Lukga 2
2
1Egi hambeja herena, Kaiser Augustus managre harnaj kiwagax wa’shina.
2Kiwagax de‐e jeguinena, egi Sirenius Siria mowagaxra hirukanaregi.
3Egi harnaj kiwagax harairena, jarnagaka jhinag warnineja howakarairena.
4Egi Josephga hishge rena Galilea mowagaxeja howahi, jhinag Nasareth eja Judea mowagaxeja howarena Dawid jhinag harnieja Bethlehem higairera, Dawid e washahina eojhieja herege esge.
5Maria kanaikjanera hakishu kiwagaixjanera, waujganagjena.
6Egi eja hahiregaja, hojura higirena.
7Egi hojinjinig hisha eja jeg harnira, egi hiroru hirowejainena egi wanoijge worujeja hot’umbhirena, hikiwarehojhira hokira‐shirirege esge.
8Egi ma‐eja jhasga hirakara maxeja unankshana, jhasga hornihera haheregi wirakara‐nankshana.
9Egi horuxujre, Hirukanara waxopiniwarajire warnira hisha wirajina, egi Hirukanara hohambji harnira hatasha hirakere wahina, egi naxirera rokanainena.
10Egi waxopiniwarajirajega wawagena: Inke naxirawinine, horuxujwire worag phi harnigarni hajiwina, wogishawaxji wahi wankshignagre harnaj harninena.
11Dawid jhinag harninegi hamb de‐e wankshig‐hoi ruxurughisha wankshigningi‐iwina Kristus Hirukanara erena.
12Egi de‐e wijanti ningiuwina, ninkjangnigra hish’ekjanihawina hiroru hiroweja, wanoijge woruje‐jakshana.
13Egi higuana waxopiniwarajirajega wakishu worohaxji waxopiniwarajirera wangregi howajina, Maura rajanknankshana egi wairena:
14Mau wangregi shanagre nirajankhirekjanena, egi manegirera rashguni hirekjane, egi wankshigra warakaraiphina.
15Egi herena, jaja waxopiniwarajirera nigehowakarairegi wangregi howakarairena, wankshig jhasgairakaranaka wakigairena: Higuana Bethlehem howainekjawina egi washaisha herere hajainekjawina Hirukanara hiperes‐wangahiwire.
16Egi hikuhe harairena, egi Maria egi Joseph wierena, egi ninkjangnigra wanoijge woruje‐jakshana.
17Egi jaja hajairegi, howe‐wogiraghirena ninkjang de‐e hogirag‐hirawigi.
18Egi washa de‐e jarnaga naxgungi, khorairena jhasgairakarananka eoragnanke.
19Egi Maria washa de‐e harnaj warussana egi najgeja howairewahiarnaga wawewinankshana.
20Egi jhasgairakarananka hakja karairena, gloriajena egi Maura rajanghirena, washara jarnaga naxguinega egi hajairega, wawogiraghirege esge.
21Egi jaja hamb haruangahangi ninkjangra majera houna higirena, rashra Jesus higairena, waxopiniwarajirera shesge higairege, kheni ujganag hirani.
22Egi jaja hokikurusha hambra higiregi, Mosesga woehi harnira hiu, Jerusalem‐eja harniahirena, Hirukanara giwahahi.
23Hirukanara woehi harnira shesge wagaxankshana: Wangra jarnaga jorni wajuinegi Hirukanara wakanjank harnira higairekjanena.
24Egi nabgiruxaj hirekjanena Hirukanara woehi harnira jagu agra e hiuinekjanena, rujgera nup nigeshge rujge ningra nupiwi.
25Egi horuxujre, Jerusalem‐eja wankshigisha jena, Simeon higairena, egi wankshig de‐e phina egi Mau wogixeteisha herena, Israel warukheg harninera hapejena, egi Naxirag Wakanjangra hakishu unjena.
26Egi Naxirag Wakanjangra hiperes‐hina inke d’arnikjanegi, jorni Hirukanara Kristus harnira hajakjanena.
