Lukga 11
11
1Egi herena, E Mau gikarajnakshana nige, jaja rashjangi hironag warnira hisha wagena: Hirukanara Mau gikarajra higiguswire, Johnga wironag warnira wagigusra shesge.
2Egi E wawagena: Jaja Mau ragikarajwigi, wawiaje: Hianjniwira wangregishanagre, rash hashinira wakanjank nigigirekjena, hungma hashinira hiraijikjawina, woshga hashinira manegi uinekjena wangregi jasge hinankhi shesge manegi hirekjena,
3Hamb de‐e waisgabduj harniwira hunkuwianje ningikarajwina,
4Egi washa woishana warniwira waigit’unawire, nishge jarnaga washingisha‐nainawira wagit’untekjawina. Inke washa woishana uwahieja hunutiwinianje, eshi wowonkjega eja hingijirawige khishibwiwianje.
5Egi wawagena: Hisha hijakorowahi nijuwingi, egi hahekissagregi hirarahiwigi egi waragawinana, hijakoronira, waisgab horok’ina dani hornaj‐hingigire.
6Hijakorohara hikiwarakhi hiraikirige esge, egi inke washa waruj hoku harninige.
7Egi jhirogeja‐jega hornihakjanena egi warnana: Inke hawewinine, jhirobra hornassajena egi ninkjangnig warnira homigregi wakarakishu hamigmankshana, inke hakikawa‐anaga hornik’u duxurugnina.
8Hinigawina: Inke hijakorohiga hawauni, kikawaanaga egi hok’uishge, hawehijege kikawa‐anana egi hok’unana jarnaga wagajegi.
9Egi hinigawina: Tawire egi hornik’uinekjanihawina, horniwine egi hish’ekjanihawina, gikogwire egi nigiruhashirekjanihawina.
10Jarnaga taga, rusankshana, egi hisha horniga hiejena, egi hisha gikoka giruhasnankshana.
11Hianjhirera hajanga hinigwarawigi waisgab ningitawigi, ini horak’uwinashe? Egi ho‐risha tagi, hotajega wakhara hisha hok’uiranashe?
12Egi wanigijge tagi, skorpionra hisha hok’uiranashe?
13Worniwank harajera reshge, ninkjang washiniwira washa phi wokarak’ura hirapereswina, Hianjrawiga wangreginagre hiraijeraxjinakshana Naxirag Wakanjangra wogakjanena jarnaga gitagi.
14Egi waxopinishishig jangra howahasjena ining hisha, egi herena, jaja waxopinishishigjega hihinabgi iningra hit’et’ena, egi wankshigra khorairena.
15Egi hota wairena: Waxopinishishigra jangra wowahasjane Be‐elsebub hiu waunjena waxopinishishig hungra.
16Egi hijanera hiunjarnakshana wangregi washa woijanti howajihi rogigunankshana.
17Egi E wowewina wawigiperesjena, wawagena: Hungmara hisha kirujekhiranaga hakikirairegi maisinshkhinanana, egi jhirisha jhi hijanera hisha hakiragi khananana.
18Egi Satan hishge kirujekhiranaga hakikirairegi, jasge hiarnaga hungma harninera nashinashe? Waxopinishishig jangra hopahasra Be‐elsebub hiaushe hishawira esge.
19Egi Be‐elsebub hiauanaga waxopinishishig hihinab hajegi, peshe hiuiranaga hinigwarawiga waxopinishishigra hihinab wahiresashe? Esge e haehire hinigiuinekjanihawina.
20Eshi Maura nab harnieja hauanjena waxopinishishig jangra hopahas‐hajane, hisgexji Maura hungma harnira hiranijiwina.
21Wang mashjara hisha wapahi hakarani jhixetera hirakara‐karagi washa warnira rashguninagnana.
22Eshi homashja waunjega hijairara hisha hirajigi egi warnanana, wapahira harnaj warnashearnaga wawinashinagra, egi wawikiweniranana.
23Hisha inke hakishu haunianjegi, inkirajanana, egi hisha inke wastohi hinkishu‐unigi, woiejanana.
24Jaja naxirag shishigra hihinabgi wangisha‐eja, mo‐wuseja howe hikiwarenana, hoxgasigi horni egi inke washienigi, e wena: Jhiwajhieja hakja wawakerekje hajinja hiahinabra.
25Egi jaja kirigi hiena gisinshjine egi phi‐uxjine.
26Egi ranaga egi naxirag hijanera shagowi rusnana, wowonk waunjera hijairara, egi hijokawairanana eja jhiranana egi wang she‐e hijaira wakinixjinana jorni e inke shesgarnishununa.
27Egi herena washa de‐e arnak’u, hinugisha worohainja uwankhi hit’at’ajirena egi wagena: Hisha unijganakhi ujra hophiowegaja, egi wasra rahina.
28Eshi Jesus wena: Hisgexjina, hophiowarnakshana jarnaga Mau hit’era naxgunga, egi giuinega.
