Lukga 15
15
1Egi Publikanra egi washa woishana ura harnaj haruxa hiwusunsh howahuirena harnaxgu.
2Egi Pharisera egi wowagax hiperesra haehinankshana, wairena: Wang de‐e washa woishana ura warusjena egi waruj wakishu unjena.
3Egi Jesus washa hisgera de‐e wawigena, wena:
4Wankshig raniwira hisha jhasgara hogihisha hashiniwingi, hisha xawarnihigi, jasge inke kerepana‐hishankijushgunianaga‐hishankijushguni‐hashananka mojainainja washuarnaga egi xawarniga horni rarninashe, jaja hiegishana rushjarnana?
5Egi jaja hiegi, hinej hihageja hakanaganaga wogishawagnana.
6Egi jaja jhieja gigi hijakorowahira sto‐wahinana egi wawikiwusunsh jhira, wawagarnana: Wogishawa hinkishu uwine, jhasga harnira, xawarnira hiak’ege esge.
7Hinigawina, shesgarnakshana wangregi herera hiraijera wogishawarnankshana washa woishana ura hisha najgerakarateka, kerepana‐hishankijushgunianaga‐hishankijushguni‐hashana wankshig phira e inke washa woishanana najgerakarategra hiuninanka she‐e worujis hiranana.
8Egi shige hinug jagurisha shurasgara kerepanaisha harnigi, hisha xawarnihigi, jasge inke hiratashakerehira hisha tae hininashe, egi jhira gisinshninashe, egi hornina uxjianaga jaja hiegishana rushjanashe?
9Egi jaja hiegi hijakoro wahira egi wawikiwusunsh jhira sto‐wahinana warnana: Wogishawa hinkishu uwine shurasgaisha xawarnihara hiak’ege esge.
10Esge wanigawina: Eja wogishawarnankshana waxopiniwarajirera Maura jowehieja, washa woishana ura hisha najgerakarateka.
11Egi Jesus wena: Wankshig hisha nupiwi hinighina.
12Egi xunujega hianjra wagena: Jaji jarnaga washara harnigi hunkaraik’une, egi washara khiruje wagigina.
13Egi inke hambra rohani hageja hinighire xunujega washara harnaj sto‐wakaragiarnaga egi ma‐harixji hikiwararena, egi eja hahi washa warnigi wowonk hishena wahina.
14Egi jaja harnaj shena wahigaja, ma‐eja dokewehira rokanainena, egi waruges jijena.
15Egi rarnaga egi ma‐eja hereisha eja herekhina, egi xguxguishe hirakara regigirena.
16Egi xguxguishe washa ha rujnankhi warogiguxjina, egi inke hisha hok’uinanina.
17Egi jaja warnaina gikirigi, wena: Warera roha jajiga narnianaga, warujra hina‐uinanaga egi roha hakhinineshununa egi dokewehi‐jehiakowho!
18Nashianaga egi jajiga eja wawakerekje, egi wagekje: Jaji wangregirera washa woishana hagiungaja egi joweraregi,
19Egi inke hinupahana hinig higikaraj phianinigaja, wanigitekjena ware hiune.
20Egi nashianaga, egi hianjra eowakerena. Egi higu harixji karaha‐u, hianjra hajarna, egi najogijana, egi nuwangshana, egi jashera nat’umbanaga iokiwankshana.
21Egi hinighirajega wena: Jaji wangregi herera washa woishana hagiungaja egi joweraregi, egi inke hinupahana hinig higikaraj phianinigaja.
22Eshi hianjra ware warnira wawagena: Waini phixjina warnijiwire egi wogiaxugwire, egi nabhirusgij hisha nabeja hogiwaxugwire, egi waguje hojangigiwire.
23Egi je‐ningsi shina hagurawire egi d’ehiwire, egi hiwaruijawina, egi hiwogishawakjawina.
24De‐e hinighara d’egajerera egi shige niambgejini esge. Xawarnigajerena egi hierena. Egi wogishawa hajiarairena.
25Egi hinighire xetera max‐eja unjena, egi gurna egi jhira hiwusunsh kirigi, nawara warnaxguna egi washira.
26Egi warananka hisha gigorna egi higiwaxshana washa de‐e jagu‐u waunankhi.
27Egi wagena: Rakhinubra kirina, egi hianjraga je‐ningsi shina d’ehina, wanaishguni egi shja kurusge esge.
28Egi wogitegshana egi inke hijokawanina. Esge hianjra hihinabshana egi hijokewenangi‐ina.
29Egi horniharna hianjra wagena: Horuxujre, ma rohaxji warnigitegaja, inkaga u‐washi hashinira hiningishananigaja, egi inkaga jarnaxningra hisha hunak’unina, e hijakoro‐wahara wogishawa wakishu haunana.
30Eshi higu jaja hinigra de‐e kirigi, je‐ningsi shina d’eragigina, e washa washinira shena wanigigina hinug wowonk’geja.
31Egi wagena: Hinighaxji, hoishib hinakishu sh’una, egi jarnaga washanira newashinina.
32Hisgenaje hiwauwinana hiwogishawawigishi egi hingiphiwigi, de‐e rakhinubra herera d’egajerena, egi shige niambshana, egi xawanigajerena, egi shige hierege esge.
Currently Selected:
Lukga 15: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
