Hogusra 47
47
1Egi Joseph hiarnaga egi Pharaoh hogiragshana egi wena: Jajiga egi waakhinubra egi jhasga warninera egi je warninera egi jarnaga washara harninegi wakarani Kana‐an mainja howajirena, egi horuxujre Goshen mainja unakshana.
2Egi wakhinubra hota wakishu wangra saja Pharaoh jowehieja wakerena.
3Egi Pharaoh Joseph wakhinubra wawagena: Wore jagu sh’unharajeshe? Egi Pharaoh wagairena: Ware washinira wanoijge hirakara hirena, ne‐winewianaga egi shige hianj‐wahawira.
4Egi shige Pharaoh wagairena: Ma nikuruxe hajiwina, ware washinira wanoijge warninera inke wokana juiranina, Kana‐an mara dokewehira rokanage. Esge ningitawina ware washinira Goshen mainja jhi‐waragigigi.
5Egi Pharaoh Joseph hokit’ena, wena: Hianjraga egi warakhinubra hiraniji hirena.
6Egipt mara joweraregi‐nakaja, hajinja mara phixjingi eja hianjraga egi warakhinubra jhi‐wagigire, Goshen mainja jhi‐wagigire, egi wanoijge hirakara waruphixjira hisge horogejanank hiraperesgi, wanoijge warnira wawirukana waune.
7Egi Joseph hianjra Jakob hija harniokewena egi Pharaoh jowehieja kerena. Egi Jakob Pharaoh washophi howe rogiguna.
8Egi Pharaoh Jakob wagena: Ma jarnaha ranishe?
9Egi Jakob Pharaoh wagena: Ma hoikiware harnira ma hogihish‐anaga kerepana‐dani hinshanana, jarnahakhiragaja egi ma wankshig waira shishig‐shana egi hianj‐wahara ma wankshig‐hoi hoikiware harninera wawakurujis‐shana.
10Egi Jakob Pharaoh washophi howe rogiguna egi Pharaoh jowehieja hihinabshana.
11Egi Joseph hianjra egi wakhinubra wawogiragshana hajinja jhirekjera, egi Egipt mainja ma harni‐wagigina, ma phixji‐eja Rameses mainja, Pharaoh shesge hishige.
12Egi Joseph hianjra egi wakhinubra egi hianjra hojhira warnira harnaj waruj wogarna, waisgab wogarna ninkjangra jarnagashana harninegi hina.
13Egi mananka harnaj warujra jushguni hirena, mara dokewehira rokanage, Egipt mara egi Kana‐an mara harnaj hokikurushag nankshana mara dokewe‐hiagra hawau.
14Egi Joseph shurara jarnaga Egipt mainja nihegi egi Kana‐an mainja nihegi harnaj stohina, waisgab wiruwi hirege. Egi Joseph shuraka Pharaoh hojhieja warnihina.
15Egi jaja Egipt mainja egi Kana‐an mainja shurara shenainegi, Egipt wankshigra harnaj Joseph hirajirena egi wairena: Waruj hunk’uwine, jagu‐u joweraregi jhekjawishe, shurara shenana.
16Egi Joseph wena: Wanoijge washiniwira woik’uwine, wanoijge washiniwira waruj hinikituja‐kjawina shurara sheni‐ginawigi.
17Egi wanoijge warninera Joseph wagarni‐hajirena, egi Joseph waruj wogarna shungxetera wawikiruja, egi jhasgara egi jera egi shungxete‐najawaxetera, egi waruj wawogarna wanoijge warninera harnaj waruj wawikirujana ma‐eja.
18Egi jaja ma she‐e shejangi, ma hinupahara hirahirena egi wagairena: Hirukana harnira inke nuwangi‐xawanikjanihawina inke shura‐rashana sheginawinina, hirukana harnixji wanoijge warniwira harnaj washinirajena, inke washanisha hungitawinina hirukana harnira jowehiregi, eshi ro warniwira egi ma warniwira hotairena.
19Jagu‐u hishja hashinira jowehieja jhekjanihawishe, ne‐winewianaga egi ma warniwira? Hinuwiwine egi ma warniwira waruj hinkirujawine, egi ne‐winewianaga egi ma warniwira Pharaoh warnihi hinikjawina. Egi wamaj hunk’unkjawina, e nia‐amb‐hikjawige egi inke jharnikjawige, inke mara maranikjege.
20Egi Joseph Egipt mara harnaj Pharaoh giruwina, Egipt wankshigra harnaj max warninera wawi‐kuruwinena, mara dokewehira rokanage esge. Esge mara Pharaoh earnina.
21Egi wankshignanka jhinag‐eja hoixana‐wagigina Egipt hoshejainja hipa rus‐hirena hahi hosheja hijanera harnaj russana.
22Eshi nab‐horuxaj hirukanara ma harnira inke giruwinina. Nab‐hiruxaj hirukanara nige Pharaoh wiwagax hiragirokosge, egi harninera kurujnankshana e Pharaoh wawogara, esge ma warninera inke wawikuruwi hiranina.
23Egi Joseph wankshigra wawagena: Horuxujwire hamb de‐e nintuwiwina egi ma washiniwira Pharaoh warnina. Horuxujwire wamaj eegi ningigi‐hahankshana egi max hoshuwire.
24Egi waxebrawigi hisajara Pharaoh horak’unkjawina egi jophajega ne‐washinikjawina, eja wamaj ruswiaje shige eja waruj ruswiaje egi worajhiwieja herera ruj‐hirekjera egi ninkjangnig washiniwira ruj‐hirekjera.
25Egi wairena: Niamb‐hinawigaja, hirukana harnira jowehieja najojaine hiki’e hingigiwire, egi Pharaoh warnihi hinikjawina.
26Egi Joseph Egipt mara woehisha giuna hamb‐tegi hipa, Pharaoh hisajara harnikjanena, nab‐horuxaj hirukanara ma harnira eshana inke shesge‐giginina, e inke Pharaoh harninina.
27Egi Israel Egipt mainja jhirena Goshen mowagaxeja, egi eja ma harninena egi tirairena egi wojara rokanainena.
28Egi Jakob Egipt mainja ma kerepanaish‐anaga shagowi‐hashana wankshig‐in. Egi Jakob wankshig‐hoira harnajra ma hogihish‐anaga kerepana‐jop‐anaga shagowihashanahana.
29Egi Israel d’ekjera hiwusunsh hogitarna, egi hinigra Joseph karagigorna, egi wagena: Hishja joweraregi najhojaine hiakiegi, ningitarna, nab hashinira hik’unge regokanag khuhanegi howewine, egi woiragixetegi kawahare egi washa wogisog hingiune ningitarna inke Egipt manegi hinxarnine.
30Eshi hianj‐wahara wakarakishu hamingkjena egi Egipt manegi harni hinahi‐shanaibjena, egi ma hokixaire harnineja hinxaje. Egi Joseph wena: Jasge waragare haunkjanena.
31Egi Jakob wena: Wihohingigire. Egi Joseph wihogigina. Egi Israel homing hoipein harnieja wakhuna.
Currently Selected:
Hogusra 47: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