27Egi Naxirag‐jega waunge wohokhu‐hojhixeteja jina, egi jaja shagwahira harniahiregi ninkjang Jesus, woehira jagu akhi giuinarnaga,
28(Simeon) rus‐anaga ruana, egi Maura rajankshana egi wena:
29Hirukanara shegunegi ware hashinira rashguni khirujekjanena, shesge hunagisharagra hoit’e hashinieja.
30Hishjasu harnira hirajharna wankshighoi ruxurug hashinira.
31Wankshig hokirajra hishja jowehireja agiwaragikerena.
32Hohambra hirarujeregi herera hohamb wagigikjanena, egi wankshig washinira Israel warajankhirekjanena.
33Egi Joseph egi hiunira khorairena washa higajane.
34Egi Simeon hophiowe warogiguna egi Maria wagena hiunira: Horuxujre, ninkjang de‐e hoshibraireja kererena, egi shige roha Israel khikawa‐ahikjanena egi wijantinkjanena washa khibagigiregi.
35Hishge najge hashinira wigijgux hiniwapoixjanena, najgera roha wowewi warninera wikaraperes‐hirekjanege.
36Egi eja prophet hinugia jena Anna higairera Phanuel hinugra, Aser wankshig howajehi eja hereisha, hinugjega shagjina egi wajegniharegi hikanara ma shagowiha hakishuna.
37Egi hikanagit’ena ejaxji ma kerepana‐haruangahanaga jop hashanaguni, e hinke wohokhu‐hojhixeteja nigeowakaranina, eshi Maura wagirajena, hantaginaj egi gikaraj‐jena, hahera egi hambra wiu.
38Egi hinugjega howagixeja jina, hishge Hirukanara waiginapshana, egi haehina jarnaga wakuruwina hapenankhi Jerusalem‐eja.
39Egi jaja washara harnaj uinegi Hirukanara woehi harnira hiu, egi Galilea mowagaxeja hakja howakarairena, jhinag earnieja Nasareth.
40Egi ninkjangnigra hoxetera tirena egi mashjana naxiragra, washinperesra rokanana egi Maura najojara hakishu unjena.
41Egi shagwahira Jerusalem‐eja hahireshununa mokahi Pasxa worujeja.
42Egi jaja Jesus ma kerepanaishanaga nup‐hashanahangi, Jerusalemra howarairena, woruj houna uinegi.
43Egi jaja hambra woishib‐hiregi, hakarairena, ninkjangnigra Jesus hageja Jerusalem‐eja unjena egi Joseph egi hiunira inke hiperes‐hiranina.
44Egi worohainja u‐ankuni hirairena, hambisha hikiwarera uinena, egi horninena washawahireja egi wawikiperes‐hireja.
45Egi jaja inke hieranigi, shige Jerusalem‐eja hakja howarairena, horni.
46Egi herena, hambra danihangaja wohokhu‐hojhixeteja hierena, wawagaxhajawagigi hung horogeja minaganankshana harnakixgunakshana egi wawigiwaxjena.
47Egi jarnaga naxgungi xix‐hirena hornaxgu harnira egi wornigihara.
48Egi jaja shagwahira hajairegi khorairena egi hiunira wena: Hinighaxji, jagu‐u wairagish’uishe? horuxujre hianjraga egi ne najgerateg horninihajawina.
49Egi wawagena: Jasgegaja hunarniharajeshe, inkejagu hiraperes‐winishe, Jajiga washa warnieja jasgegi hauanjekjanera?
50Egi inke naxguhiranina jagu ewegi.
51Egi wakishu kerena, egi Nasaretheja hagirena, egi wanakarax‐guxjina. Egi hiunira washa are harnaj warussana najge earnieja.
52Egi Jesus washinperesra direxjina, egi rora xeteharena egi Maura najojana egi wankshig najojana direxjina.
Currently Selected:
Lukga 2: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
