Lukga 14
14
1Egi herena, jaja (Jesus) Pharise xetera wojhirera hisha hokewena, Sabath hambregi, waisgab ruj‐hirena egi hirakarairena.
2Egi horuxujre, wangisha ejanakshana jowehieja, dropsi uisha.
3Egi Jesus horniharna waehira egi Pharisera wokit’ena, wawagena: Jasge roxireshe Sabath hambregi rushjahira?
4Egi inke xab‐hiranina. Egi harnijinaganaga egi rushjahina, egi keregigina.
5Egi wawagena: Hajanga shungxetenajawaxetera nigeshge je‐warutira hisha hashiniwingi mopoxeja hoshibregi, jasge inke higuana anat’umb‐wininashe Sabath hambregi?
6Egi de‐e inke hornigiha ruxurug hiranina.
7Egi washa hisgera wawigena waruj washirera, jaja hajagi waminag hankshi gija haminaghiregi, wawagena:
8Jaja hisha hinugkanag worujeja waruj nishirawigi, inke waminag hankshieja minagnianje, nigede‐e hijaira gish’aghirera hisha waruj‐shirege,
9Egi waruj‐nishijega e hiranijianaga egi wanigekjanena, wang de‐e girukore, egi hironishikjanena waminag hokushinig eja mishanagkhi.
10Eshi jaja warujnishiregi, ranaga egi waminag hokushinigeja minagaje, egi jaja warujnishijega jigi, wanigekjanena: Hijakoronina, hankshira howarare, egi nigishaghirekjanena jarnaga hijakhi waruj warakishushungi.
11Higu peshe rokanakhingi, woiroshig‐gesgeja kererekjanena, egi higu peshe xunu‐hakikaranigi, e rokana hiranainekjanena.
12Egi Jesus hishge waruj‐washijega wagena: Jaja wirarojonje woruj shungi, nigeshge hoxjarna woruj shungi inke hijakorowaraga wagigornianje, egi inke warakhinubra, egi inke washawaraga, egi inke hitaje wawirakishuwusunsh rajira, nigete nishge waruj‐nishirege e shesgehiregi hironigiwarnana.
13Eshi jaja waruj waragishungi, wanajojaisgera, hokishigra, manirush’agra, hishjarningra waruj washiaje.
14Egi wornigishawakjanena, inke hirowenigigi ruxurug hiranikjanege, eshi hironigiwekjanena, phira wankshig’inegi.
15Egi jaja waruj wakishu unaka hisha washa de‐e naxgungi, wagena: Wogishawaxjinkjanena hisha Maura hungma harnieja waisgab rujgi.
16Egi Jesus wagena: Wankshig hisha hoxjarna woruj xete una egi roha waruj‐shina.
17Egi ware warnira rewagigina warujra heregi, waruj washirera huwire wigairena, washara harnaj hirushjaginige esge.
18Egi harnaj warnaina horeishankira hirena washina rashja hajiarairena: Jegejajega wena: Ma nige duwina egi jasgegi hija wawatanaga hajhakjanena, ningikarajshana inke washingiranikjena.
19Egi hijaneisha wena: Jhe‐waruti horusgijra saja duwina egi hiaunja tekjanena, ningikarajshana inke washingiranikjena.
20Egi hijaneisha wena: Hinug hakanake esge inke hiduxurugnina.
21Egi warajega gina egi hirukanara washa de‐e hogiragshana egi jhi‐hirukanara wogitegshana, egi ware harnira wagena: Xapge jhinag nagu‐hoxeteja howarare egi nagu‐hoxununigeja, egi wanajojaisgera warnikiriaje, egi hokishigra egi manirushagra, egi hishjaningra.
22Egi warajega wena: Hirukanara jagu uinashira hauna egi higu hokaragiagshana.
23Egi hirukanara warajega wagena: Nagu‐hoxeteja howarare egi nawajageja egi waraxurugna‐ianje hokawairekjena, jhi harnira e hoixjinkjege.
24Hisgexji wanigena: Jarnaga wankshigra waruj washirera inke hisha hoxjarnaworuj harnira harajabnikjanena.
25Egi worohaxji hironakshana, egi hakjambanaga egi wawagena:
26Hisha hiraijiarnaga egi inke hianjra hokarash’ignigi egi hiunira egi hijawira egi ninkjangnigra egi wangwakhinubra egi hinugwakhinubra egi hishge wankshighoi harnira reshge, inke hironag nearninikjanena.
27Egi higu peshe inke nanamihera kuruk’inianaga egi hiroinaginigi inke hironag nearninikjanena.
28Egi higu hajanga jhi‐hankshira hisha sh’unkjawi hirarawigi, jasge inke jorni mishanagwianaga egi hiraikarabwininashe jarnaga hikisgekjanegi, jhi hiura hina harnigi unjebhinana?
29Inke shesge hinigi, wakik’unana jhi‐haminagra hija washugaja hageja inke unjebi ruxurugnigi, harnaj hajairegi igixja hajiarairanana,
30Wairanana: Wang de‐e jhi‐unaguni egi inke unjebi ruxurugnina.
31Shige egi hung jagurisha, hung hijanera hisha kisaikorohogi, jasge inke jorni minaganaga, egi haekaragininashe, jasgekjanegi hogihixete‐kerepanaisha wirakira ruxurugkjanegi, hahuhairegi wakirakjanegi hogihixetekerepananup hiuinekjanegi?
32Inke shesge ruxurugnigi, hijanenanka higu harixji hahuhairegi, woragra regiginana, egi washanisha wagiuankhi wagi‐uanaga rashguni hirekje karatanana.
33Jarnaga raniwira shenisga winana, jarnaga washara harnijegi, inke harnajwat’uranigi inke wironag Ne‐harnininana.
34Nisgura phina, eshi nisgura hosgura gixawanigi, jasgeranaga hosgura k’uranashe?
35Inke maxeja hiuphininana, egi shige inke wanoijge wakereja hiuphininana, eshi wankshigra jangra hot’unanana. Higu peshe nuxhopox winaxgu jungi, naxgu hiwiaje.
Currently Selected:
Lukga 14: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
