Lukga 4
4
1Egi Jesus Naxirag Wakanjangra hoixjingi, Jordan eja unjegi kerena, egi Naxiragra wauna mojainainja howarehina.
2Egi hambra kerepana‐jobaha waxopinishishigra washinohire u‐nangi‐inena. Egi hambananka eja inke washanisha rujnina, egi jaja hambananka rushjainegi hageja dokewehina.
3Egi waxopinishishigjega wagena: Maura hinigra neninegishi, ininagre higarnaga waisgabduj jinaikjena.
4Egi Jesus horniharna egi wena: Wagaxankshana, wankshigjane inke waisgabdujrashana wankshighi‐inijena, eshi Maura hoit’e harnira harnaj.
5Egi waxopinishishigjega xexete hankshi hihageja harnihina egi manegi hung‐mara harnaj hajagigina xapgexjinig.
6Egi waxopinishishigjega wagena: Homashja de‐e harnaj hornikunkjena egi gloria warninera, de‐e hingirushja huhina, egi peshe hiaregi wak’unana.
7Hinagikarajgi harnaj ne‐washinikjanena.
8Egi Jesus horniharna egi wagena: Hijahi howeune Satanra, shesge wagaxankshana: Hirukanara Mau‐hashinira gikarajre, egi eshana waragisherekjanena.
9Egi Jerusalem‐eja harnihina wohokhu‐hojhixete hihageja kerena, egi wagena: Maura Hinigra neninegishi, egi dambre.
10Shesge wagaxankshana: Waxopiniwarajire warnira u‐washianaga haji horniuinarnaga hiranikarairekjena,
11Egi nabra wikuinarnaga nirua uinekjena inke sihashinira inieja hirokijianaga washanigishganikjena.
12Egi Jesus horniharna egi wagena: Shesge akshana: Inke Hirukana Mau‐hashinira gishjarnina.
13Egi jaja waxopinishishigjega washinohire unagi‐ira harnaj girashjangi, nigiowakerena jakojank.
14Egi Jesus Naxirag homashjara hakishu Galilea‐eja howakerena egi eja manaka harnaj hornaxguinena.
15Egi washa wagigussana wohokhu‐hojhi warnineja, egi harnaj rajangirena.
16Egi Nasareth‐eja kirina, hajinja hoxetera eja. Egi houna shegu hishununa, Sabath hambgi wohokhu‐hojhieja hina, egi nashianaga (Mau hoit’era) ena.
17Egi eja prophet Esaias wawagax harnira hokuinena. Egi jaja wawagaxra ruhasgi, wowagax de‐e eja hiena:
18Hirukanara Naxirag harnira hakishu hauanjena, esge hiwaxuna, worag‐phina wanajojaisgera wihowakhunkjege, egi huingigina najgesdagra rushjawahakjege.
19Hornassairera hokishib wagitag hajina, egi hishjarningra rushjairarnaga wajairekje, hikikurukana wagigikjanena jarnaga hiniankhi, egi Hirukanara ma‐phi harnira wagitaghajena.
20Egi wawagaxra harukana, egi warajega shige hokaraik’una, egi minagshana. Egi hishjasura jarnaga wohokhu‐hojhiejakhi harnaj horuxujhirena.
21Egi wawagajirena, hamb de‐e wowagax de‐e jagu agre herena nanaxguwina.
22Egi harnaj giphineshe higairena, egi khorairena hoit’e phixji i‐harnieja axebhiga. Egi wairena: Inke de‐e Josephga hinigra herenishe?
23Egi wawagena: Jasgegi hoit’e de‐e hinagekjanihawina, makanira rushjakhina. Jagu Kapernaum‐eja sh’usa nanixguwishunura, ma‐hashinieja hishge shesge hire.
24Egi wena: Hisgexjina hinigawina, inke prophetra hisha e mojabeja karaishag hiranina.
25Jagu hinigajane hisgexjina, hikanagitera roha Israeleja nihena Elias wankshig‐hoiniheja jaja maxira hornassairera ma daniha egi wi hakeweha, egi managre harnaj dokewehirena,
26Eshi jarnagaka inkisha Elias eja howaregigiranina, eshana Sarepta hirahina Sidon jhinageja, hinugisha hirahina hikanagit’eisha.
27Egi Lepra roha Israel‐eja nihena Elisa prophet wankshig‐hoiniheja, egi hanke hisha rushjahiranina, eshana Naeman Sirian‐eja hereisha.
28Egi jarnaga wohokhu‐hojhiejakhi washa de‐e naxguinegi, wogitegra rokanainena.
29Egi nashinena, egi jhinag jangeja hot’unairena, egi jhinaganaka xe‐hihagra haminagshana, xe‐hihag hipaeja harniahirena, eja kemakere hot’unairekjege.
30Eshi horoghireja howakiriguna, nigeowakerena.
31Egi Kapernaum‐eja kirina, Galilea mowagax jhinaghisha, egi washa wagigus‐shana Sabath hambgi.
32Egi khorairena wogus earnira, hoit’e harnira homashja hakishujege esge.
33Egi wohokhu‐hojhieja wankshigisha jena, waxopinishishig naxirag harnijena, egi mashja uwarna,
34Wena: Shegu unjewiwine, jagu ningi’uanjeshe, Jesus Nasareth‐eja ninegaja? Maisinsh hinarajiwishe? Hiniperes‐shana peshe ninera, Hishankira Wakanjangra Maura eja howaji.
35Egi Jesus winakewehina, wena: Xapguni nashinge, egi eja hihinabre. Egi jaja waxopinishishigjega mainja hot’unegi horogeja, egi eja hihinabshana, inke washangishganina.
36Egi harnaj khorairena, egi hokikit’airena, wairena: De‐e hoit’e jaguisha hereshe? Egi homashjana egi ruxurugkaja naxirag shishigra u‐washira, egi hihinabhirena.
37Egi hornaxguinena manaka harnaj egi hogigixanka.
38Egi nashianaga wohokhu‐hojhieja hihinabshana, egi Simon hojhieja hokewena. Egi Simon hijawina hiunira rotakajura rokanana, egi gikarajhirena hinuganka eja.
39Egi hija hijena, egi rotakajanka ushina, egi rushjana, egi higuana kikawa‐ana, egi wawagirena.
40Jaja wira hire‐ikorohogi, egi jarnaga howashakhi howasha hokirajra wagarni hajirena, egi jarnagaka harnaj wawikiorna, egi rushjawahina.
41Egi waxopinishishigra hishge roha hihinabshana, uwainena egi warnakshana: Kristus Maura Hinigra neninegaja. Egi winakewewahina inke hit’at’awinine, hiperesnankshana Kristus herejera.
42Egi jaja hamb‐hakirigi, nigeowarena mojainainja, egi wankshigananka horninena, egi hirahirena, egi eja hiwushairena, inke nigeowe wat’uneranikjege.
43Egi wawagena: Jasgegi Maura hungma harnira wihowakhukjanena hishge jhinag hijanenagre, esge huingigirena.
44Egi wahokhuna wohokhu‐hojhi Galilea mowagaxeja.
Currently Selected:
Lukga 4: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
