Lukga 9
9
1Egi Jesus nuphashanara hironag warnira stowakaragina, egi homashja wogarna egi waxopinishishigra wirukana wagigina egi howashara rushjawahi wagigina.
2Egi Maura hungma harnira wihokhu rewagigina, egi howashara rushjawahi.
3Egi Jesus wawagena: Hikiwarera inke washa harnirawinine. Inke hissagu, shige panra, shige waisgabdujra, shige shurara, shige wonashixetera nupshana harnirawinianje.
4Egi jhi jagura eja hisha horakawawigi eja hiwushawiaje egi eja shige rawiaje.
5Egi higu peshe inke hokewe‐ningigirawinigi, jaja jhinag eja hirahishanaib‐jawigi, majushishig si‐washiniwiejanankhi warnakara jowiaje, wihohira wakirakjanena.
6Egi harairena, egi jhinagra wo’uanairena worag phira wihokhu egi higu hajinja howashairegi rushjawahirena.
7Egi Herodes tetrarxga, washara jarnaga Jesus wagiunga harnaj naxguna, jagu ekjenisgena, hota wairena: Johnga d’arnanka eja howakiri niambshana airege esge.
8Egi hota, Elias axebshana airena, egi hijanera, prophet shagisha shige niambshana.
9Egi Herodes wena: Johnga para haiwaxra, eshi de‐e peshe hereshe washa de‐shesge naxgunagre? Egi haja roguxjina.
10Egi Apostelra jaja hakja hagiregi, hogiraghirena harnaj jagu uinegi. Egi Jesus wakishurena egi inekhi mojainainja herena howarega, jhinagisha eja Bethsaida higairera.
11Egi wankshigra jaja hiperes‐hiregi, hironaghirena. Egi warussana, egi Maura hungma harnira wirokit’ena, egi howashara rushjawahina, jarnaga rushjangi phinagi.
12Egi jaja hoxjarnanegi, nup‐hashanara hajirena egi wagairena: Worohangre kerewagigire, e jhinageja howakarairekjena egi jhinag xununigeja hogigixangre, egi hornainja egi waruj kirus‐hirekjena, mojainanegi hiuanjege esge.
13Eshi Jesus Wawagena: Ne waruj wogawire. Egi wairena: Waisgab‐horok’ina sajanaga egi hora nupiwi shegunkire harniwina. Eshi wankshig de‐e harnaj waruj wagiruwi regishana hereshgunina.
14Ejaxji wangra hogihixete‐sajanguni. Egi hironaghirera wawagena: Minag wagigiwire kerepana‐sajashana stominag hirekjena.
15Egi shesge hirena, egi harnaj minag wagigirena.
16Egi waisgab‐horok’in sajanka egi ho nupahanka warussana, egi wangeja horuxujshana, wainabshana egi warujhena egi hironaghirera wawogarna egi worohanka eja wawigiweninena.
17Egi waruj‐hirena, egi harnaj wainaj‐hirena, egi hoxjugra warus‐hirena hotawahiregi napanra kerepanaishanaga‐nuphashana hoixjina.
18Egi herena inekhi Maura gikarajnihena, hironaghirera wakarakishu. Egi wawigiwaxshana wena: Peshe wineshe wankshigra arnankshe?
19Hornihairena, wairena: John Niwawaxunga, egi hota wairena, Elias, egi hijanera wairena, prophet shagra shige hisha niambshana.
20Jesus wawagena: Nishge peshe wineshe hishawishe? Peter horniharna wena: Maura Kristus harnira neninegaja.
21Egi harojaxji wawigena inke washa de‐e hisha hogirag hiranikje ena.
22Wena: Wankshig‐hinigra washara roha jasgegi hawekjanena, egi washinukanara wajis‐hirekjanena, egi nabhoruxaj hirukanara egi wowagax hiperesra, egi jasgegi d’ehiregi phinana, egi niaimbkjanena hamb hidanihainja.
23Egi harnaj wawagena: Hisha hiroinaikjegi, kikurushjane hianaga, egi hambokahi nanramihera kuruk’inegi hiroinaikjena.
24Egi higu peshe wankshig‐hoina hikarashishighi, xawarni karagikjanena, eshi higu peshe wankshig‐hoira xawarnikaragigi Ne‐hawau waungi, e wankshiginkjanena.
25Jaguisha ruxurugnashe hisha managre harnaj ruxurugkhi, egi exji xawarnikhingi, egi nige‐hot’unairegi.
26Higu peshe hiroigishikhi egi hoit’e warnira, e Wankshig‐hinigra hishge hirogishigkjanena, jaja gloria harnieja gigi, egi Hianjra glori harnieja egi waxopiniwarajire wakanjank warnieja.
27Eshi wogisogra hornigitagwina, e‐gi hisge unakshana, e inke hot’era harajab‐hiranikjanena, unak’u Maura hungma harnira hajairekjanena.
28Egi hageja herena deshesge arnaga hamb haruwangahanegi, Peter russana egi Johnga egi Jakobga egi xexete hihageja howarairena Maura gikaraj.
29Egi Maura gikarajnank’u, hishjara hijanjinakshana, egi waini earnira sgarna egi rukanakanabshana.
30Egi horuxujre, eja wangra nup hokit’arnankshana, Moses egi Elias e hererena.
