Hogusra 40
40
1Egi herena washa de‐e hagregi, Egipt hungra rajga hok’u harnira egi waisgab‐duji harnira hirukana harninera Egipt hungra eja washa hikaraishana hirena.
2Egi Pharaoh ware warnira nupiwi eja hapahi wogitegshana, rajga woga hungra egi waisgab‐duji hungra wakhirana.
3Egi jhi‐wawornassena, jhi‐wornasse hojhi hungra hojhieja wornassairena, hajinja Joseph hornassa‐nagra eja.
4Egi jhi‐wornasse hojhi hirukana hungra Joseph wawirakaragigina egi wawagirena. Egi jarnahangi wawornasse hiregaja.
5Egi hinuinke hohantera hishashana hihantewina, hahe hishankira, Egipt hungra rajga wogara egi waisgab‐duji warnira e jhi‐wornasse hojhi‐ejanagra, washara hishashana hihante hirena, egi hohantenanka washara hishashana wagairena.
6Egi Joseph haininegi wangnanka wawirahina egi waworuxujshana, egi horuxujre, najgeteg‐nankshana.
7Egi Joseph wawigiwaxshana Pharaoh ware warnira e hirukana harnira hojhieja wakishu hornassa‐nagra, wawagena: Jagu‐u hamb de‐e horuxujra najgeteg hashanakshe?
8Egi wagairena: Hohante hiahantewina egi inke hirorag junina. Egi Joseph wawagena: Jasge hiroragra inke Maura earninishe? Eshi wawoigiragwire.
9Egi rajga woga hungra hohante harnira Joseph hogiragshana, egi wagena: Hohante harnira, horuxujre, habsinsh‐huisha joweharegi nashina.
10Egi habsinsh hujega akarajgera dani nashina, egi hoxerera jinak‐hirena egi hogiaj‐shana egi hoijigra hasra roju‐hirena.
11Egi Pharaoh worajga harnira harniajena egi habsinshra watus‐anaga Pharaoh worajga harnieja wawotuxginkshana, egi worajgara Pharaoh harni‐hagigina.
12Egi Joseph wagena: De‐e hiroragra herena: Akarajgera dani hajega hambra danihana.
13Hambra dani‐hajane Pharaoh gisij‐ninkjanena egi worera shige hornikaraik’unkjanena egi Pharaoh worajgara harni‐ragigikjanena, rajgawagigi ranishunura shenisgekjanena.
14Eshi hiwewianje jaja hophi horawegi, egi naixjina washophi hinagish’usheshi, egi Pharaoh eja hunagaje, egi jhi‐tegi hihinab‐hingigikjena.
15Hisgexji mainunank‐hirena Hebraer mainja egi shige eegi inke washanisha haunigaja jhi‐hornaisairena.
16Jaja waisgab‐duji hungra hajagi, hiroragra phira, Joseph wagena: Nishge washa hiahantena, horuxujre napa sgara dani nassu hihagregi hakerena,
17Egi napa hihag‐jieja‐jega washa duj hokiraj hoshujena Pharaoh rujera, egi she‐e wanigra waruj‐hirena napainja‐nagra nassu hihagregi‐jera.
18Egi Joseph horniharna egi wena: De‐e hiroragra herena: Napara dani hajega hambra danihana.
19Hambra danihajane Pharaoh nassura ningirusikjanena egi naija hoijgeni‐kanaikjanena, egi ro hashinira wanig ruj‐hirekjanena.
20Egi hambra dani‐hangaja herena Pharaoh hamb hojuine harnira, egi ware warnira harnaj waruj wagigina, egi rajga woga hungra egi waisgab‐duji hungra gisijwahina ware warnira horogeja.
21Egi rajga woga hungra worera shige karak’ungigina, egi e ni‐wirajgara Pharaoh harnigigina.
22Eshi waisgab‐duji hungra hoijge‐kanakshana, Joseph hiroragra jasge wogiragra shesgairena.
23Eshi rajga woga hungra inke Joseph wewinina eshi wakikununina.
Currently Selected:
Hogusra 40: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
