Lukga 3
3
1Egi ma kerepana‐haishanaga hisaja‐hashanainja Tiberius Kaiser herenak’u, egi Pontius Pilatus Judea mowagaxra hirukananakshana, egi Herodes tetrarxra erena Galilea mowagaxeja, egi khinubra Philip tetrarxra erena Iturea mowagaxeja, egi Traxonitis mara, egi Lisanias tetrarxra erena Abilene mowagaxeja,
2Annas egi Kaiaphas nabhoruxaj hirukana hungra e hererena, egi eja Johnga Mau hoit’era hirajina, Saxarias hinigra mojainainja.
3Egi Jordan mara haji harnaj houna, egi ni‐wawaxu wihokhujena najgerakarateg‐hiregi washa woishanara wagit’unainekjanena.
4Deshesge wagaxshana wowagaxeja Esaias prophet hoit’e harnieja, ena: Wahokhuisha mojainainja hora jantinjena, Hirukanara howera hirushjagigire egi nagura roja gigire.
5Mokushira harnaj hoixjinekjanena, egi xexetera egi xera harnaj mokushieja washurekjanena, egi kshekshegra roja wahirekjanena, egi nagu hokirushgishgira hassanas wahirekjanena.
6Egi rora Maura wankshighoi ruxurug harnira harnaj hajairekjanena.
7Egi worohanka Johnga wawagena, ni‐wawaxunkjege hirahinankhi: Wakha wankshighi‐inharajane, peshe hornigiragwigaja ragigiaswishe, wogitegra jikjanegi?
8Esge has phi haminagwire najgera karategwige, egi inke shesge hirawinianje, Abraham hianj‐hawira heregaja. Hisgexji warnigawina: Maura ruxurugnankshana ininagre kikawa‐awahianaga Abraham ninkjang warninana.
9Egi shegunegi na‐nanka rejueja masra agi hagarninankshana, egi nara jarnaga inke has phi haminagnigi waiwank‐hirekjanena, egi pej‐eja wot’unairekjanena.
10Egi wankshigra higiwaxhirena, wairena: Jasge hakjanihawishe?
11Horniharna egi wawagena: Hisha wonashina nup harnijegi, hisha jushgunijegi hok’uwianje. Egi hisha waruj harnijegi, shesge shige hikjena.
12Egi hishge Publikanra hajirena ni‐wawaxu hirekjege, egi wagairena: Hirukanara, jasge hakjanihawishe?
13Egi wawagena: Jarnaga rus‐nishirawigi inke hijaira rus‐winianje.
14Egi manapera hishge higiwaxhirena, wairena: Jasge hakjanihawishe? Egi wawagena: Inke hisha washangishgawinianje, inke hisha washa wowonk giuwinianje, egi jasge hinigikisge harajegi giphiwianje.
15Egi wankshignanka karakjambnankhi, egi wankshignanka harnaj shesge hiranankshana Johnga Kristus e hereguni nigeshge inke ereniguni hirairena.
16Johnga horniharna egi harnaj wawagena: Hisgexji ni‐wagiu hajena harnipax‐uanjane, eshi hisha hiraijerana hajire, waguje sika harnira inke girushge duxurugnina inke washa hiakisgarni hajege esge. E Naxirag Wakanjangra harniwaxun‐kjarnihawina egi pej hirassa.
17Waisgab poroporo hiwamaxisha harnijena, egi waisgab hoisu hou harnira sge‐karagikjanena, egi waisgabhojhieja waisgab warnira hosto wahikjanena, eshi waisgabhara daxu wahikjanena manegus pej‐eja.
18Egi washa hijanera roha wihokhuna egi wankshigra wogiragshana.
19Egi Herodes tetrarx‐hisha herena Johnga higibarna, Herodias hawau e Herodes khinubra Philipga hijawira heregajerena, egi Herodes jarnaga washinohirera ungi Johnga higena.
20Washinohira de‐e hijokshuna Johnga jhi‐hornassena.
21Egi jaja wankshigra harnaj ni‐wawaxuinegi, egi herena Jesus hishge ni‐hawaxuinena, egi Maura gikarajjau, wangregi gihas‐jijena,
22Egi Naxirag Wakanjangra harnukanag huna ro‐jun rujge sganisge hihageja hajijena, egi wangregi hit’et’e howajina e wena: Hinignira wornigixetera neninena, ninkaraiphixjishununa.
23Egi Jesus ma kerepana‐daniha harena Josephga E hinig higuni hirairena, Joseph Heli e hinigra herena,
24E Matthat hinigra herena, e Lewi hinigra herena, e Melxi hinigra herena, e Janna hinigra herena, e Joseph hinigra herena,
25E Mattathias hinigra herena, e Amos hinigra herena, e Naum hinigra herena, e Esli hinigra herena, e Nagge hinigra herena,
26E Ma‐ath hinigra herena, e Mattathias hinigra herena, e Semei hinigra herena, e Joseph hinigra herena, e Juda hinigra herena,
27E Joanna hinigra herena, e Rhesa hinigra herena, e Sorobabel hinigra herena, e Salathiel hinigra herena, e Neri hinigra herena,
28E Melxi hinigra herena, e Addi hinigra herena, e Kosam hinigra herena, e Elmodam hinigra herena, e Er hinigra herena,
29E Jose hinigra herena, e Elieser hinigra herena, e Jorim hinigra herena, e Matthat hinigra herena, e Lewi hinigra herena,
30E Simeon hinigra herena, e Juda hinigra herena, e Joseph hinigra herena, e Jonam hinigra herena, e Eliakim hinigra herena,
31E Melea hinigra herena, e Menan hinigra herena, e Mattatha hinigra herena, e Nathan hinigra herena, e Dawid hinigra herena,
32E Jesse hinigra herena, e Obed hinigra herena, e Boas hinigra herena, e Salmon hinigra herena, e Na‐asson hinigra herena,
33E Aminadab hinigra herena, e Aram hinigra herena, e Esrom hinigra herena, e Phares hinigra herena, e Juda hinigra herena,
34E Jakob hinigra herena, e Isaak hinigra herena, e Abraham hinigra herena, e Thara hinigra herena, e Naxor hinigra herena,
35E Sarux hinigra herena, e Ragau hinigra herena, e Phalek hinigra herena, e Heber hinigra herena, e Sala hinigra herena,
36E Kainan hinigra herena, e Arphaksad hinigra herena, e Sem hinigra herena, e Noah hinigra herena, e Lamex hinigra herena,
37E Mathusala hinigra herena, e Enox hinigra herena, e Jared hinigra herena, e Me‐le‐le‐el hinigra herena, e Kainan hinigra herena,
38E Enos hinigra herena, e Seth hinigra herena, e Adam hinigra herena, e Maura harnira herena.
Currently Selected:
Lukga 3: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
