‐horaikewera, hiraijiarnaga hiroshigwina.
18Egi wauna, uwagiwara, wonashi earnira hint’unanank‐harnaga egi gias‐shana.
19Egi wauna, jaja Joseph hirukana harnira, hijawira hoit’e harnira naxgungi, e hogiragra wena: Deshesge ware hashinira hingigina, Potiphar wogitegra rokanana.
20Egi hirukanara Joseph rusanaga egi jhi‐hornassena, hajinja hungra jhi‐wornassera nangra eja, egi jhi‐wornasse hojhiejanankshana.
21Eshi Jehowa Joseph hakishu unjena, egi najojana, egi jhi‐wornasse hojhi hirukanara naj‐hojaine hina.
22Egi Jhi‐wornasse hojhi hirukanara, Joseph jhi‐hornassairera wawirakara‐gigina, egi jagura hisha uinekjanega e uwagigijena.
23Jhi‐wornasse hojhi hirukanara jarnaga washara hirukanara inke waworujanina, Jehowa Joseph hakishu unjege esge, egi jagu e unga, Jehowa hophi howehijena.
Currently Selected:
Hogusra 39: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
