Hogusra 48
48
1Egi herena, washa de‐e hageja, hisha Joseph hogiragshana, horuxujre hianjraga howasharna. Egi Joseph hinig‐wahira hinuwinke warninena Manasseh egi Ephraim.
2Egi hisha Jakob hogiragshana egi wagena: Horuxujre hinigraga Joseph hiranijina. Egi Israel mashjakhina egi homingeja minagshana.
3Egi Jakob Joseph wagena: Mau homashjara harnaj harnira Lus Kana‐an mainja janti hingikhina egi najunjana,
4Egi waigena: Horuxujre, wojarnikjanena egi worohaninkjanena, egi wankshigra hornihe xete niunkjanena, egi ma de‐e su hashinira wakunkjanena hag‐raregi manegus harninekjanena.
5Egi hinig‐waraga hinuwinka Ephraim egi Manasseh, e Egipt manegi warnigarni hirera kheni Egipt manegi hiranijini she‐e ne‐warnina, Ruben egi Simeon wawikisgaire ne‐warnikjanena.
6Egi hag‐hiraregi ninkjang harnigarninegi ne‐washinikjanena, egi worag‐hirekjanena wakhinub‐hirera rash warnineja wakishu hoishjaine earnineja.
7Egi ne, jaja Mesopotamia‐eja hura, Raxel hingit’ena Kana‐an mainja naguregi haji, Ephrat hiwusunsh hajigaja, egi Ephrat nagu hirakereja haxena, Bethlehemra erena.
8Egi Israel Joseph hinig‐wahira wajarna, egi wena: Peshe de‐e herewishe?
9Egi Joseph hianjra wagena: Hinig‐wahara hererena, e Maura ma‐tegi wawoikuna. Egi Israel wena: Ningitarna waigarni‐jire egi washophi howe wahakjena.
10Egi Israel hishjasura xijshana shag’ke esge inke wajaxjinina. Egi Joseph hiwusunsh wagarnihina, egi i‐wawoki‐wankshana egi warnat’umbshana.
11Egi Israel Joseph wagena: Hishja hashinira inke hajarnikjane hiaregajerena, egi horuxujre su washinira Maura hishge haja‐waigigigaja.
12Egi Joseph warussana huporo‐hihojake‐nainja‐nagra egi Joseph exji hishjara mainja herehi wakhuna.
13Egi Joseph hinuwinke warussana, Ephraim a hoishoro e harnira Israel eja hapahi minagshana Israel hoirajge hieja egi Manasseh a hoirajge e harnira Israel eja hapahi minagshana Israel hoishoro‐hieja egi hiwusunsh warnihina.
14Egi Israel a‐hoishorora wajig‐anaga egi Ephraim nassu harni‐eja hat’umbshana, e xununa herena, egi nab hoirajge harnira Manasseh nassu harnieja hat’umbshana, nabra she‐shegu wat’umbra hiperes wauna, Manasseh jeg jhuinera herena.
15Egi Israel Joseph hophi howe rogiguna egi wena: Mau de‐e jowehieja hianj‐wahara Abraham egi Isaak maninena, Mau de‐e E jajaixji wankshig‐haira waruj hunk’una hamb‐de‐e hipa,
16Waxopini‐warajirejega, E niambwina washoshishigra harnaj, washophi howawire hojinjinigwira, egi rash harnira ne‐harninigigirekjawina, egi hianj‐wahara rash warninera Abraham egi Isaak. Egi woroha‐ninekjani‐hawina ma hihagregi.
17Egi jaja Joseph hajagi hianjra nab‐hoishoro harnira Ephraim nassu hihageja hat’umbgi inke giphinina, egi hianjra nabra girussana Ephraim nassu hihageja hat’umbra, Manasseh nassu harnieja hat’umbshana.
18Egi Joseph hianjra wagena: Inke shesgarnina jaji, de‐e jeg‐jhuinera herena, nab hoishoro hashinira nassu earnieja hat’umbre.
19Egi hianjra inke unina egi wena: Hiaperessana hinig‐haxji, hiaperessana, hishge wankshig howajehisha herekjanena, hishge rokanakjanena, eshi jasgegi e khinubxunura hiraijera rokanakjanena, egi su earnira wankshig howajehi hornihe xete jijekjanena.
20Egi hamb‐sheja washophi howe wahina, wena: Israelra hisha, hisha washophi howe‐hikjegi, deshesge ekjena: Maura Ephraim egi Manasseh hikisge ninkjanena. Egi Israel Ephraim jowera hokerena Manasseh hageja kerena.
21Egi Israel Joseph wagena: Horuxujre, jhekjanena, eshi Maura harnikishu unkjanena, egi hianj‐waraga ma harnineja harnini‐gikjanena.
22Hokiruje hisha hiraijera hornik’una warakhinubra wawirashana, she‐e Amorit nab harnineja hotusra wigijgux harnira hiau egi majgu harnira hiau.
Currently Selected:
Hogusra 48: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