31E gloria jantinena egi hokirujera jasge Jerusalem eja hikjanegi e hirokit’arnankshana.
32Egi Peter egi jarnaga wakishuhiga shjuwana howashaxjinena, egi jaja hikhinegi, gloria harnira hagijairena egi wangra nupiwi hakishu nashinjena.
33Egi herena, jaja t’urakarairegi, Peter Jesus wagena: Hirukanara, phiwawawigaja higiajiwira jhira dani haunkjawina, hisha ningiuwianaga egi hisha Mosesga, egi hisha Eliasga, inke jagu wagarnankhi hipereswarnina.
34Deshesge arnak’u, eja maxiwi jina, egi hoirawahasi jinaghirena, egi nakawairena maxiwi rogeja howahiarairege.
35Egi eja maxiwieja hisha hora naxguinegi, wena: De‐e Hinigharna wagixetena, harnaxguwine.
36Egi jaja hit’et’era rashjangi Jesus inekhi jena. Egi inke xabhiranina, egi inke hisha hogiraghiranina hambnanka eja washa e hajairega.
37Egi herena, haininegi jaja xeja howakiriregi, wankshigra rokana hikiparna.
38Egi horuxujre, wangisha worohainja mashjint’et’ena wena: Hirukanara ningitarna hinighara hungiruxujre, eshana ninkjang harnira herena.
39Egi horuxujre, naxirag hisha russana, egi higuana ijanigshana, egi ruksunksunjshana unja‐u ira jax harawojshana egi washangishgashgana rokana wagiuna, t’unehira wojexi.
40Egi wironag washinira wagitara jangra howahas hirekjege egi rushaghirena.
41Egi Jesus horniharna wena: Inke harnaxguniraniwina, egi wankshig hokixajanke raniwina, hojia jajaixji harnikishu hauwinguni, egi harninia’uwina? Hinigraga hakaranihure.
42Egi hugaja waxopinishishigra mainja hot’unena egi ruksunksunjshana. Egi Jesus naxirag shishigjega najisgina, egi ninkjangjega rushjahina, egi hianjra shige hokaraikuna.
43Egi harnaj khorairena Maura hoxete harnira hiu. Egi jaja wankshigra harnaj khorairegi Jesus e washa ura harnaj, hironag warnira wawagena:
44Hoit’e de‐e nuxhopox washiniwieja nihe wahiwiaje: Wankshig‐hinigra wankshigeja rushjarehirekjanena.
45Eshi hoit’e de‐e inke naxguinanina, egi nuxawagimig hirege e inke naxguiranikjege, egi hoit’e de‐e higiwaxra nakawairena.
46Egi wowewiju hajiarairena, e hajanga rokanawiguni hirairena.
47Egi Jesus wawiperessana najge warninera wowewira, ninkjang hisha rusanaga egi hikija hieja kerena,
48Egi wawagena: Higu peshe ninkjang de‐e rusgi rash‐harnira hawau, hinruswaunana, egi higu peshe hinrusgi rusnana hisha huingigira ruswaunana. Hisha horograwiregi worujisjingi e xetekjanena.
49Egi Johnga horniharna egi wena: Hirukanara, hisha hajawina waxopinishishig jangra howahas‐shana rash hashinira hiu, egi roagixiwina, inke wangironagwinige esge.
50Egi Jesus wagena: Inke rogixinine, hisha inke wangakirawinigi, niarniajena.
51Egi herena hambra higirerahena wangregi howaji rus‐hirekjanena, Jerusalem‐eja hapahi rahena.
52Egi jowehieja woragra howarewagigina, egi harairena, egi Samaritra jhinagisha harninera eja hokawairena, higi‐korohoirekjege hornara.
53Egi inke hokewegigiranina, Jerusalem‐eja hapahi rahege esge.
54Egi jaja hironaghirera Jakob egi Johnga de‐e hajairegi wairena: Hirukanara, raiphingi uashikjawina wangregi pej howajianaga tajebhirekjena, Elias una shesge?
55Egi hakjampshana, egi najwisgina, egi wena: Inke hiraperes‐winishe naxirag jasgeisha eja ninewira?
56Wankshig‐hinigra inke wankshignagre maisinsh wahikje wagiunjinina, eshi niamb wahikjege. Egi jhinag hijanesha eja howarairena.
57Egi herena, nagueja harahairau, hisha wagena: Hirukanara hironinaikjanena higu hajinja horawasheregi.
58Egi Jesus wagena: Washerekesira mopox harninankshana, egi wanig wangregi herera homa harninankshana, eshi Wankshig‐hinigra inke washanisha harninina hajinja nasura khanaikjenisgena.
59Egi hijaneisha wagena: Hiroinagre. Egi wena: Hirukanara, jorni jajiga karaxe‐reingigire.
60Jesus wagena: D’arnanka d’era wakaraxairekjena, eshi Maura hungma harnira wihokhu rare.
61Egi hijaneisha hishge wena: Hirukanara, hironinaikjanena, eshi jorni wikaragi hingigire, wajhieja nagra.
62Egi Jesus wagena: Hisha mainupurueja harukosanaga egi hakjampgi, inke Maura hungma harnieja here phininana.
Currently Selected:
Lukga 9: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