29Egi jaja wankshignanka stoxji hajiregi, E wajirena: Wankshighoi de‐e wowonk hiregaja, washa wijanti horninank, egi inke washa wijanti wogarnikjanena, eshi Jonas prophet woijanti harnira eshana wogakjanena.
30Jonas woijanti Niniwe wankshigra wagiura, shesge hikisge nishge Wankshig‐hinigra wankshighoi de‐e wagiunkjanena.
31Hiungiwi wiorojanjeregi herera nashianaga woehi (hambeja) wankshighoi de‐e, wankshigra wakishu egi washinohire howewahikjanena, ma‐ugeja howajige esge, Salomon wowanaiksabra naxgujina, egi horuxujwire, Salomonga hiraijeraisha egi jena.
32Wankshig Niniweja herera nashinekjanena woehi hambeja wankshighoi de‐e wakishu, egi washinohire howe wahirekjanena. Jonas wahokhuna washa woishanara najgerakarateg hirege, egi horuxujwire, Jonasga hiraijeraisha higijena.
33Inke hisha hiratashakerehira hisha taehigi nuxawa kereninana, inke shige kog khuhainja kereninana eshi hiratashakerehi hakereja kerenana, e hisha hijokewegi hohamb hajakjege.
34Rora hatasha harnira hishjasura herena, esge hishjasu hashinira phinakhi, ro hashinira hishge hohambra hoixjinana, eshi hishjasu hashinira shishighi, hishge ro hashinira hokawasra hoixjinana.
35Esge hirakara uwine, hohamb horniuhajega inke hokawasnikjena.
36Ro hashinira harnaj hohambra hornixjirajegi inke nige hornikawasnigi, harnaj hohambra hornixjina. Iratashakerehi hambjisha hohamb ningigina.
37Egi hit’at’arnaku Pharise hisha waruj shi‐jina egi hijokewena, egi minagshana warujeja.
38Egi Pharisenaka hajagi khorena inke jorni kikurusharnaga warujnigi.
39Egi Hirukanara wagena: Pharise raniwira ni‐wirajgara egi wasgera hihagra sge‐warawina, eshi rog hashinira washa wanashekera hornixjina egi wowongra.
40Inke warnainijuni, inke erenishe hisha hihagra waunjera, shige rogra waunjera?
41Washa jagu hashinirajegi woragagi egi horuxujwire washara harnaj sge‐wanigigirekjanena.
42Harawekjanihawina Pharisera hikerepanaishera woragarna mintra egi rutra egi xawiabxete hokirajra harnaj egi woehira haraixa hashawankshana egi Mau wogixetera, washa de‐e wauphiraniwingaja egi shige hijanenanka wauphiraniwingaja.
43Harawekjanihawina Pharisera wohokhu‐hojhieja waminag hankshieja minagra raiphiwinge, egi hikaragirera raiphi harajena woruwieja.
44Harawekjanihawina wowagax hiperesra egi Pharisera hipokritra warnaxiomig nuxawanisge raniwina, egi warnaxiomig ejanankhi inke wawiperes‐hirani wankshigra eahi howarnankshana.
45Egi waehinanka hisha horniharna egi wagena: Wawagaxhajawagigira, washa de‐e hishare nishge hiroshig hinawina.
46Egi Jesus wena: Nishge waehira harawekjanihawina, wankshignagre wak’in sgingerexji gki‐waragigi harajege esge, egi inke nexji wak’in de‐e nab washinira hishankira rareshge hishuanaga hirakish’ornina.
47Harawekjanihawina, warnaxihoshu prophetra waragish’uwianaga egi hianjwarawiga d’ewahirena.
48Hisgexji hosharagharajena hianjwarawiga woshgana waragiphi harajena, egi d’ewahirena, egi warnaxihoshura wash’uwina.
49Esge hishge Maura wowanaiksab harnira wena: Prophetra rewagigikjanena egi Apostelra, egi hota d’ewahirekjanena egi hinigishanainekjanihawina.
50Prophetra harnaj wa‐i warninera managre jeg‐jinagreja wa‐i xuwahirena wankshighoi de‐e hirawairekjanena.
51Abel wa‐i harnira eparnaga Saxarias wa‐i earnieja, Altar wohokhu‐hojhixete hojakenainja e d’ena. Hisgexjina hinigawina: wankshighoi de‐e hirawairekjanena.
52Harawekjanihawina waehira, hiperesra hiruhasra shuruswige. Inke ne hija horakawawinina, egi hijokewenainegashge roraxiharajena.
53Egi washa de‐e wawigena, wowagax hiperesra egi Pharisera mashja wogiteghirena egi washara rohaxji higiwaxhirena.
54Hape git’umbhiranaga egi hogininakshana washanisha eegi harukos‐hirekjege. E higiuinarnaga.
Currently Selected:
Lukga 11: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
